20th November 2019, Wednesday

E-budhabar
Header Right Side NTC Advertisement

खरेलको दिनगन्ती सुरु



खरेलको दिनगन्ती सुरु

काठामाडौं । १३ महिनाअघि प्रधानमन्त्री केपी शर्मा ओलीको ठाडो प्रस्तावमा राष्ट्रिय ध्वजावाहक नेपाल वायुसेवा निगमको कार्यकारी अध्यक्ष नियुक्त भएका मदन खरेलको दिनगन्ती सुरु भएको छ । ‘निगमको साख’ सुधार गरेर व्यापार बढाउने अपेक्षासाथ नियुक्ति गरिए पनि खरेलले यो अवधिमा कुनै सुधार गर्न नसकेपछि सरकार उनीप्रति असन्तुष्ट भएको हो ।
केही गरेर देखाऔं भन्ने चाहनाका साथ केही अघि मात्र पर्यटनमन्त्री नियुक्त भएका योगेश भट्टराई १३ महिनासम्म केही गर्न नसकेको व्यक्तिबाट भोलिका दिनमा केही होला भन्ने आशामा पनि पुग्न नसकेको बुझिएकोे छ । भट्टराईले असोज ३ गते प्रेस संगठननिकट पत्रकारहरूको एक भेलामा पनि काम गर्न नसक्नेहरूलाई यथास्थानमा राखिरहने पक्षमा आफू नरहेको स्पष्ट पारेका थिए । उनको संकेत निगम अध्यक्ष खरेलप्रति रहेको प्रस्टै बुझ्न सकिन्थ्यो । खरेलको अर्कमण्यताकै कारण पछिल्लो समय निगम झन् धराशयी बन्दै गएको छ । प्रधानमन्त्री केपी शर्मा ओलीले त्यही बुझेर निगमले आयोजना गरेको वार्षिकोत्सवमा यस्तै हालत रहे १ रुपैयाँ पनि दिन नसकिने चेतावनी दिएका थिए ।
निगमले जहाज खरिद गर्न सञ्चय कोष र नागरिक लगानी कोषबाट लिएको २४ अर्ब ऋणको किस्ता तिर्न सकेको छैन । घाटा ३७ अर्ब रुपैयाँ पुगेको छ । निगमसँग भएका वाइड बडी, न्यारो बडीसहित आन्तरिकतर्फका सबै जहाज उडाउन नसक्दा दैनिक करोडौं रुपैयाँ घाटा भइरहेको छ । अझ पछिल्लो दिनमा जापानको ओसाका उडानका कारण झनै दिनमै लाखौं घाटा हुँदै गइरहेको छ । निगमका उच्च अधिकारीमाथि निगम धराशयी पार्दै निजी क्षेत्रका विमान कम्पनीलाई फाइदा पुग्नेगरी काम गर्दै आएको आरोप छ । अध्यक्ष खरेल निगमको विकासमा भन्दा पनि स्वार्थ समूहसँग फसेको निगमका अधिकारी बताउँछन् । सबै जहाज उडाउन पाइलट व्यवस्थापन गर्न, नयाँ गन्तव्य खोज्नभन्दा पनि स्वार्थ समूहको प्रभावमा अध्यक्ष खरेल फसेको आरोप छ । निगमका जहाज पूर्ण क्षमताअनुसार चल्न नसक्दा निगम आर्थिक संकटमा फसेको छ । ऋणको किस्ता तिर्न नसकेपछि निगमले सरकारसँग २० अर्ब रुपैयाँ ऋण मागेको थियो । आफ्नै ठाडो प्रस्तावमा कार्यकारी अध्यक्ष बनाए पनि निगमलाई व्यावसायिक योजनाअनुसार अघि बढाउन नसकेपछि प्रधानमन्त्री ओलीले खरेललाई चेतावनी दिइसकेको बुझिएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

अलपत्रै छाडियो कम्प्युटर ल्याब

ShareTweet काठमाडौं । नेपाल दूरसञ्चार प्राधिकरणले अत्याधुनिक कम्प्युटर ल्याब राख्न देशभरिका करिब एक हजार विद्यालयसँग सम्झौता गरेको लामो समय बितिसक्दा पनि अझै काम- ...
पूरा पढ्नुहोस्

स्रष्टा र सिर्जना

कति दुख्छ कालापानी ?

ShareTweet यतिबेला राष्ट्रवादी स्वरलहरी गुन्जिइरहेका छन्, सर्वत्र । युवापंक्ति सडकमा ओर्लिएका छन् । आवाज घन्काइरहेका छन्– ‘लिपुलेक हाम्रो हो ।’ नेपालको भूभाग एकपक्षीय- ...
पूरा पढ्नुहोस्

नयाँ पुस्तक

आफ्नै ठगी बुद्धिले रूपज्योति फन्दामा

ShareTweet काठमाडौं । अर्बौंको कारोबार भएका चर्चित व्यापारी रूपज्योति करोड चानचुनको ठगीमा परेका छन् । जग्गा बेच्न भन्दै विज्ञेन्द्र मल्लसँग एक करोड २६ लाख बैना लिएर- ...
पूरा पढ्नुहोस्

छोटकरीमा