22nd January 2020, Wednesday

E-budhabar
Header Right Side NTC Advertisement

खरेल धरापमा

काठमाडौं । नेपाल वायुसेवा निगमका अध्यक्ष मदन खरेलको जागिर धरापमा परेको छ । निगमबाट एकपटक बीचै अवधिबाट राजीनामा दिए पनि पुनः नियुक्ति भएर आएका उनी पर्यटनमन्त्रीमा योगेश भट्टराई नियुक्ति भएर आएपछि धरापमा परेका हुन् । झापाली भएकै कारण प्रधानमन्त्री केपी ओलीसँग निकट सम्बन्ध बनाएका खरेल स्वर्गीय रवीन्द्र अधिकारी पर्यटन मन्त्री भएर आएसँगै निगमका आएका थिए । तत्कालीन महाप्रबन्धक सुगतरत्न कंसाकारलाई सौता हाल्न कार्यकारी अधिकारसहितको अध्यक्ष भनिए पनि खरेलले निगमको सुधारमा कुनै पहल गर्न सकेका छैनन् । बरु, उल्टो उनको पालामा निगमका हुने फजुल खर्च झनै बढेको बताइन्छ । त्यसैले मन्त्री भट्टराई पछिल्लो समय खरेलदेखि चिढिएको बताइन्छ । मन्त्री भट्टराईले निगमका कार्यकारी अध्यक्ष मदन खरेललाई हटाउने तयारी गरेको स्रोतले बताएको छ । मन्त्रालय सम्हालेसँगै सबैभन्दा बढी चासो नेपाल वायु सेवा निगमलाई दिए पनि परिणाम देखाउन नसकेको भन्दै खरेललाई हटाउने तयारीमा मन्त्री पुगेको मन्त्रालय स्रोतले जनाएको छ।
पटक–पटक जिम्मेवारी सम्हालेर पनि काम गर्न नसक्नेले राजीनामा दिएर गए हुन्छ भन्दै खरेललाई नै केन्द्रित गरेर भट्टराईले सार्वजनिक अभिव्यक्ति दिँदै आएका थिए । यही चेतावनीपछि कार्यकारी अध्यक्ष खरेलले केही दिनअघि मात्रै निगमको खर्च घटाएर वार्षिक दुई अर्ब बचतको योजना अघि सारेका थिए । उनले केही वर्षमा नै निगमलाई नाफामा पु¥याउने योजना रहेको सुनाएका थिए । निगमलाई थप बिग्रिनबाट जोगाएर सुधारमा लागेको भन्दै आएपछि खरेलकै पालामा जापानको आशोका उडान थपेर निगमलाई थप व्ययभार पारिएको छ । गत बिहीबार भएको मन्त्रालय अन्तर्गतको आन्तरिक बैठकमा मन्त्रीले निगमका काम तीव्र असन्तुष्टि जनाएको पाइएको छ । सो बैठकमा विभिन्न पदमा राजनीतिक नियुक्ति लिएर सन्तोषजनक काम नगरेकाहरूले तत्काल बाटो खाली गरिदिनु भन्दै उनले खरेलमा आफ्नो भनाइ केन्द्रीत गरेका थिए । उनले खाली नगरे कामका आधारमा आफैं हटाउने र पछि अदालतमा गएर रोइकराइ गरे राम्रो नहुने चेतावनी पनि दिइसकेका छन् । तर, खरेललाई नेवानिमा राजनीतिक नियुक्ति दिइएको हो । उनलाई ओली सरकारले पहिले सदस्यमा नियुक्ति गरी पछि सदस्यबाट सीधै कार्यकारी अध्यक्षको जिम्मेवारी दिएको थियो । खरेललाई पहिले स्पष्टीकरण सोधेर हटाउने तयारीमा रहेको मन्त्रालय स्रोतले जनाएको छ । खरेलको कार्यसम्पादन कमजोर रहेको, व्यवस्थित रूपमा निगम चलाउन नसकेको, निगमको वर्तमान घाटा झन्
बढाएको, निगमको उड्डयन समयमै गराउन नसकेको लगायतका आरोप उनीमाथि लागेका छन् ।

Leave a Reply

Your email address will not be published. Required fields are marked *

... र यो पनि ...

  • क–कसले जोगाए शिवराजलाई ?

    काठमाडौं । नेपाल राष्ट्र बैंकका डेपुटी गभर्नर शिवराज श्रेष्ठको निलम्बन–प्रकरण अन्ततः ‘हात्ती आयो, फुस्सा’ हुन पुगेको छ । वित्तीय अपचलन र अनियमितताको आरोप लगाएर निलम्बनमा परेका डेपुटी गभर्नर श्रेष्ठ कारबाही हुनबाट जोगिएका छन् । पदावधि सकिन केही समय मात्र बाँकी रहँदा डेपुटी गभर्नरमाथि गम्भीर प्रकृतिका आरोपहरू लागेको थियो र केही...
  • नाट्टामा चुनावी प्रतिस्पर्धा तीव्र

