15th August 2020, Saturday

E-budhabar
Header Right Side NTC Advertisement

प्रधानमन्त्री ओलीको दोस्रो अग्निपरीक्षा

प्रधानमन्त्री ओलीको दोस्रो अग्निपरीक्षा

काठमाडौं । भारतले ५७ वर्षदेखि मिचेको नेपाली भूमि फिर्ताका लागि सिंगो मुलुक एकजुट भएको छ । भारतले लिम्पियाधुरा, कालापानी र लिपुलेक क्षेत्र बलमिच्याइँपूर्वक कब्जा गर्दै आएकोमा पछिल्लोपटक त्यस क्षेत्रलाई राजनीतिक नक्सामै समावेश गरेर नेपालको सार्वभौमसत्तामाथि हमला गरेको छ । पछिल्लो नाकाबन्दीपछि नकारात्मक जनमत बन्दै आएकोमा भारतविरुद्ध नेपालीहरू झन् आक्रोशित बनेका छन् । कूटनीतिक संवादमार्फत नेपाली भूमि फिर्ता आउने परिस्थिति नबने भारतसँग जस्तोसुकै नीति अपनाउन पनि तयार हुनुपर्ने जनमत बलियो बन्दै गएको छ ।
२००७ सालदेखिको नेपालको घरेलु राजनीतिक अस्थिरताको फाइदा उठाउँदै नेपाली भूमि भारतले मिच्दै आएको छ । कोसी, गण्डक सम्झौताले भारतीय पक्षको बाँधबाट सुस्तालगायत नेपालका थुप्रै क्षेत्र बर्सेनि डुबानमा पर्दै आएको छ । नेपालको दर्जनौं हेक्टर खेतीयोग्य जमिन भूमि खण्डहर मात्र बन्दै आएको छैन, सयौं नागरिक प्रभावित बन्दै आएका छन् । भारतको यस्तो थिचोमिचो र अन्यायविरुद्ध अहिले केपी ओली नेतृत्वको कम्युनिस्ट सरकार पहिलोपटक राष्ट्रिय एकताका साथ दृढतापूर्वक उभिएको छ । भारतीय नक्सा सार्वजनिक हुने बित्तिकै नेपाल आफ्नो देशको सार्वभौमसत्ता कायम राख्दै सीमारक्षाका लागि प्रतिबद्ध रहेको वक्तव्य जारी गरेर सरकारले भारतसँगको वार्ताको विषयमा अभूतपूर्व राष्ट्रिय एकताको वातावरण बनाएको छ । सरकारको यो कदमको चौतर्फी प्रशंसा मात्र भएको छैन, अघि बढ्न हौसला प्राप्त भएको छ । मुलुकमा यस्तो अभूतपूर्व एकता हुन नसकेकै कारण झन्डै ६ दशकयता २०५१ सालको तत्कालीन एमालेको नौमहिने अल्पमतको सरकारले बाहेक भारतीय थिचोमिचो र अन्यायविरुद्ध आवाज उठाउन सकेका थिएनन् ।
प्रधानमन्त्री ओलीको पहलमा संसद्मा प्रतिनिधित्व गर्ने राजनीतिक दल, पूर्वप्रधानमन्त्री, पूर्वपरराष्ट्रमन्त्रीहरू, विज्ञ तथा प्राविधिकहरूको बैठकले आवश्यक तथ्य प्रमाणका आधारमा तत्काल भारतसँग संयन्त्रमार्फत वार्ता अघि बढाउने र आवश्यकताअनुसार सिधै प्रधानमन्त्री ओलीले भारतीय प्रधानमन्त्री नरेन्द्र मोदीसँग वार्ता गर्ने निष्कर्ष निकालेको छ । प्रधानमन्त्रीको निर्देशनअनुसार भारतस्थित नेपाली राजदूत निलम्बर आचार्यले त्यहाँस्थित परराष्ट्रमन्त्री र मन्त्रालयका उच्च अधिकारीसँग नेपालको विरोधको जानकारी गराउँदै तत्काल वार्ताको प्रस्ताव राखेका छन् । परराष्ट्रमन्त्री प्रदीप ज्ञवालीले दुवै देशको सीमा समस्या समाधानसम्बन्धी संयन्त्र तत्काल सक्रिय हुने बताएका छन् ।
