11th July 2020, Saturday

E-budhabar
Header Right Side NTC Advertisement

के समाजवाद नैतिकताहीन लुटको व्यवस्था हो र ?

के समाजवाद नैतिकताहीन लुटको व्यवस्था हो र ?

मान्छेहरू कुदाकुद गरेका छन् ! हाप र झाप गरेका छन् ! सधंै हतारो छ ! एकछिन फुर्सद छैन ! केही छुटेजस्तो, केही हराएजस्तो गर्छन् ! किन यति धेरै व्यग्रता ! किन यति धेरै व्यस्तता ! किन यति धेरै पाउंन खोज्छन् थाहा भएन ! अपहत्ते गरेका छन् ! मरिहत्ते गरेका छन् ! कसैले कसैलाई टेर्दैन ! कसैले कसैलाई मान्दैन ! सब आफैं ठूला छन् ! आफैं जान्ने छन् ! आफंै सुन्ने छन् ! सबै गुरु छन् ! सबै डाक्टर छन् ! कुरा गरी साध्य छैन ! आफैं सम्पूर्ण भएको ठान्छन् ! आफैं राजा भएका छन् ! के हुँदै छ ! दुनिया कता जाँदै छ ! बुझ्नै कठिन भो बा !
यता ठेक्कापट्टा छ, उता तस्करीको धन्दा चलिरहेको छ ! विदेशमा बिजनेस छ रे ! गाउँमा कथित अर्गानिक कृषि फार्म छुट्टै छ ! आफ्नो पेन्सन आउँदै छ ! एउटा छोरो अमेरिका छ ! अर्को क्यानडा छ ! पु¥याउनु, पठाउनुपर्ने केही छैन ! दुवै कमाउने धन्दामै छन् ! छोरी पनि आम्दानी हुने ठेगाना समातेर बसेकी छन् ! फेरि पनि मान्छेलाई पुगेको छैन ! ऊ अझै केही पाऊन्, केही कमाउन लागेकै छ ! मरिमेटेर हिँडेकै छन् ! उमेर पाके पनि, चाउरी परेका गाला, सुकेका ओठ लिएर खटिएका छन् ! यो मानव जीवन कती दुःखी हो ! कति मोही हो ! कति अभाव र आवश्यकताले भरिपूर्ण हो बुझ्न कठिन भो बा !
यता लुट्याछ, उता ठग्याछ ! यता जग्गा दलाली छ ! उता भन्सारको बिचौलियागिरी छ ! भ्याइ नभ्याइ छ ! माथि गयो, तल आयो ! प्रदेशमा, स्थानीय तहमा चारैतिर आउने ठाउँ मात्र खोजिहिँड्छ ! दुनियाँ जहाँ जाओस् ! जेसुकै होस्, मतलब छैन ! जहासुकै जाऊंन ! जेसुकै गरून् ! केवल आफू, आफ्ना र आफैंलाई चाहिने ! मान्छे किन यति धेरै स्वार्थ केन्द्रित भएको छ ! किन यति धेरै मतलबी भएको छ ! आखिर मरिलानु के नै होला र ! एक दिन ढिलोचाँडो हो ! मर्न सबैले पर्छ ! साथमा जाने केही पनि होइन ! यो भएको एउटा शरीर पनि डढेर जाने हो ! पन्चतŒवले बनेको हो ! त्यही पञ्च तŒवमा मिल्ने हो ! फेरि पनि किन यति धेरै तानातान ! यति धेरै मारामार ! हैट ! कति टेन्सन यो मान्छेको जातलाई !
मान्छेले क्रान्ति गर्छु भन्यो ! दुनियाँ बदल्छु भन्यो ! ज्यान छाडेर लाग्यो ! जेल प¥यो, नेल खायो, प्रवास बस्यो ! दुःखकष्ट दुनियाँ भोग्यो ! जनयुध्द लड्यो ! कति मरे, कतिलाई मारे ! युद्धका डरलाग्दा अनुभव छन् ! कष्टकर भूमिगत जिन्दगी थियो ! घनघोर लडाइँ बित्यो ! लडाइँ सफल भयो ! अहिले देशको सत्ता आफ्नै हातमा छ ! स्थिर सरकार बनेको छ ! भत्ता सुविधा खाको छ ! सम्पूर्ण नाफाको जिन्दगी हो ! फेरि पनि पुगेको छैन ! ठेक्कामा चासो छ ! व्यापारमा पनि लगानी छ ! प्लटिङमा सेयर छ ! कमिसनमा ध्यान छ ! नियुक्ति त आफ्नाभन्दा बाहिर जान दिएकै छैन ! फेरि पनि संसार उनैलाई चाहिएको छ ! यस्तो किन हुन्छ ? ए बाबा ! बुझिसक्नुभएन !
