22nd January 2020, Wednesday

E-budhabar
Header Right Side NTC Advertisement

सीमा सुरक्षासम्बन्धी सम्मेलनमै घोटाला

काठमाडौ । सशस्त्र प्रहरी बलको समन्वयमा गरिएको नेपाल–भारत सीमा सुरक्षासम्बन्धी सम्मेलनका नाममा नै अनियिमिता भएको छ । सशस्त्र प्रहरी बलको संयोजनमा भएको उक्त कार्यक्रममा व्यापक ढंगले रकम उठाइएको थियो । तर उक्त रकम खर्च नगरी आइजिपीको निर्देशनमा बचत गरिएको अनियमितता गरिएको आरोप लागेको छ ।
पोखरामा २०७६ मंसिर ४ गते भएको नेपाल–भारत सीमा सुरक्षासम्बन्धी एकदिने सम्मेलनका नाममा सशस्त्र प्रहरी बलले ८० लाख रकम उठाएको तर खर्च भने कार्यक्रममा १० लाख मात्र गरेको स्रोतको दाबी छ । स्रोतका अनुसार सीमा सुरक्षासम्बन्धी सम्मेलनमा सशस्त्रअन्तर्गतका आठवटा बाहिनीमा प्रत्येक बाहिनीबाट १० लाखका दरले उठाइएको थियो ।
सम्मेलनमा भारतीय सीमा सुरक्षा बल एसएसबीका ६ जनालाई आमन्त्रण गरिएको थियो भने ससस्त्र प्रहरीका आइजिपी, तीन एआइजी, आठवटा बाहिनीमा भारतसँग जोडिएका प्रदेश नं. १, २, ३, ५ र सुदूरपश्चिम प्रदेशका डीआईजी सहभागी पनि थिए ।
गृह मन्त्रालय र परराष्ट्र मन्त्रालयका एकएक उपसचिवसहित जम्मा २० जना सहभागी उक्त कार्यक्रममा उनीहरूलाई पोखराको माउन्ट ग्लोरी होटलमा राखिएको थियो । काठमाडौंका सहभागीलाई प्लेनमा लगेर दुई रात पोखरामा राखिएको थियो । यसरी २० जना सहभागी भएको उक्त सम्मेलनमा १० लाखका दरले आठवटा बाहिनीबाट रकम उठाएर १० लाख मात्र खर्च गरी बाँकी रकम बचत गरिएको थियो । रकम उठाउने प्रबन्ध भने एआईजी बढुुवाका लागि कसरत गर्दै आएका आइजीका सचिवालका डिआइजी तथा प्रवक्ता सुरज श्रेष्ठले गरेको बताइएको छ ।
उनले सम्मेलनका नाममा गण र गुल्मबाट पनि रकम असुली गरेको बताइन्छ । त्यसो त आइजी खनालले भारत स्वार्थलाई सघाउ पुग्नेगरी तराईका प्रदेश नं. २ बाट सशस्त्रको बोर्डर सुरक्षा पोस्ट र दरबन्दी संख्या घटाई डोटीलगायत पहाडी जिल्लामा थुपारेको आरोप लाग्दै आएको छ । बेलाबेला स्यान्ट्रो कार चढेर बडीगार्डलाई समेत बाहिरै राखेर भारतीय दूतावासमा छिर्ने गरेका आइजिपी खनालले सिंगो सशस्त्र फौजलाई नै भारतीय स्वार्थका खातिर किन उपयोग गरिरहेका छन् भन्नेमा अन्य इमानदार उच्च तहका अधिकृतहरू आश्चर्यमा परेका छन् ।
मन्त्रिपरिषद्ले तोकेको दरबन्दीलाई आफूखुसी मनपरी दरबन्दी सिर्जना गरेर सीमाक्षेत्रबाट सशस्त्रको संख्या कटौती गरी पहाडी जिल्लामा बढी कायम गरेपछि उनलाई गृहमन्त्री रामबहादुर थापा बादलले हप्काएको समेत बताइन्छ । त्यसो त संगठनको नियम र कूटनीति प्रचलनविपरीत गोप्य रूपमा भारतीय दूतावासमा गाडीसहित भेट्न पुगेको समाचार सार्वजनिक भएपछि विवादमा आएका श्रेष्ठ यसअघि पनि लगातार भारतीय दूतावासमा पुगिरहने गरेको पुष्टि भएको छ । उनले एक तालिमबाट फर्किएपछि सोसम्बन्धी छलफल गर्न कार्यालयको अनुमति लिएर दूतावास पुगेको दाबी गरे पनि उक्त दाबी नक्कली भएको प्रधान कार्यालय स्रोतले जानकारी दिएको छ । त्यसो त कूटनीतिक आचारसंहिताविपरीत गोप्य रूपमा भारतीय दूतावास गएका डिआइजी प्रवीण श्रेष्ठमाथि गृह मन्त्रालयले छानबिन थालिसकेको बताइएको छ । आइजी खनालले विश्वास गरेर आफ्नो सचिवालयमा राखी प्रवक्ताको समेत जिम्मेवारी दिएका सुरज श्रेष्ठको नातामा दाजुभाइ पर्ने भएकाले उनलाई कारबाहीबाट चोख्याउन प्रधान कार्यालयले नै कसरत गरिरहेको बताइन्छ । डिआइजी श्रेष्ठ पनि आइजी खनालको दूत बनेर भारतीय दूतावास ब्रिफिङका लागि पुगेको बताइएको छ ।

