4th July 2020, Saturday

E-budhabar
Header Right Side NTC Advertisement

सुब्बाको जिम्मामा नगरपालिका

काठमाडौं । स्थानीय निकायमा सरकारले आवश्यकताअनुसार कर्मचारी खटाउन नसक्दा बेथितिले जरो गाडेको छ । नगरपालिकाहरूमा उपसचिव वा अधिकृतलाई प्रमुख प्रशासकीय अधिकृतका रूपमा जिम्मेवारी तोकेर पठाउनुपर्नेमा अधिकांश पालिकाहरूमा नायब सुब्बाका भरमा पालिका चलाइएको छ ।
रौतहट जिल्लाको १६ पालिकामध्ये १३ वटामा सुब्बाले पालिका चलाएपछि गुनासो बढेको हो । पहुँचका भरमा माथिबाट जिम्मेवारी लिएर जाने र जिम्मेवारी लिएर आएकाहरूलाई जनप्रतिनिधिसँगको साँठगाँठमा काम गर्न अप्ठ्यारो वातावरण सिर्जना गर्दा योग्यता नपुगेका कर्मचारीहरूको हालमुहाली बढेको हो ।
रौतहटमा दुईवटा गाउँपालिका र अन्य नगरपालिकामध्ये ईशनाथ नगरपालिकामा नायब सुब्बा नन्दकिशोर गुप्ताले पालिका चलाइरहेका छन् । कही महिनाअघि उनले बाढीपीडितका लागि चाउचाउ, भुजियालगायतको सामान खरिद गर्न भन्दै ३० लाख रुपैयाँको टेन्डर गरिएकोमा आधा रकमको पनि खरिद नगरी नक्कली बिल बनाएर बाँकी रकम बाँडीचुँडी खाएको स्रोतको दाबी छ ।
अधिकांश नगरपालिकाहरूमा सुब्बा पनि प्रशासनतर्फका नभई प्राविधीक अर्थात् प्रशासन नबुझेकाहरूलाई निमित्त प्रमुख कार्यकारी अधिकृतको जिम्मेवारी तोकिएको बताइन्छ । यसो गर्दा हाकिमहरूले कमिसनको चलखेल गर्ने पर्याप्त ठाउँ बनेको आमजनताको गुनासो छ । ईशनाथ नगरपालिकाका निमित्त प्रमुख कार्यकारी अधिकृत गुप्ताले आफन्तहरूलाई विभिन्न आयोजनाको उपभोक्ता समितिको अध्यक्ष बनाउँदै पैसा बाँड्दै गरेका छन् । यसरी निमित्त कार्यकारी अधिकृतको जिम्मेवारी सुब्बाले लिएको रौतहटका अन्य नगरपालिकाहरूमा बौधीमाई, राजदेवी, राजपुर परहवा, माधवनारायण, कटहरिया, फतुवा विजयपुर, वृन्दावन र गढीमाई नगरपालिका रहेको बताइएको छ । यसैगरी जमुनामाई नगरपालिकाको पनि उस्तै हालत रहेको बताइएको छ । स्थानीय तहमा अनधिकृत व्यक्तिहरूको आडमा यसरी भ्रष्टाचार भइरहँदा पनि अख्तियार दुरुपयोग अनुसन्धान आयोगजस्ता निकायहरू भने रमिते बनेर बसेका छन् । उनीहरूको गैरजिम्मेवारीका कारण सिंगो जनप्रतिनिधिप्रति नै वितृष्णा पैदा भएको बताइन्छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...