8th December 2019, Sunday

E-budhabar
Header Right Side NTC Advertisement

किन पास भएन ओलीको प्रस्ताव ?



काठमाडौं । नेपाल कम्युनिस्ट पार्टी (नेकपा) ले पार्टी एकीकरणको काम टुंगो लगाएको छ । पछिल्लोपटक दुई केन्द्रीय निकाय र तीनवटा केन्द्रीय आयोगको नेतृत्व चुनिएपछि नेकपामा एकीकरणको काम टुंगो लागेको हो । गत २५ गतेको सचिवालय बैठकले ती निकाय र आयोगको एकीकरण टुंगो लगाएसँगै नेकपाको केन्द्र, केन्द्रीय विभाग, प्रदेश, जिल्ला र स्थानीय तहका सबै कमिटीहरूले आकार ग्रहण गरेका छन् । कतिपय कमिटीहरूमा सदस्यहरू छान्नेबाहेकका सबै काम सकिएको छ ।
सचिवालय बैठकअघि एकीकरणको गृहकार्यका लागि २४ गते प्रधानमन्त्री निवास बालुवाटारमा प्रधानमन्त्री ओली, अध्यक्ष प्रचण्डको बैठक बसेको थियो । महासचिव विष्णु पौडेल र सचिवालय सदस्य रामबहादुर थापा ‘बादल’ पनि बैठकमा सहभागी थिए । दुई अध्यक्षको परामर्श सकिएपछि प्रधानमन्त्री ओलीले वरिष्ठ नेता माधवकुमार नेपाललाई स्वकीय सचिवमार्फत बालुवाटारमा छलफलका लागि आउन खबर गरेका थिए । तर, नेपालले आयोग र निकायहरूको नेतृत्वको भागबन्डा भइसकेको, विधि प्रक्रिया र मापदण्डअनुसार साबिक नेतृत्वलाई नै दोह¥याउने भनिएकाले थप छलफल गर्नुपर्ने आवश्यकता नरहेको भन्दै बालुवाटार गएनन् । उच्च स्रोतका अनुसार प्रधानमन्त्री ओली केन्द्रीय अनुशासन आयोगको अध्यक्षमा कुनै हालतमा अमृतकुमार बोहरा बनाउने पक्षमा थिएनन् । एकातिर तत्कालीन एमालेको भागमा परेको र अर्कातर्फ तत्कालीन माओवादी केन्द्रको अनुशासन आयोगका अध्यक्ष अमिक शेरचन प्रदेश प्रमुखमा नियुक्त भएपछि भने ओलीले नचाहे पनि बोहराका लागि बाटो खुला भएको थियो । यो कुरा बुझेका ओलीले भने उपयुक्त मौकामा नेपालको सिफारिसमा बोहरालाई बनाइएको सन्देश दिन खोजे पनि सफल भएनन् । २५ गतेको बैठकमा निर्वाचन आयोगको अध्यक्षमा विष्णुपुकार श्रेष्ठको नाम सिफारिस भएपछि साबिक एमालेका सचिव रहिसकेका माधव पौडेलको नाम मादपदण्डअनुसार पनि निर्विवाद थियो । तर, ओलीले पूर्वएमालेका तर्फबाट अर्कैको नाम लिएपछि नेपालले पौडेलकै नाममा अडान लिए । नेपालको अडानलाई साथ दिँदै वामदेव गौतमले पौडेलको विकल्प खोज्न नसकिने धारणा राखेपछि अन्ततः उनकै नाममा निर्णय भएको थियो । नेपाललाई साथ दिएर गौतमले निर्णायक धारणा राखेपछि ओली पछि हट्न बाध्य भएका थिए ।
बैठकले अनुशासन आयोगको अध्यक्षमा अमृतकुमार बोहोरा, सचिवमा अशोक रोकाय, निर्वाचन आयोगको अध्यक्षमा विष्णुपुकार श्रेष्ठ, सचिवमा माधवप्रसाद पौडेल चयन गरेको थियो । त्यस्तै, लेखापरीक्षण आयोगको अध्यक्षमा पुष्पराज कँडेल, सचिवमा टेकनाथ आचार्य, सल्लाहकार परिषद् अध्यक्षमा केशवप्रसाद बडाल, सचिवमा नन्दकुमार थापा तथा ज्येष्ठ कम्युनिस्ट मञ्चमा अध्यक्ष नन्दकुमार प्रसाई र सचिवमा गोविन्द ज्ञवाली चयन भएका छन् । एकीकरणको सबै काम सकिए पनि महŒवपूर्ण मानिने पोलिटब्युरो कमिटी गठन भने बाँकी नै छ ।

Leave a Reply

Your email address will not be published. Required fields are marked *

... र यो पनि ...

चक्रपथ

श्री लालीगुँरास सहकारीको २०औं साधारणसभा सम्पन्न

ShareTweet ललितपुर । ललिलतपुर महानगरपालिका–३ पुल्चोकस्थित श्री लालीगुराँस बहुउद्देश्यीय सहकारी संस्था लिमिटेडको २०औं वार्षिक साधारणसभा सम्पन्न भएको छ । पूर्वप्रधानमन्त्री- ...
पूरा पढ्नुहोस्

स्रष्टा र सिर्जना

रहेनन् यथार्थका अन्वेषक

ShareTweet मितभाषी, मृदुभाषी । थाहा भएन, गते र बार । न त महिना नै । पहिलोपटक विनयकुमार कसजू सरलाई भेट्दा उहाँका बानी, बेहोरा र अरूसँग प्रस्तुत हुने शैलीले आकर्षित तुल्याएको- ...
पूरा पढ्नुहोस्

नयाँ पुस्तक

संवेदनाको उच्चता

ShareTweet कवि गोकुल अधिकारीको कविताका स्वर बहुआयामिक छन् । देश, समाज र पारिवारिक जीवनभित्रका विभिन्न निर्मम यथार्थलाई सहज रूपमा चित्रित गर्न उनी माहिर देखिन्छन्- ...
पूरा पढ्नुहोस्

छोटकरीमा