Leave a Reply

Your email address will not be published. Required fields are marked *

... र यो पनि ...

  • क–कसले जोगाए शिवराजलाई ?

    काठमाडौं । नेपाल राष्ट्र बैंकका डेपुटी गभर्नर शिवराज श्रेष्ठको निलम्बन–प्रकरण अन्ततः ‘हात्ती आयो, फुस्सा’ हुन पुगेको छ । वित्तीय अपचलन र अनियमितताको आरोप लगाएर निलम्बनमा परेका डेपुटी गभर्नर श्रेष्ठ कारबाही हुनबाट जोगिएका छन् । पदावधि सकिन केही समय मात्र बाँकी रहँदा डेपुटी गभर्नरमाथि गम्भीर प्रकृतिका आरोपहरू लागेको थियो र केही...
  • नाट्टामा चुनावी प्रतिस्पर्धा तीव्र

    काठमाडौं । नेपाल एसोसिएसन अफ टुर एन्ड ट्राभल एजेन्टस् नाट्टालाई तीव्र चुनावी रन्को लागेको छ । यही माघ ३ गते हुने निर्वाचनमा अध्यक्ष पदका लागि हालका वरिष्ठ उपाध्यक्ष अच्यूत गुरागाईं, पूर्वमहासचिवद्वय भीमप्रसाद पन्त र मिहीका शाह धाख्वाले छुट्टाछुट्टै प्यानलसहित उम्मेदवारी घोषणा गरेका छन् । निर्वाचनमा तीन अलगअलग समूहले मनोनयन दर्ता...
  • नौ महिना बित्यो, छैन सुरसार

    काठमाडौं । संघीय मामिला तथा सामान्य प्रशासनमन्त्री हृदयेश त्रिपाठीलाई नौ महिनादेखि अड्किएर रहेको संघीय निजामती विधेयकलाई टुंगो लगाउनुपर्ने चुनौती उभिएको छ । मन्त्री भएलगत्तै सो विधेयकलाई अघि बढाउन पहल गरे पनि कर्मचारीहरूको विरोध र असन्तुष्टि रहेका कारण त्यत्तिकै थाती रहेको छ । केही दिनअघि संसदीय समितिमा बोलाइएका मन्त्री त्रिपाठीले ‘विधेयकबारे...