यो मान्छे भन्ने अचम्मको प्राणी छ ! उसलाई जति भए पनि पुग्दैन ! यति धेरै लोभी त कुनै जनवार पनि हँुदैन ! बरु पशुहरू पेटभरि खान पाएपछि आनन्दसँग बस्छन् ! उग्राउन थाल्छन् ! मान्छे त हत्तपत्त अघाउँदै अघाउँदैन ! जति भए पनि भरिँदैन यो मनुष्यको पेट ! जति हाले पनि अटाउँछ उसको पेटमा ! लाउडा अटाउँछ ! वाइड बडी अटाउँछ ! एनसेलको झन्डै ४० अर्ब हराउँछ ! मेलम्चीको सिंगै सुरुंग अलमलमा पर्छ ! बालुवाटारको जग्गा घटाउँछ ! गुठीको जग्गा पनि मज्जाले पचाउँछ ! सर्वजनिक सम्पत्ति पनि छुट्याउँदैन यसले ! यसले कडा–नरम केही भन्दैन ! साना–ठूलाबीच विभेद गर्दैन ! सबैलाई समान रूपले पचाउन सक्षम छ मान्छे !
गज्जब छ बा यो मनुस्य ! बुझिनसक्नु !
फाटेको चप्पलले काम चलेकै थियो ! जुत्ता चाहियो गोल्डस्टारको ! त्यसले पुगेन अब विदेशी जुत्ता ! खाडीको मयलपोसले काम चलेको थियो ! अब विदेशी सुट ! पैदल नै संसार डुलिन्थ्यो ! साइकल , साईकलबाट अब मोटरसाइकल ! अब त मोटरसाइकल के चढ्नु, एउटा सानो गाडी किनौ ! सकभर आफ्नो परिचयअनुसारको सवारी जोडौ ! टोयोटा कार , पोजेरो, प्राडो चढौ ! राम झुपडीमा आरामले जिन्दगी चलेको थियो ! अब एउटा घर त राम्रो बनाऊ ! साथीभाइ, इष्ट(मित्र अनि जोरीपारीलाई पनि त देखाउनुप¥यो !
एवंरितले मान्छे स्वार्थी बन्दै गयो ! लोभी हँुदै गयो ! पापी बन्दै गयो र आजको शोषणमा आधारित समाज स्थापित भयो ! यो शोषण र अन्यायमा आधारित समाज टिकाउन दमन गर्नुप¥यो ! यसरी आमनगरिकलाई दमन गर्न राज्य स्थापित भयो ! त्यही शोषण र दमनमा आधारित राज्यकै कारण आजको अस्तव्यस्त र ध्वस्त एकल स्वार्थी समाज यस्तो भएको हो ! यसलाई बदल्ने विचार माक्र्सवादी विचार हो ! माक्र्सीय विचारमा आधारित कम्युनिस्ट पार्टीको सरकार देशमा छ ! तर, समाज बदल्ने कामले बाटो लिएन ! कारण के हो ? कारण अनेक हुन सक्छन् ! सबभन्दा प्रमुख कारणचाहिँ हामीजस्ता मान्छे देश बनाउनभन्दा आफू बन्नतिर लाग्यौं ! स्वार्थ साधनातिर प्रवेश ग¥यौं !
आखीर मान्छेले जतिसुकै स्वार्थ राखून् ! कमाऊन्, लुटून् ! नगद–जिन्सी , जग्गा–जमिन , सुन–चाँदी र डलर जम्मा गरून् ! यो पृथ्वीमा बाँच्नेसम्म हो ! हाँस्नेसम्म हो ! खुसी हुनेसम्म हो ! हामी देखिरहेका छौ ! मान्छेलाई पँुजी वा सम्पत्तिले होइन, सन्तुष्टिले खुसी दिन्छ ! सन्तुष्टिले आनन्दित बनाएको हुन्छ ! समाज र सामाजिक भावनाले खुसी बनाएको हुन्छ ! मान्छे आफ्नो खुसी खोज्दा अरुको दुःख चाहने वर्गमा पर्दैन तर ऊ आफ्नो खुसीमा यति मग्न छ कि दुनियाँ भुल्न थालिसक्यो !
