4th June 2020, Thursday

E-budhabar
Header Right Side NTC Advertisement

राजनीतिक दरिद्रता

कुनै जिम्मेवार राजनीतिक पार्टीको प्रमुखले सस्तो लोकप्रियताका निम्ति तथ्यहीन अभिव्यक्ति दिनु कत्तिको जायज होला ? नेपाली कांग्रेसका सभापति एवं पूर्वप्रधानमन्त्री शेरबहादुर देउवाको पछिल्लो अभिव्यक्तिले यस्तै प्रश्न उब्जाएको छ । आसन्न उपनिर्वाचनको प्रचारप्रसारका क्रममा पोखरा पुगेका सभापति देउवाले केही दिनपूर्व दिएको अभिव्यक्तिले एकजना जिम्मेवार नेताको कद मात्र घटाएको छैन, तथ्य र आधारहीन कुरा गरेरै नेपाली कांग्रेसका नेताहरू राजनीतिक फाइदा उठाउन चाहन्छन् भन्ने कुराको पुष्टिसमेत हुन पुगेको छ । सभापति देउवाले प्रधानमन्त्री केपी शर्मा ओलीको नामै उद्धृत गरेर ‘ओलीसँगको सहमतिमै भारतले नेपालको भूभाग आफ्नो नक्सांकनमा पारेको’ बेतुकको अभिव्यक्ति दिएपछि कांग्रेसका नेताहरूको राजनीतिक हैसियत उदांगिन पुगेको छ ।
कास्कीको २ नम्बर क्षेत्रलगायत विभिन्न प्रदेशमा आगामी मंसिर १४ गते उपनिर्वाचन हुँदैछ । उपनिर्वाचनको प्रचार–प्रसार अहिले उत्कर्षमा छ । सत्तारूढ नेपाल कम्युनिस्ट पार्टी र नेपाली कांग्रेसबीच नै अधिकांश निर्वाचन क्षेत्रमा प्रतिस्पर्धा हुने भएको हुँदा यी दुवै दल चुनावी प्रचारमा जुटेका छन् । सामान्यतः निर्वाचनको प्रचारप्रसारका क्रममा एउटा राजनीतिक दलले अर्को राजनीतिक दलका कमीकमजोरी केलाएर आफ्नो पक्षमा मत बटुल्न चाहन्छन् । जनतालाई प्रभावित पार्न अनेक उपायहरू अपनाउन खोज्छन् । कुनै दलले तथ्यका आधारमा र कुनैले मिथ्या प्रचार गरेरै भए पनि जनमत प्रभावित पार्न खोज्नु स्वाभाविक पक्ष हो । यसलाई अन्यथा मान्न मिल्दैन । तर, कांग्रेस सभापति देउवाले कास्कीमा दिएका अभिव्यक्ति भने आपत्तिजनक मात्र छैन, यसले सभापति देउवामा पलाउँदै गएको राजनीतिक दरिद्रताको पर्दाफाससमेत गरेको छ ।
विदितै छ, अहिले कालापानी मुद्दा राष्ट्रिय बहसको केन्द्रमा छ । केही समयपूर्व छिमेकी राष्ट्र भारतले आफ्नो देशको नयाँ नक्सांकन गर्दा नेपाली पक्षले पहिल्यैदेखि दाबी गर्दै आएको लिम्पियाधुरा–लिपुलेक–कालापानी खण्डलाई पनि नयाँ नक्सामा समेट्यो । भारतको नयाँ नक्सामा नेपाली भूभाग पनि पारिएयता भारतको उक्त कदमविरुद्ध तीव्र विरोध र असहमतिका स्वरहरू गुन्जिँदै आएका छन् । जनस्तरबाट तीव्र विरोध हुँदै आएका त छन् नै, प्रधानमन्त्री ओलीले समेत सीमा विवादको मुद्दालाई सल्टाउन कूटनीतिक पहल पनि आरम्भ गरिसकेका छन् । भारतीय नयाँ नक्सामा समेटिएको नेपाली भूभाग वर्षौंदेखि आफ्नो भूभाग रहेको कुरा मात्र उल्लेख गरिएको छैन, कालापानी क्षेत्रबाट भारतीय सेना फिर्ता लैजान प्रधानमन्त्री ओलीले सार्वजनिक रूपमै भारतलाई आग्रह गरिसकेका छन् ।
यो अवधिमा सीमा मिचिएको कुरालाई लिएर राष्ट्रिय सहमति जुटाउने प्रयत्न पनि भएको छ । प्रधानमन्त्री ओलीको आह्वानमा बोलाइएको सर्वपक्षीय बैठकमा कांग्रेस सभापति देउवासमेत उपस्थित थिए । त्यतिबेला देउवाले सकारात्मक कुरा नै गरेका थिए । त्यसयता पनि देउवाले मिचिएको भूभाग भारतले नेपाललाई फिर्ता गर्नुपर्ने कुरा गर्दै आएका थिए । तर, पोखरा पुगेर देउवाले किन बेतुक, तथ्यहीन र भ्रामक प्रचार गरे ? यो सोचनीय प्रश्न बन्न पुगेको छ । मतदाताहरूलाई प्रभावित पार्नकै लागि देउवाले तल्लो स्तरमा ओर्लेर घटिया अभिव्यक्ति दिँदा त्यसले आफ्नो उचाइ र हैसियतमा प्रश्नचिह्न लाग्ला भन्ने हेक्का उनलाई भएन कि ? वा, उनले आवेगमा आएर त्यस्तो अभिव्यक्ति दिए ? सामान्य नागरिकले समेत विश्वास नगर्ने अभिव्यक्ति दिएयता अहिले देउवाको राजनीतिक स्तर झनै उजागर हुन पुगेको छ ।
तथ्यहीन कुरा गरेर जनमानसलाई उद्वेलित तुल्याउने कार्यको अग्रसरता सभापति देउवाले नेकपाको नेतृत्वमा सरकार गठन भएदेखि नै देखाउँदै आएका हुन् । ओलीको नेतृत्वमा सरकार गठन भएलगत्तै देउवाले ‘अधिनायकवाद सुरु भएको’ बताएका थिए । कम्युनिस्टहरूको सरकारमा जनताले रुनसमेत नपाउने अभिव्यक्ति पनि दिएका थिए उनले । सरकार गठन भएको दुई वर्ष पुग्न लाग्दैछ । के यो अवधिमा देशमा अधिनायकवादको झल्को आउने कुनै कार्य भए ? जनताले रुनसमेत पाएनन् ? तत्कालीन समयमा कांग्रेस सभापति देउवाले बोलेका कुराहरू मिथ्या र भ्रामक थियो भन्ने कुरा समयक्रममा पुष्टि भइसकेको छ ।
सस्तो लोकप्रियताका लागि अनर्गल, मिथ्या र भ्रामक कुरा बोल्दा त्यसले आफ्नै कद घटाउँछ भन्ने कुरामा प्रमुख प्रतिपक्षी दलका नेता देउवा दिनदिनै चुक्दै गएका छन् । आफ्नै पार्टीभित्र अलोकप्रिय बन्दै गएका देउवाको बोलीको ठेगान हुन छाडेको छ । आफू र पार्टीको समेत गरिमामा आँच आउने गरी अभिव्यक्ति दिँदै हिँड्न थालेका छन् । अचेल कांग्रेसीजनहरू नै प्रश्न गर्न थालेका छन्, देउवामा कहिले सद्बुद्धि पलाउँला ?

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...