राजनीतिक दलका नेताहरू र विज्ञहरूले पनि तथ्य प्रमाण र अभूतपूर्व राष्ट्रिय एकताको जगमा तत्काल वार्ताको थालनी गरेर नेपाली सिमाको रक्षा गर्नुपर्ने, कालापानीबाट भारतीय सेनाको क्याम्प हटाउन पहल गर्नुपर्ने तथा सीमासुरक्ष्ाँमा सशस्त्र प्रहरी बल परिचालन गर्न सुझाव दिएका छन् । यही बीचमा संसद्को राज्य व्यवस्था समितिले लिम्पियाधुरासम्मको क्षेत्र समेटेर नेपालको नक्सा तत्काल सार्वजनिक गर्न निर्देशन दिएको छ । त्यति मात्र होइन, लिपुलेकलाई व्यापारिक प्वाइन्ट बनाउने चीनसँगको भारतीय समझदारीबारे चीन सरकारसँगसमेत छुट्टै कुराकानी गर्नुपर्ने निष्कर्ष निकालिएको छ । चीनमै प्रकाशित समाचारपत्रहरूमा प्रकाशित विवरण मात्र होइन, अख्तियार दुरुपयोग अनुसन्धान आयोगका पूर्वप्रमुख आयुक्त सूर्यनाथ उपाध्याय नेतृत्वको टोलीले तयार पारेको प्रतिवेदन, नेपालले २०१८ सालमा गरेको जनगणनाको तथ्यांक, अन्य थुप्रै अभिलेखहरूले कालीनदीको मूहान लिम्पियाधुरा रहेको त्यसको पश्चिमतर्फ भारत र पूर्वतर्फ नेपाल रहेको तथ्य प्रमाणित नै छ ।
यी सबै सुझावलगत्तै प्रधानमन्त्री ओलीले पछिल्लो समस्या समाधानका लागि पहल सुरु गरेका छन् । अघिल्लोपटक भारतीय नाकाबन्दीको दृढतापूर्वक सामना गर्दै फिर्ता गराउने पहल लिएका ओलीको नेतृत्वमै नेपालको सार्वभौमिकताको रक्षा हुने आशा पुनर्जागृत भएको छ । तर, प्रधानमन्त्री ओलीले यस्तो आमविश्वास र अपेक्षा पूरा गर्न सक्छन् कि सक्दैनन् प्रश्न अनुत्तरित नै छ । यद्यपि, नाकाबन्दीमा जस्तै ओलीले राष्ट्रिय अडानका साथ सिमा समस्या समाधानमा पनि तत्काल अग्रसरता देखाएकाले नेपाली भूमि फिर्ता हुने नेपालीले विश्वास लिएका छन् ।
२१औं शताब्दीको आजको युग औपनिवेशिक युग होइन । प्रत्येक मुलुकले राष्ट्रिय स्वार्थ पूरा गर्ने नाममा अर्को मुलुकको सार्वभौमिकतामा हस्तक्षेप गर्न मिल्दैन । जतिसुकै ठूला र साना राष्ट्रहरू सबैको सार्वभौमिकता र राष्ट्रिय स्वाधीनताको प्रश्न बराबर हो । यदि यो कुरालाई पारस्परिक सम्मान गर्ने वातवरण भएन भने अन्तर्राष्ट्रिय कानुन उल्लंघन भएको ठहरिनेछ । संसारभरिका राष्ट्रहरूले त्यसरी बलजफ्ती गर्ने राज्यमाथि दबाब सिर्जना गर्नेछन् । सीमा अतिक्रमण गर्ने त्यस्तो राष्ट्र अन्तर्राष्ट्रिय मञ्चहरूमा लज्जित हुनुपर्नेछ । त्यति मात्र होइन, विवादको निरूपण हुन नसके तथ्य प्रमाणका आधारमा अन्तर्राष्ट्रिय अदालतमा मुद्दा दायर गरेर आफ्नो देशको भूमि रक्षा गर्न पाउने नेपालको अधिकार सुरक्षित छ ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...