आरामले मजदुरी गरेर, आफ्नै कमाइ खाने मजदुर जति खुसी हुन्छ, त्यति खुसी शोषण गरेर पुँजीको ठुलो थुप्रो जम्मा गरेर राख्ने मान्छे हुन सक्दैन ! दुनियाँमा बाँच्नका निम्ति खाने हो ! जम्मा गरेर, थुपारेर राखेको सम्पत्तिको केही अर्थ छैन ! यो सब क्षणिक मात्र हुन्छ ! दुई दिनको जिन्दगीमा सरल र सादा भएर आरामले बाँच्न सकिन्छ ! सादा जीवन उच्च विचार ! सादा जीवन उच्च विचार नै खुसी हुने सबभन्दा सुन्दर तरिका हो ! किन बुझ्दैन मान्छे !
हामी क्रान्ति गर्न, नयाँ समाज बनाउन अनि समानता ल्याउन लाग्यौं ! जनताले साथ दिए ! क्रान्ति भयो ! सडकबाट सदनमा हामी पुग्यौं ! सदनबाट मन्त्री, प्रधानमन्त्री सबै भयौ ! दोहोरो, तेहेरो पनि प्रधानमन्त्री भइसक्यौ ! पद भयो ! प्रतिष्ठा पाइयो ! तर हामीले समाज बदल्न सकेनौ ! यो गम्भीर कुरा हो ! यसको हामीले गम्भीर समीक्षा गर्नुपर्छ ! र, दुनियाँ बदल्ने बाटो खोज्नैपर्छ !
दुनियाँ किन बदल्न सकिएन ? यसमा बाधा के छ ! पहिचान गरेर अघि बढ्नुपर्छ ! दुनियाँ बदल्न, यो समाज बदल्न पहिला हाम्रो सोच बदल्नुपर्छ ! हामीले स्वार्थी सोच त्याग्नुपर्छ ! समाजको सोच बदल्नुपर्छ ! समाजमा नैतिक मूल्यको सम्मान गर्नुपर्छ ! समाज बदल्ने कुरामा सबभन्दा डरलाग्दा अवरोध भनेका भ्रष्टाचार बेथिति र कुसंस्कार हुन ! भ्रष्टाचारमाथि आक्रमण केन्द्रित गर्नुपर्छ ! बेथिति रोकेर कुनै निकायमा विधि, प्रक्रिया र प्रणालीबाट चल्ने परिपाटी स्थापित गर्नुपर्छ ! घुसखोरी–कमिसनखोरीलाई निषेध गर्नुपर्छ ! त्यत्तिकै महŒवपूर्ण कुरा सबै किसिमका कुसंस्कारको अन्त्य गरी प्रेम, सद्भाव र भाइचाराको असल संस्कार स्थापित गर्नुपर्छ ! यो नै समाज बदल्ने तरिका हो !
समाजवाद र क्रान्तिका ठूला कुरा गरेर मात्र हुन्न ! इमान र इतिहासका कुरा गरेर मात्र पनि हुन्न ! विचार र सिद्धान्तको प्रवचनले मात्र पनि हुन्न ! सिद्धान्त लाई व्यवहारमा रूपान्तरण गर्नु आवस्यक छ ! राज्य
र राज्यका सम्पूर्ण अंगहरूलाई जनता र केवल जनताको सेवामा लगाउन सक्नुपर्छ ! आम र आधारभूत जनताका लागि राज्य हो ! उनीहरूको प्रगतिका लागि काम गर्नु नै राज्यको मूलभूत कर्तव्य हो भन्ने कुरा स्थापित गर्नुपर्छ ! अनि जनता साथमा हुनेछन् ! जनताको साथले मात्र समाज बदलिने हो !
इतिहासका निर्माता जनता हुन् ! समाजवादको असली निर्माता पनि जनता नै हुन ! जय जनता !!!

Leave a Reply

Your email address will not be published. Required fields are marked *

... र यो पनि ...

  • डाटा सेवाको अवधी थप

    चैत २७, काठमाडौं । विश्वव्यापी रुपमा कोरोना भाइरसको महामारीले सिर्जना गरेको विषम परिस्थितिका कारण मुलुकमा कायम रहेको लकडाउनको अवस्थामा नेपाल टेलिकमले आफ्ना ग्राहकवर्गलाई भ्वाइस तथा डाटा सेवामा उपलब्ध गराएको स्टे कनेक्टेड अफरको अवधि थप गरेको छ । नेपाल सरकारले तेश्रो पटक लकडाउनको समयावधि थप गरेपछि कम्पनीले ग्राहकहरुको सुविधालाई ध्यानमा राखी...
  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...