18th February 2020, Tuesday

E-budhabar
Header Right Side NTC Advertisement

नयाँ मन्त्रीको कार्यशैली सुस्त

काठमाडौं । प्रधानमन्त्री केपी शर्मा ओलीले आफ्नो ‘भिजन’अनुसार कार्यसम्पादन गर्न नसकेको समीक्षासहित आर्थिक वर्ष सुरु भएयता दुईपटक मन्त्रिपरिषद् पुनर्गठन गरे । ६ महिनादेखि रिक्त रहेको संस्कृति, पयर्टन तथा नागरिक उडड्यन मन्त्रालयमा १५ साउनमा योगेश भट्टराई नियुक्त गरेर भिजिट नेपाल–२०२० लाई सफल रूपमा सञ्चालन गर्ने बाटो अख्तियार गरे । त्यसपछि ५ मंसिरमा ६ मन्त्रीलाई बिदाइ गरेर नया“ अनुहारहरू नियुक्त गरे । यद्यपि, ओलीको पुनर्गठन कार्यसम्पादन मूल्यांकनका आधारमा नभएको भन्दै व्यापक आलोचना पनि भयो । तर नया“ मन्त्रीहरू नियुक्त गरेको करिब दुई महिना पुग्नै लाग्दा एकाधबाहेकका मन्त्रीहरूको ‘पर्फर्मेन्स’ अति नै सुस्त देखिएको छ । यसले प्रधानमन्त्री ओलीको पुनर्गठन र नया“ मन्त्रीको रोजाइको औचित्य पुष्टि गर्न कठिनाइ देखिएको छ ।
नया“ मन्त्रीहरूमा घनश्याम भुसाल, योगेश भट्टराई रामेश्वर राय यादव, हृदयेश त्रिपाठी, लेखराज भट्ट, वसन्त नेम्बाङ र पार्वत गुरुङ नियुक्त भएका थिए । तीमध्ये भौतिक योजना तथा यातायात पूर्वाधार मन्त्री नेम्वाङले तत्कालीन मन्त्री रघुवीर महासेठको बिदाइको औचित्य पुष्टि गर्न सफल भएका छन् । उनले मन्त्री बनेको एक डेढ महिनाकै बीचमा काठमाडौभित्रको धेरै खाल्टाखुल्टी पुर्नुका साथै रफ्तारमा सडक पूर्वाधारस“ग जोडिएका योजना कार्यान्वयन गर्ने संकेत देखाएका छन् । सुरुदेखि नै नेम्वाङको कार्यशैलीले वाहवाही कमाउन थालेका छन् । जबकि, सिंगै मुलुकले अझ बढी युवाहरूले धेरै आशाका नजरले हेरिएका घनश्याम भुसालले भने अहिलेसम्म आफ्नो प्राथमिकता र आगामी कदम सार्वजनिक गरेका छैनन् । निकटस्थ र शुभेच्छुकहरूलाई उनले आफू अहिले अध्ययनकै क्रममा रहेको र कृषिक्षेत्रमा आमूल परिवर्तन गर्नेगरी ‘अपरेसन’मा उत्रिने बताउ“दै आएका छन् । उखु किसानको समस्या समाधान, मन्त्रालयबाट बा“डिएका कृषि अनुदान तत्काल रोक्ने जस्ता भुसालले यसबीचमा केही राम्रा काम नगरेका भने होइनन् तर आमजनताले छिटो परिणामको अपेक्षा गरेअनुसार भने उनले अहिलेसम्म ‘डेलिभरी’ दिन सकेका छैनन् ।
अर्का युवा नेता योगेश भट्टराईले पयर्टन मन्त्रीका रूपमा छोटो अवधिमै पनि सफल रूपमा भिजिट नेपाल–२०२० को उद्घाटन गराउन सफल भएका छन् । लामो समयसम्म मन्त्रीविहीन रहेको मन्त्रालय सम्हालेर पनि सफल ढंगले कार्यक्रम सम्पन्न गराएर उनले सरकारको उक्त अभियान अगाडि बढाइरहेका छन् । नेपाल वायु सेवा निगमको आमूल सुधारको कदम भने अपेक्षित गतिमा अघि बढाउन नसकेको टिप्पणी हुन थालेको छ । भिजिट नेपाल उद्घाटनपछि त्यसतर्फ ध्यान केन्द्रित गर्ने बताउ“दै आएका भट्टराईको अबको कामबाट देखिने परिणाम देखिने विश्वास गरिएको छ ।
उता तत्कालीन एमालेको मतबाट सांसद निर्वाचित स्वतन्त्र समूहका हृदयेश त्रिपाठीको साविक एमाले र अहिलेको नेकपामा खासै ठूलो योगदान नरहे पनि सन्तुलन मिलाउ“दा संघीय मामिला र सामान्य प्रशासन मन्त्रालयको महत्वपूर्ण जिम्मेवारी परेको छ । कर्मचारी समायोजन जस्तो सबैभन्दा जटिल काम अपेक्षित रूपमा समयभित्रै सम्पन्न गरेर अझ राम्रो पर्फर्मेन्स देखाउने बेला लालबाबु पण्डितलाई प्रधानमन्त्री ओलीले बिदाइ गरेका थिए । पण्डितले काम गर्दागर्दै बिदाई गरिएकोमा ओलीको आलोचना पनि भयो । तर, नया“ मन्त्री त्रिपाठीको दुई महिना भने कर्मचारी सरुवाबाट आम्दानीका लागि सेटिङ मिलाउनमै व्यतीत भएको छ । अहिले उनले मन्त्रालयमा रहेका पाँच सहसचिवको दरबन्दीमा कार्यरत चार सहसचिवलाई हटाएर आफूअनुकूल ल्याउने कसरतमा सक्रिय बनेका छन् । २ नम्बर प्रदेशबाट अन्यन्त्र जान चाहने कर्मचारीहरूबाट अहिल्यैदेखि पैसा कमाउनेगरी सेटिङ मिलाउने र नेकपालाई थप कमजोर बनाउनेतर्फ उनको ध्यान केन्द्रित भएको बताइन्छ ।
उता प्रधानमन्त्री ओलीको रोजाइमा परेर मन्त्री बनेका पार्वत गुरुङले पनि अहिलेसम्म सरकारको शिर उच्च हुने प्रशंसालायक एउटा काम पनि गर्न सकेका छैनन् । अहिलेसम्म कुनै परिणाम दिन नसकेर तत्कालीन मन्त्री थममाया थापाकै पथमा अघि बढेका गुरुङले एक जिल्ला नेताको दबाब परेको भन्दै पत्रकारिता अध्ययन गरेका भण्डारी थरका एक युवालाई सुरुमै महिला बालबालिका विज्ञका रूपमा नियुक्त गरेका थिए । नरुचाइएका पात्र नियुक्त गरेर भए पनि जिल्ला नेताहरूलाई सन्तुलनमा राख्न खोजेका गुरुङमाथि ओलीले बढि विश्वास गर्ने आधा दर्जन मन्त्रीकै श्रेणीमा राखेको बताइन्छ । मन्त्रालयको धेरै कार्यक्षेत्र नपर्ने भएकाले खासगरी मुलुकको हित बिरोधी गतिविधि गर्ने एनजिओ र आईएनजिओका अवैध धन्दा नियन्त्रण गर्न गुरुङले ध्यान केन्द्रित गर्ने ओलीको अपेक्षा रहेको बताइन्छ । तर, त्यसका निम्ति मन्त्रालयमा कर्मचारीहरूको राम्रो टिम हुनुपर्ने भए पनि त्यसअनुरूपको प्रभावकारी कार्ययोजनाअनुसार उनको सुरुवाती कदम अघि बढ्न नसकेको टिप्पणी हुन थालेको छ ।
वैदेशिक रोजगारमा हुने ठगी धन्दा, वैदेशिक रोजगार बिभाग अन्तर्गतका विभिन्न स्थानमा हुने अनियमितता चलखेलजस्ता कुरामा नया“ श्रम तथा रोजगारमन्त्री रामेश्वर राय यादवले अहिलेसम्म कुनै कदम चाल्न सकेका छैनन् । यद्यपि, युवा स्वरोजगारजस्ता कार्यक्रमलाई पनि प्रभावकारी रूपले सम्पन्न गर्नेगरी उनले कार्ययोजना बनाएको बताइन्छ । उता, उद्योग मन्त्री लेखराज भट्टको कार्यशैली पनि सुस्तै देखिएको बताइन्छ । यद्यपि, उनले चिनी उद्योगीहरूलाई किसानहरूको मूल्य तिराउन भने सुरुवाती चरणमा राम्रै भूमिका खेलेका छन् । ठूला उद्योग सञ्चालन र रोजगारी अभिवृद्धिमा भट्टले चाल्ने कदमबाटै उनको पनि मूल्याकन हुने बताइन्छ ।

