4th July 2020, Saturday

E-budhabar
Header Right Side NTC Advertisement

शिक्षानीति अपुरै, विदेशतिर हान्निए मन्त्री

काठमाडौं । शिक्षा तथा विज्ञान प्रविधिमन्त्री गिरिराजमणि पोखरेलले विदेश उड्नुअघि अपुरो शिक्षा नीति सार्वजनिक गरेका छन् । करिब १० दिनका लागि डेनमार्कलगायत केही युरोपेली मुलुकको भ्रमणमा निस्किएका मन्त्री पोखरेलले राष्ट्रिय शिक्षानीति सार्वजनिक गर्ने क्रममा २१ बुँदा मात्र सार्वजनिक गरेका थिए ।
धेरै प्रतीक्षित राष्ट्रिय शिक्षा नीति ल्याउँदा मन्त्री पोखरेलले भनेका थिए, ‘हामीले पहिलोपटक एकीकृत शिक्षा नीति ल्यायौं ।’ तर, एकीकृत शिक्षा नीति ल्याएकोमा मन्त्रीले गर्व गरे पनि केवल २१ बुँदा मात्र सार्वजनिक गर्दा भने संशय उत्पन्न हुन पुगेको छ । उनले शिक्षा नीति किन पूरै सार्वजनिक गर्न नचाहेका हुन् ? सर्वत्र खुल्दुलीसमेत उत्पन्न भएको छ ।
शिक्षा नीति पूरै सार्वजनिक नगरेपछि आलोचित भएका मन्त्री पोखरेलले आफ्नो बचाउ गर्दै ‘क्याबिनेटबाट भाषा सच्याएर आउन बाँकी रहेको हुँदा केही बुँदा मात्र सार्वजनिक गरिएको हो’ भनेका थिए । अस्ति सोमबार विदेश उड्नुअघि पत्रकार सम्मेलन गरेर मन्त्रीले स्पष्टीकरण दिएका थिए, ‘हामीले शिक्षा नीति ल्यायौं । तर, भाषा सच्याउने र मन्त्रिपरिषद्बाट प्रमाणीकरण हुन बाँकी रहेको हुँदा अहिले केही बुँदा मात्र सार्वजनिक गरेका हौं ।’
यसैबीच, शिक्षा सचिवको नेतृत्वमा डेनमार्कलगायत मुलुक जाँदा हुने कार्यक्रममा मन्त्री पोखरेल स्वयं गएपछि उनको आलोचना भएको छ । मन्त्री पोखरेल १०÷१२ दिनका लागि विदेश गएपछि विभिन्न ६ वटा विश्वविद्यालयका उपकुलपतिको चयन प्रक्रियामा ढिलाइ हुने देखिएको छ । केही दिनअघि सरकारले त्रिभुवन विश्वविद्यालयको उपकुलपतिमा डा. धर्मदत्त बाँस्कोटाको नियुक्ति गरे पनि अरू ६ वटा विश्वविद्यालयका उपकुलपति छनोट हुन बाँकी नै छ ।
पूर्वाञ्चल, मध्यपश्चिमाञ्चल, सुदूरपश्चिमाञ्चल, पोखरा, नेपाल संस्कृत र कृषि तथा वन विज्ञान विश्वविद्यालयमा उपकुलपति नियुक्त हुन बाँकी छ । ती विश्वविद्यालयहरूमा उपकुलपति नियुक्तिका लागि रोस्टर मागिएको थियो र करिब डेढ सय जनाले आवेदन दिएको बताइन्छ । तर, मन्त्री पोखरेल भने उपकुलपतिको रोस्टर मागेर त्यसलाई त्यत्तिकै थन्क्याएर लामो विदेश यात्रामा निस्किएका छन् ।
यसरी नै मन्त्री पोखरेलले उच्चस्तरीय शिक्षा आयोगको प्रतिवेदन किन लुकाइरहेका छन् भन्ने कुरा पनि उठ्न थालेको छ । गएको माघ १ गते नै आयोगको प्रतिवेदन मन्त्री पोखरेलले बुझे पनि अहिलेसम्म सार्वजनिक गर्न चाहिरहेका छैनन् । के कारणले आयोगको प्रतिवेदन सार्वजनिक गर्न मन्त्रीले इच्छा देखाइरहेका छैनन् ? यो रहस्यको विषय बन्दै गएको छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...