14th August 2020, Friday

E-budhabar
Header Right Side NTC Advertisement

वातावरण बिग्रिएपछि निलम पनि अलग

काठमाडौं । करिब डेढ महिनाअघि बिरामी भएको बहाना बनाउँदै सदस्य–सचिवले छाडेपछि लथालिंग बन्न पुगेको भिजिट नेपाल–२०२० को सचिवालयबाट केही दिनअघि अर्का कर्मचारीले पनि छाडेका छन् । काम गर्ने वातावरण नभएको भन्दै उपसचिव निलमकुमार न्यौपानेले आफ्नो जिम्मेवारीबाट बिदा लिएका छन् ।
भिजिट नेपाल–२०२० लाई सफल तुल्याउन सरकारले बेग्लै सचिवालय स्थापना गरेर काम गर्दै आएको थियो । तर, करिब दुई महिनाअघि भने सदस्य–सचिव नलिनी थापाले सो जिम्मेवारी छाडिन् । उनले आफू बिरामी भएको हुँदा काम गर्न नसक्दै भन्दै छाडेकी थिइन् । उनी साबिकको जिम्मेवारी नेपाल पर्यटन बोर्डको वरिष्ठ निर्देशकमै फर्किएकी छन् । सदस्य–सचिवले छाडेपछि लथालिंग बन्न पुगेको भिजिट नेपाल–२०२० मा प्रशासनिक काम हेर्ने गरी संस्कृति, पर्यटन तथा नागरिक उड्डयन मन्त्रालयका उपसचिव न्यौपानेलाई पठाइएको थियो । सचिवालयको कामलाई चुस्त र प्रभावकारी बनाउने हिसाबले न्यौपानेलाई पठाइएको थियो । सो जिम्मेवारीमा त्यसअघि मन्त्रालयका अर्का उपसचिव दीपक थापालाई पठाए पनि उनी काम गर्ने वातावरण नभएको भन्दै मन्त्रालयमै फर्किएका थिए ।
उपसचिव थापाले छाडेयता भिजिट नेपाल–२०२० नजिकिँदै गइरहेकोमा मन्त्रालयको प्रतिनिधि नहुँदा अप्ठेरो पर्ने भएपछि न्यौपानेलाई पठाइएको थियो । तर, न्यौपाने पनि केही दिनअघि मात्र सचिवालयमा काम गर्ने वातावरण नभएको भन्दै पुनः मन्त्रालयमै फर्किएका छन् । यसैबीच, सदस्य–सचिवमा कसलाई पठाउने भन्ने विषयमा मन्त्रालयमा छलफल चलिरहेको बुझिएको छ । नयाँ सदस्य–सचिवमा पर्यटन बोर्डकै निर्देशक तहकालाई नियुक्त गर्ने वा बाहिरका व्यक्तिलाई नियुक्त गर्ने भन्नेमा कुनै टुंगो लागिसकेको छैन । सदस्य–सचिवमा नियुक्तिका लागि कार्यविधिले व्यवधान पु¥याएको हुँदा ढिलाइ हुन पुगेको थियो । भिजिट नेपाल–२०२० को कार्यविधिमा सदस्य–सचिवमा पर्यटन बोर्डको वरिष्ठ निर्देशक नियुक्त हुने उल्लेख थियो । तर, वरिष्ठ निर्देशक थापा हठात् रूपमा जिम्मेवारीबाट पन्छिएपछि सचिवालयको काम प्रभावित बन्न पुगेको थियो ।
भिजिट नेपाल–२०२० को सचिवालयको कामप्रति मन्त्री योगेश भट्टराई पनि असन्तुष्ट देखिएका छन् । केही दिनअघि मन्त्री भट्टराईले सो कुरा सार्वजनिक रूपमै व्यक्त गरेका थिए । मन्त्री भट्टराई भिजिट नेपाल–२०२० का राष्ट्रिय संयोजक सुरज वैद्यको कार्यशैलीप्रति सन्तुष्ट नभए पनि उनलाई हटाउन सक्ने अवस्था भने तत्काललाई नरहेको बताइन्छ । वैद्य प्रधानमन्त्री कार्यालयकै रुचिअनुरूप नियुक्त भएका हुँदा उनलाई हटाउने सम्भावना नरहेको र भिजिट नेपाल–२०२० कै मुखमा राष्ट्रिय संयोजकलाई हटाउँदा त्यसले गलत सन्देश दिने भएको हुँदा वैद्यलाई हटाउने अवस्था नरहेको बुझिएको छ ।
मन्त्री भट्टराईले नियुक्त गरेका दुईजना विज्ञले मन्त्री र सचिवालयबीच समन्वय गर्ने काम गरिरहेका छन् ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...