    काठमाडौं । नेपाल एसोसिएसन अफ टुर एन्ड ट्राभल एजेन्टस् नाट्टालाई तीव्र चुनावी रन्को लागेको छ । यही माघ ३ गते हुने निर्वाचनमा अध्यक्ष पदका लागि हालका वरिष्ठ उपाध्यक्ष अच्यूत गुरागाईं, पूर्वमहासचिवद्वय भीमप्रसाद पन्त र मिहीका शाह धाख्वाले छुट्टाछुट्टै प्यानलसहित उम्मेदवारी घोषणा गरेका छन् । निर्वाचनमा तीन अलगअलग समूहले मनोनयन दर्ता...
  • नौ महिना बित्यो, छैन सुरसार

    काठमाडौं । संघीय मामिला तथा सामान्य प्रशासनमन्त्री हृदयेश त्रिपाठीलाई नौ महिनादेखि अड्किएर रहेको संघीय निजामती विधेयकलाई टुंगो लगाउनुपर्ने चुनौती उभिएको छ । मन्त्री भएलगत्तै सो विधेयकलाई अघि बढाउन पहल गरे पनि कर्मचारीहरूको विरोध र असन्तुष्टि रहेका कारण त्यत्तिकै थाती रहेको छ । केही दिनअघि संसदीय समितिमा बोलाइएका मन्त्री त्रिपाठीले ‘विधेयकबारे...

चक्रपथ

द्वन्द्वपीडित शिक्षकलाई राहत

काठमाडौं । द्वन्द्वकालीन समयमा पीडा झेलेका शिक्षकहरूले बल्ल राहत पाउने भएका छन् । शिक्षा तथा विज्ञान प्रविधि मन्त्रालयले सेवा अवधि बाँकी रहेका द्वन्द्वपीडित शिक्षकहरूलाई रिक्त दरबन्दीमा समायोजन गर्ने तयारी थालेको छ । द्वन्द्वपीडित शिक्षकहरूलाई रिक्त दरबन्दीमा समायोजन गर्ने विषयमा अर्थ मन्त्रालयले संकेत दिएपछि शिक्षा मन्त्रालयले सो प्रक्रियाको थालनी गरेको हो...
पूरा पढ्नुहोस्

स्रष्टा र सिर्जना

कथित बाबा र साक्षीकर्ताहरू

धर्मको आड र आवरणमा अनैतिक क्रियाकलाप उद्घाटित हुने क्रम झन् बढ्दो छ÷फस्टाउँदो छ । पछिल्लो समय कृष्णदास गिरीको कर्तुत सहतमा उत्रिएसँगै धार्मिक टेकोमा हुँदै आएका शोषण, विकृति र व्यापार हामीकहाँ दिनानुदिन कसरी झाँगिदै गइरहेको रहेछ भन्ने स्पष्ट तस्बिर देखाउँछ । कथित बाबा वा धार्मिक गुरुहरूले सत्ता र शक्तिको आड र...
पूरा पढ्नुहोस्

नयाँ पुस्तक

वैचारिक ताप

निबन्ध विधालाई निरन्तर पछ्याउँदै रचना–कर्ममा निमग्न स्रष्टा हुन्, माधव काफ्ले । राजनीति, समाज र संस्कृतिलगायत क्षेत्रहरूमा देखिएका संगत–विसंगत पक्षहरूलाई उनले लेखन–कार्यमा समेट्दै आएका छन् । उनको पछिल्लो निबन्ध–कृति ‘लाक्षागृह’मा उनले पूर्ववर्ती दुई निबन्ध–सँगालो ‘लिगलिग कोट’ र ‘जीवन एउटा थोत्रो स्क्रिन’मा जस्तै आफू बाँचेको परिवेशका गहनदेखि सामान्य घटनाक्रमहरूलाई ‘नोटिस’ गर्न चाहेका...
पूरा पढ्नुहोस्

छोटकरीमा

  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...
  • डिडिसीमा जिएमका लागि दौडधुप

    काठमाडौं । दुग्ध विकास संस्थानको महाप्रबन्धक पदका लागि दौडधुप सुरु भएको छ । सरकारले खुला प्रतिस्पर्धाबाट महाप्रबन्धक नियुक्ति गर्ने योजना अघि सारी आवेदन माग गरेपछि सो पदका लागि आकांक्षीहरूको दौडधुप चलेको हो । पछिल्लो सूचनाअनुसार संस्थानमा महाप्रबन्धक पदमा १० जनाले आवेदन दिएका छन् । आवेदन दिनेहरूमा शीतलकाजी श्रेष्ठ, बैकुण्ठ अधिकारी,...
  • यादव ‘आउट’, तुम्बाहाम्फे ‘इन’ !

    काठमाडौं । अन्ततः समाजवादी पार्टीले सरकार छाड्ने निर्णय गरेको छ । सो पार्टीबाट सरकारमा सहभागी उपप्रधान तथा कानुनमन्त्री उपेन्द्र यादव र सहरी विकासमन्त्री मोहम्मद इस्तियाक राईले हिजै राजीनामा दिएका छन् । उपप्रधानमन्त्री यादवले सोमबारको मन्त्रीपरिषद् बैठकमा संविधान संशोधनसम्बन्धी प्रस्ताव टेबुल गर्न खोजे पनि प्रधानमन्त्री केपी शर्मा ओलीले अस्वीकार गरेको भोलिपल्टै...