चक्रपथ

द्वन्द्वपीडित शिक्षकलाई राहत

काठमाडौं । द्वन्द्वकालीन समयमा पीडा झेलेका शिक्षकहरूले बल्ल राहत पाउने भएका छन् । शिक्षा तथा विज्ञान प्रविधि मन्त्रालयले सेवा अवधि बाँकी रहेका द्वन्द्वपीडित शिक्षकहरूलाई रिक्त दरबन्दीमा समायोजन गर्ने तयारी थालेको छ । द्वन्द्वपीडित शिक्षकहरूलाई रिक्त दरबन्दीमा समायोजन गर्ने विषयमा अर्थ मन्त्रालयले संकेत दिएपछि शिक्षा मन्त्रालयले सो प्रक्रियाको थालनी गरेको हो...
पूरा पढ्नुहोस्

स्रष्टा र सिर्जना

कथित बाबा र साक्षीकर्ताहरू

धर्मको आड र आवरणमा अनैतिक क्रियाकलाप उद्घाटित हुने क्रम झन् बढ्दो छ÷फस्टाउँदो छ । पछिल्लो समय कृष्णदास गिरीको कर्तुत सहतमा उत्रिएसँगै धार्मिक टेकोमा हुँदै आएका शोषण, विकृति र व्यापार हामीकहाँ दिनानुदिन कसरी झाँगिदै गइरहेको रहेछ भन्ने स्पष्ट तस्बिर देखाउँछ । कथित बाबा वा धार्मिक गुरुहरूले सत्ता र शक्तिको आड र...
पूरा पढ्नुहोस्

नयाँ पुस्तक

वैचारिक ताप

निबन्ध विधालाई निरन्तर पछ्याउँदै रचना–कर्ममा निमग्न स्रष्टा हुन्, माधव काफ्ले । राजनीति, समाज र संस्कृतिलगायत क्षेत्रहरूमा देखिएका संगत–विसंगत पक्षहरूलाई उनले लेखन–कार्यमा समेट्दै आएका छन् । उनको पछिल्लो निबन्ध–कृति ‘लाक्षागृह’मा उनले पूर्ववर्ती दुई निबन्ध–सँगालो ‘लिगलिग कोट’ र ‘जीवन एउटा थोत्रो स्क्रिन’मा जस्तै आफू बाँचेको परिवेशका गहनदेखि सामान्य घटनाक्रमहरूलाई ‘नोटिस’ गर्न चाहेका...
पूरा पढ्नुहोस्

छोटकरीमा

  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...
  • डिडिसीमा जिएमका लागि दौडधुप

    काठमाडौं । दुग्ध विकास संस्थानको महाप्रबन्धक पदका लागि दौडधुप सुरु भएको छ । सरकारले खुला प्रतिस्पर्धाबाट महाप्रबन्धक नियुक्ति गर्ने योजना अघि सारी आवेदन माग गरेपछि सो पदका लागि आकांक्षीहरूको दौडधुप चलेको हो । पछिल्लो सूचनाअनुसार संस्थानमा महाप्रबन्धक पदमा १० जनाले आवेदन दिएका छन् । आवेदन दिनेहरूमा शीतलकाजी श्रेष्ठ, बैकुण्ठ अधिकारी,...
  • यादव ‘आउट’, तुम्बाहाम्फे ‘इन’ !

    काठमाडौं । अन्ततः समाजवादी पार्टीले सरकार छाड्ने निर्णय गरेको छ । सो पार्टीबाट सरकारमा सहभागी उपप्रधान तथा कानुनमन्त्री उपेन्द्र यादव र सहरी विकासमन्त्री मोहम्मद इस्तियाक राईले हिजै राजीनामा दिएका छन् । उपप्रधानमन्त्री यादवले सोमबारको मन्त्रीपरिषद् बैठकमा संविधान संशोधनसम्बन्धी प्रस्ताव टेबुल गर्न खोजे पनि प्रधानमन्त्री केपी शर्मा ओलीले अस्वीकार गरेको भोलिपल्टै...