8th December 2019, Sunday

E-budhabar
Header Right Side NTC Advertisement

प्रधानमन्त्रीको अपर्झट शल्यक्रिया



काठमाडौं । प्रधानमन्त्री केपी शर्मा ओलीको एपिन्डिसाइटको अपरेसन गरिएको छ । मनमोहन कार्डियोथोरासिक भास्कुलर तथा ट्रान्सप्लान्ट सेन्टर महाराजगन्जमा मंगलबार प्रधानमन्त्री ओलीको एपिन्डिसाइटको अपरेसन गरिएको हो ।
सरकारी निवास बालुवाटारमा मंगलबार बिहान प्रधानमन्त्री ओलीलाई एक्कासि पेट दुख्न थालेपछि तत्काल महाराजगन्जस्थित मनमोहन कार्डियोमा लगिएको थियो । स्वास्थ्य परीक्षणका क्रममा एपिन्डिसाइट प्रमाणित भएपछि चिकित्सकहरूले तत्काल अपरेसन गरेका थिए ।
‘सम्माननीय प्रधानमन्त्रीज्यू केपी शर्मा ओलीज्यूको स्वास्थ्यमा समस्या आई आज (मंगलबार) ९ बजे यस सेन्टरमा आउनुभएको र विज्ञ चिकित्सकहरू सम्मिलित टोलीले परीक्षण गर्दा एपिन्डिसाइटसहित पेटको संक्रमण देखिएपछि तत्काल ल्याट्रोटोमी, एपेन्डेक्टोमीलगायत विधिबाट उपचार गरीकन हाल सघन उपचारको सम्पूर्ण व्यवस्थासहित निरन्तर निगरानीमा राखिएको छ,’ अस्पतालले जारी गरेको प्रेस विज्ञप्तिमा भनिएको छ, ‘उपचारमा संलग्न चिकित्सकहरूका अनुसार हाल प्रधानमन्त्रीज्यूको स्वास्थ्य स्थिर रहेकोसमेत जानकारी गराइन्छ ।’ प्रधानमन्त्री ओलीलाई आरामका लागि केही दिन अस्पतालमै राखिने जनाइएको छ ।
प्रधानमन्त्री ओलीको गत ७ गते ग्रान्डी इन्टरनेसनल अस्पताल धापासीमा चौथोपटक मिर्गाैलाको डायलासिस गरिएको थियो । १२ वर्षअघि भारतको एपोलो अस्पतालमा प्रधानमन्त्री ओलीको मिर्गाैला प्रत्यारोपण गरिएको थियो । प्रत्यारोपित मिर्गाैलाले काम गर्न छाडेपछि निजी चिकित्सकहरूले पुनः प्रत्यारोपणको विकल्पमा छलफल गरिरहेका छन् । तर, स्वदेशमै प्रत्यारोपण गर्ने कि विदेशमा भन्ने विषय भने टुंगो लागिनसकेको बताइएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

श्री लालीगुँरास सहकारीको २०औं साधारणसभा सम्पन्न

ShareTweet ललितपुर । ललिलतपुर महानगरपालिका–३ पुल्चोकस्थित श्री लालीगुराँस बहुउद्देश्यीय सहकारी संस्था लिमिटेडको २०औं वार्षिक साधारणसभा सम्पन्न भएको छ । पूर्वप्रधानमन्त्री- ...
पूरा पढ्नुहोस्

स्रष्टा र सिर्जना

रहेनन् यथार्थका अन्वेषक

ShareTweet मितभाषी, मृदुभाषी । थाहा भएन, गते र बार । न त महिना नै । पहिलोपटक विनयकुमार कसजू सरलाई भेट्दा उहाँका बानी, बेहोरा र अरूसँग प्रस्तुत हुने शैलीले आकर्षित तुल्याएको- ...
पूरा पढ्नुहोस्

नयाँ पुस्तक

संवेदनाको उच्चता

ShareTweet कवि गोकुल अधिकारीको कविताका स्वर बहुआयामिक छन् । देश, समाज र पारिवारिक जीवनभित्रका विभिन्न निर्मम यथार्थलाई सहज रूपमा चित्रित गर्न उनी माहिर देखिन्छन्- ...
पूरा पढ्नुहोस्

छोटकरीमा