14th December 2019, Saturday

E-budhabar
Header Right Side NTC Advertisement

वामदेवसँग रामचन्द्र भिडाउने



काठमाडौं । आगामी १४ मंसिरका लागि घोषित उपनिर्वाचनको मिति दिनगिन्ती सुरु भएसँगै कास्की–२ मा कांग्रेसले वरिष्ठ नेता रामचन्द्र पौडेललाई पनि सम्भावित उम्मेदवारका रूपमा चर्चामा ल्याएको छ । सत्तारूढ नेपाल कम्युनिस्ट पार्टी (नेकपा) ले उपाध्यक्षमा प्रस्तावित पूर्वउपप्रधानमन्त्रीसमेत रहेका हेभिवेट नेता वामदेव गौतमलाई अघि सार्ने तयारी गरेपछि कांग्रेसले पनि समकक्षी हेभिवेट पौडेलको नाम चर्चामा ल्याएको हो ।
गौतम गत निर्वाचनमा बर्दियाबाट कांग्रेसका सञ्जय गौतमसँग पराजित भएका थिए भने पौडेल साबिक एमालेका किसन श्रेष्ठसँग तनहुँमा पराजित भएका थिए । २०४८ सालदेखि नै लगातार चुनाव जित्दै आएका पौडेलले पछिल्लो पराजयपछि निकै आहत महसुस गरेको बताइन्छ । त्यसैले पनि नेकपाले गौतमलाई अघि सारे सभापति शेरबहादुर देउवाले नै पौडेललाई अघि सार्ने योजना बनाएको बुझिएको छ । पौडेललाई उम्मेदवारका रूपमा चर्चामा ल्याउनुका पछाडि देउवाको धेरै स्वार्थ लुकेको बताइन्छ । यद्यपि, पौडेल स्वयंले भने अहिलेसम्म यसबारे मुख खोलेका छैनन् । पौडेलले जितेको खण्डमा पार्टीलाई मिलाएर महाधिवेशनमा लैजाने र उनको जिताइको सकारात्मक सन्देशबाट पुनः सभापति बन्ने देउवाको योजना रहेको बताइन्छ । त्यस्तै, पौडेललाई भावी प्रधानमन्त्रीका रूपमा अघि सारेर पनि सभापति पुनः सुरक्षित राख्ने देउवाको खेल रहेको बुझिएको छ । यदि पुनः पौडेल पराजित भएको खण्डमा पार्टीमा उनी थप कमजोर बन्दा फाइदा पुग्ने जोडघटाउ देउवाले गरेको बताइन्छ । गौतमले जितेको खण्डमा पनि उनलाई समेत सहजै प्रभावमा राख्न सकिनेसम्मको आँकलन देउवाले गरेको बताइन्छ ।
तत्कालीन पयर्टनमन्त्री रवीन्द्र अधिकारीको क्षेत्र भएकाले पनि नेकपाले प्रतिष्ठाका रूपमा हेरेको छ । गौतमले उठ्न नचाहेको अवस्थामा नेकपाले उनकी धर्मपत्नी विद्या भट्टराईलाई उठाउने तयारी गरेको छ । गौतम उठेको अवस्थामा भने भट्टराईलाई राष्ट्रियसभामा मनोनीत गर्ने बताइएको छ । उता, कांंग्रेसले पनि आफ्नो राम्रै जनमत भएकाले पौडेलबाहेक जित्न सकिने अन्य उम्मेदवारहरूको समेत खोजी गरिरहेको छ । त्यसक्रममा अहिलेसम्म धनराज गुरुङ र यसअघि अधिकारीसँगको प्रतिस्पर्धामा पराजित देवराज पोखरेललगायतको नाम कांग्रेसबाट चर्चामा रहेको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

सुरज भए झनै निष्क्रिय

ShareTweet काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराई नेपाल भ्रमण वर्ष–२०२० लाई सफल तुल्याउन अचेल दिनरात खटिइरहेका छन् । भ्रमण वर्ष नजिकिँदै- ...
पूरा पढ्नुहोस्

स्रष्टा र सिर्जना

कसरी बिर्सिए यिनी ?

ShareTweet पञ्चायती कालरात्रिलाई भोगेका सर्जकहरूले त्यो निरंकुश व्यवस्थालाई लल्कार्ने आधार बनाए, सिर्जनालाई । सिर्जनाका अनेक माध्यममध्ये तत्कालीन समयमा सशक्त मानिन्थे,- ...
पूरा पढ्नुहोस्

नयाँ पुस्तक

हिन्दु देवताको शल्यक्रिया

ShareTweet क्रिस्टोफर कडबेलले भनेका थिए, ‘धर्म एक मिथ्या सूर्य हो, जो दिग्भ्रमित मानिसहरूको वरिपरि परिक्रमा गर्दछ ।’ हुन पनि, मानव जातिको उत्पत्तिकालदेखि नै धर्मको- ...
पूरा पढ्नुहोस्

छोटकरीमा