27th May 2020, Wednesday

E-budhabar
Header Right Side NTC Advertisement

उत्कृष्ट कार्यालयमा बिचौलियाको बिगबिगी

काठमाडौं । सरकारले सरकारी अड्डाभित्रबाट बिचौलिया र लेखापढी व्यवसायी निस्तेज पार्ने भने पनि त्यो पूर्ण रूपमा लागू हुन सकेको छैन । भ्रष्टाचार अन्त्य गर्ने र जनतालाई प्रभावकारी सेवा दिने भन्दै प्रधानमन्त्री केपी ओली नै उपस्थित भएर नमुना मालपोत घोषणा गरेको कलंकी मालपोतको नै उस्तै हालत भएपछि अन्यत्र के होला स्वतः अनुमान गर्न सकिन्छ ।
सेवाग्राहीबाट घुस लिएको आरोपमा केही दिनअघि नायब सुब्बा ईश्वरीप्रसाद पोख्रेल र खरिदार रामहरि सुवेदीलाई अख्तियार दुरुपयोग अनुसन्धान आयोगले सोमबार विशेष अदालतमा मुद्दा चलाएको छ । उनीहरू मालपोतका कर्मचारीहरू हुन् । सोसँगै केही लेखापढी व्यवसायी समेतलाई मुद्दा लगाइएको छ । नेपाल लेखापढी कानुन व्यवसायी एसोसिएसन कलंकी एकाइको अध्यक्षसमेत रहेका विश्वम्भर मैनालीसँगै अन्य दुई लेखापढी व्यवसायी इन्द्रावती खत्री र तुलसीप्रसाद नेपालसमेत मुद्दाको भागीदार भएका छन् । सेवाग्राही कृष्णप्रसाद घिमिरेविरुद्ध पनि मुद्दा चलाइएको छ । ती कर्मचारीहरूले बिचौलियाको सहायतामा सेवाग्राहीसँग घुस लिएर मात्र काम गरिदिएका थिए ।
तर यो विषय अख्तियारले हेर्दैमा त्यहाँ अनियमितता रोकिएको छैन । लेखापढी व्यवसायीमार्फत उनीहरूसँगै घुस लिने–दिने गर्दै आएको खुलेको छ । नासु पोख्रेलले काम गरिदिएबापत अन्य कर्मचारीलाई समेत रकम दिनुपर्ने, नभए काम ढिला हुने भन्दै लेखापढी व्यवसायी मैनाली र खत्रीसँग दुई हजार घुस लिएको उजुरी परेको थियो । अनुसन्धानमा घुस लिएको पुष्टि भएपछि अख्तियारले तीनैजनाविरुद्ध जनही दुई हजार बिगो दाबी गर्दै मुद्दा दायर गरेको छ ।
लेखापढी व्यवसायी नेपालसँग पनि नासु पोख्रेलले एक हजार घुस लिएको अख्तियारले जनायो । यो बेग्लै मुद्दामा दुवैविरुद्ध जनही एक हजार बिगो दाबीसहित मुद्दा चलाइएको छ । त्यस्तै, खरिदार सुवेदीले सेवाग्राही घिमिरेसँग एक हजार घुस लिएको भन्दै दुवैविरुद्ध जनही एक हजार बिगो दाबी माग गरेको छ । कर्मचारीले विभिन्न बहानामा घुस माग्ने गरेका कारण सेवाग्राही बाध्य भई लेखापढी व्यवसायीमार्फत काम गराउनुपर्ने बाध्यता रहेको र उनीहरूमार्फत नै लेनदेन हुने गरेको अख्तियारले दायर गरेको आरोपपत्रमा उल्लेख छ । नमुना मालपोतमा अवलम्बन गरिएको एकद्वार प्रणालीका कारण सिधै घुस लिन नमिल्ने भएपछि कर्मचारीले लेखापढी व्यवसायीमार्फत लिन थालेका हुन् । त्यसो त त्यहाँ लेखापढीका पूर्वअध्यक्ष हरि आचार्यलगायत अन्य दर्जनौं लेखापढी व्यवसायीहरूले कार्यालय नै खोलेर कर्मचारी र सेवाग्रहीबीच समन्वयको काम गरिरहेको बताइन्छ । असार पहिलो हप्ता कलंकी मालपोतलाई ‘नमुना मालपोत’ कार्यालयका रूपमा उद्घाटन गराइएको थियो  । ७ फागुन ०७५ मा भूमि व्यवस्था, सहकारी तथा गरिबी निवारण मन्त्रालयले कलंकी मालपोतलाई नमुना मालपोत कार्यालय बनाउने निर्णय गरेको थियो ।
कलंकी मालपोत कार्यालयको निगरानी सिधै मन्त्रालय र विभागबाट हुनेगरी आधुनिकीकरण गरिएको भनिए पनि घुस लेनदेन हट्न सकेको छैन ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...