14th December 2019, Saturday

E-budhabar
Header Right Side NTC Advertisement

‘नेकपाको काण्डैकाण्ड’मा तरुणको चर्चा



काठमाडौं । नेपाली कांग्रेसका नेता तथा नेविसंघका पूर्वअध्यक्ष नैनसिंह महरद्वारा लिखित पुस्तक ‘नेकपामा काण्डैकाण्ड’को आइतबार कांग्रेस सभापति शेरबहादुर देउवाले विमोचन गरे । तर, रमाइलो त के थियो भने सो समारोहमा सहभागीहरूबीच भने नेकपाको नभई कांग्रेस भ्रातृ संगठन तरुण दलभित्रको काण्डैकाण्डबारे बढी परिचर्चा भएको थियो ।
तरुण दल अहिले चार सदस्यीय छ । अध्यक्ष, महासचिव, सचिव र कोषाध्यक्ष । चारजनाबीच पनि कुनै कुरामा मत्यैक छैन । पार्टीले सञ्चालन गरेको जागरण अभियानको विषयको विवादका कारण गत हप्ता अध्यक्ष जीजंग बस्नेतले महासचिव भूपेन्द्रजंग शाहीलाई कारबाही गरे भने महासचिव शाहीले पनि विज्ञप्ति नै जारी गरेर अध्यक्ष बस्नेतलाई कारबाही गरेको घोषणा गरे । पार्टी सभापति देउवा आफंैले बनाएका तरुण अध्यक्ष बस्नेतद्वारा कारबाही गरिएका शाही आइतबारको किताब विमोचनमा सभापति देउवासँगै कुम जोडेर मञ्चमा बसेका थिए । यो दृश्य देखेपछि कार्यक्रममा उपस्थित कार्यकर्ताहरूसमेत आश्चर्यचकित भएका थिए । आफैंभित्र यस्ता काण्डैकाण्ड छन्, अरूको काण्डको केको चर्चा भन्दै उपस्थितहरूबीच कानेखुसी चलेको थियो ।
यसैबीच, भदौ २५ गतेदेखि प्रारम्भ गरेको ‘हिमाल, पहाड, तराई–मधेस नेपाली कांग्रेस राष्ट्रिय जागरण अभियान’को दोस्रो चरण हिजो सकिएको छ । यो जागरण अभियानका क्रममा पनि पार्टीभित्रको गुटबन्दी छताछुल्ल भएको बताइन्छ । कतिपय ठाउँमा रामचन्द्र पौडेल समूहले अलग्गै कार्यक्रम गरेका थिए भने यो अभियानमा कृष्णप्रसाद सिटौला समूह निष्क्रिय बसेको बताइन्छ ।
अभियानपार्टी कार्यकर्तामा जागरण ल्याउने, संगठन सुदृढीकरणका लागि हौसला प्रदान गर्नेभन्दा पनि देशभरको अभियान पार्टीलाई जगाउनेभन्दा सरकार र सत्तारूढ दलको विरोधमा केन्द्रित थियो ।

Leave a Reply

Your email address will not be published. Required fields are marked *

... र यो पनि ...

चक्रपथ

सुरज भए झनै निष्क्रिय

ShareTweet काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराई नेपाल भ्रमण वर्ष–२०२० लाई सफल तुल्याउन अचेल दिनरात खटिइरहेका छन् । भ्रमण वर्ष नजिकिँदै- ...
पूरा पढ्नुहोस्

स्रष्टा र सिर्जना

कसरी बिर्सिए यिनी ?

ShareTweet पञ्चायती कालरात्रिलाई भोगेका सर्जकहरूले त्यो निरंकुश व्यवस्थालाई लल्कार्ने आधार बनाए, सिर्जनालाई । सिर्जनाका अनेक माध्यममध्ये तत्कालीन समयमा सशक्त मानिन्थे,- ...
पूरा पढ्नुहोस्

नयाँ पुस्तक

हिन्दु देवताको शल्यक्रिया

ShareTweet क्रिस्टोफर कडबेलले भनेका थिए, ‘धर्म एक मिथ्या सूर्य हो, जो दिग्भ्रमित मानिसहरूको वरिपरि परिक्रमा गर्दछ ।’ हुन पनि, मानव जातिको उत्पत्तिकालदेखि नै धर्मको- ...
पूरा पढ्नुहोस्

छोटकरीमा