4th July 2020, Saturday

E-budhabar
Header Right Side NTC Advertisement

१९ दिन बित्यो, थपिएन म्याद

काठमाडौं । विश्वविद्यालयका पदाधिकारीहरू चयन गर्न शिक्षा तथा विज्ञान प्रविधिमन्त्री गिरिराजमणि पोखरेलको संयोजकत्वमा गठित सर्च कमिटीको म्याद सकिएको १९ दिन बितिसक्दा पनि अझै म्याद थपिएको छैन । भदौयता सातवटा विश्वविद्यालयका उपकुलपतिहरू रिक्त रहेका हुँदा नयाँ उपकुलपति नियुक्तिका लागि सिफारिस गर्न शिक्षा मन्त्रीको संयोजकत्वमा सर्च कमिटी गठन गरिएको थियो ।
सर्च कमिटीको म्याद भदौ २० गते नै सकिएको हो । म्याद सकिनुभन्दा केही दिनअघि सर्च कमिटीको बैठक बसेको थियो । प्रधानमन्त्री केपी शर्मा ओली सिँगापुरमा उपचार गराएर फर्किएपछि एकपटक मात्र सर्च कमिटीको बैठक बसेपछि म्याद सकिएको थियो । त्यसअघि नै गठन भएको सर्च कमिटीको म्याद तीन–तीन पटकसम्म थपिएको थियो । तर, पटक–पटक म्याद थपिए पनि सर्च कमिटीले रिक्त रहेका विश्वविद्यालयका उपकुलपतिहरूको नाम सिफारिस गर्न सकेको थिएन ।
त्रिभुवन विश्वविद्यालय, नेपाल संस्कृत विश्वविद्यालय, पूर्वाञ्चल विश्वविद्यालय र कृषि तथा वन विश्वविद्यालयको उपकुलपति गएको भदौ ७ गतेदेखि रिक्त छन् । यसबीचमा त्रिविको उपकुलपतिमा डा. सुधा त्रिपाठीलाई बढीमा तीन महिनाका लागि नियुक्त गरेको छ । त्रिविका रेक्टर डा. त्रिपाठीलाई सुरुमा कार्यवाहकको जिम्मेवारी दिएर पछि चाहिँ उपकुलपतिमा नियुक्त गरेको थियो । संस्कृत विश्वविद्यालयको कार्यवाहक उपकुलपतिमा रेक्टर रमेश ढकाल, पूर्वाञ्चलको कार्यवाहकमा डिन बेजुकुमार थपलिया र कृषि तथा वनको कार्यवाहकमा डिन शारदा थपलियालाई जिम्मेवारी दिइएको थियो ।
बितेको हप्ता थप तीनवटा विश्वविद्यालयको उपकुलपति पनि खाली भएको छ । पोखरा, मध्यपश्चिम र सुदूरपश्चिमाञ्चल विश्वविद्यालयका उपकुलपतिहरू रिक्त हुन पुगेका हुन् । यी तीनवटै विश्वविद्यालयका उपकुलपति रिक्त रहेपछि डिनहरूलाई कार्यवाहकको जिम्मेवारी दिइएको छ । तर, रिक्त रहेका र सीमित समयका निम्ति उपकुलपति तोकिएका विश्वविद्यालयहरूमा नयाँ उपकुलपति नियुक्तिका लागि सिफारिस गर्न गठित सर्च कमिटीको म्याद नथपिएको हुँदा विश्वविद्यालयहरू पदाधिकारीविहीन बन्न पुगेका छन् । सर्च कमिटीमा शिक्षामन्त्री पोखरेलका साथै डिल्लीराम शर्मा र कमल गुरागाईं सदस्य रहेका छन् ।
दूरसञ्चार प्राधिकरणमा परिवारवाद हाबी
काठमाडौं । नेपाल दूरसञ्चार प्राधिकरणमा नयाँ अध्यक्ष पुरुषोत्तम खनालले केही नयाँ योजना सुरु गरेर काममा गति दिने अपेक्षा गरिए पनि उनले त्यसो गर्न नसकेको भन्दै मन्त्री गोकुल बास्कोटाका साथै त्यहाँका अधिकांश कर्मचारीहरू रुष्ट भएका छन् । निर्विवाद ढंगले काम अगाडि बढाएर प्राधिकरणलाई साँच्चै नियामक निकायका रूपमा चिनाउने काम अध्यक्ष खनालले गर्ने अपेक्षा गरे पनि उनी भने प्राधिकरणभित्र साँघुरो नातावादको कर्मचारीको घेराभित्र रुमलिएको बताइएको छ ।
अध्यक्ष खनालले सबैलाई विश्वासमा लिएर काम गर्नुपर्नेमा कोहीलाई काखा र कोहीलाई पाखा गर्न थालेको भन्दै विवाद चुलिएको छ । उनले जिम्मेवारी बाँडफाँड गर्दा आफू प्रशासनमा हुँदा भर्ती गर्न सफल भएका आफन्तहरूलाई नै महŒवपूर्ण जिम्मेवारी दिएको बताइन्छ । उनका आफन्तहरू नै करिब आधा दर्जन रहेकाले उनी प्राधिकरणमा त्यो घेराबाट बाहिर निस्कन नसकेको आरोप छ ।
उनले निर्देशक दीपेश आचार्यलाई प्रशासनले गर्ने सम्पूर्ण अधिकार सुम्पिएका छन् । आचार्य कनिष्ठ निर्देशक भए पनि अध्यक्ष खनालको सानिमाको छोरा अर्थात् भाइ भएकाले महŒवपूर्ण जिम्मेवारी दिइएको बताइएको छ । त्यस्तै, अध्यक्ष खनालको साली सुनीता पाण्डेलाई अनुमतिपत्र शाखामा विदेशी मुद्रा सटहीसम्बन्धी जिम्मेवारी दिइएको छ । उनी सहायक निर्देशक हुन् । यस्तै अन्य ५–६ जना कर्मचारी पनि अध्यक्ष खनालका आफन्त र छिमेकीहरू रहेको बताइएको छ । त्यस्तै उपनिर्देशक सञ्जीव अधिकारीलाई प्रशासन शाखाको सम्पूर्र्ण अधिकार दिइएको छ भने अर्का उपनिर्देशक सुन्दर प्याकुरेललाई लाइसेन्स प्रमुखको जिम्मेवारी दिइएको छ । उनीहरू दुवैजनासमेत अध्यक्ष खनालको नजिकको नाता पर्ने व्यक्तिहरू रहेको बताइएको छ । आफू प्रशासन प्रमुख हुँदा अध्यक्ष खनालले केही छिमेकी र आफन्तहरूलाई कार्यालय सहयोगी, चालक र सहायक दर्जामा समेत जागिर खुवाएका थिए । तिनको पनि खनाल अध्यक्ष भएपछिको चुरीफुरी बढेको बताइएको छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...