Leave a Reply

Your email address will not be published. Required fields are marked *

... र यो पनि ...

  • सामान्यमा आफ्नै हात जगन्नाथ

    काठमाडौं । रोजेको आकर्षक ठाउँमा जाने इच्छा प्रायः सबै कर्मचारीको हुन्छ । कतिपय कर्मचारी त पहुँच नपुगेकै कारण वर्षौंदेखि दुर्गम र अनाकर्षक ठाउँमा बस्दै आएका छन् । वर्षौंदेखि घरपरिवारसँग टाढिएर बस्नुपरेको धेरै दर्दनाक पीडा छन् । तर, सामान्य प्रशासन मन्त्रालयमा बसेका केहीले भने आफ्नो सरुवा पनि भनेको ठाउँमा आफैंले गरेर...
  • हिमालयन बैंकमा होडबाजी

    काठमाडौं । हिमालयन बैंकमा राणा, श्रेष्ठ, खेतान र पाण्डे समूहबीचको विवाद उत्कर्षमा पुगेको छ । आज बुधबार हुने साधारणसभाबाट राणा र श्रेष्ठ समूहको एकाधिकार तोड्न खेतान समूह सक्रिय भएको छ । एन ट्रेडिड्र कम्पनी प्रालि झम्सिखेलका तर्फबाट अध्यक्ष बनेका मनोजबहादुर श्रेष्ठ र आभा इन्टरनेसनलन प्रालि थापाथलीका तर्फबाट बैंकका प्रमुख कार्यकारी...
  • खरिपाटीमा ‘कोरोना’को त्रास

    काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने...

चक्रपथ

फागुनबाट नेकपाको विशेष अभियान

पार्टी प्रवेश, ¥यालीदेखि जनसभभासम्मको योजना काठमाडौं । नेपाल कम्युनिस्ट पार्टी (नेकपा) ले फागुन १ बाट पार्टी एकता सुदृढीकरण र जनसम्बन्ध विस्तार विशेष अभियान सञ्चालन गर्ने भएको छ । खासगरी पाँचमहिने कार्ययोजनासहित बनेको विशेष अभियान मूल रूपमा तीन महिना विशेष रूपले सञ्चालन गर्ने नेकपाको तयारी छ । गत १९ माघमा सम्पन्न...
पूरा पढ्नुहोस्

स्रष्टा र सिर्जना

ढुंगे युगतिर डोर्याउने धृष्टता

केही दिनपूर्व, प्रदर्शनीमार्गको एउटा पुस्तक पसलको दराजमा सजाइएको एउटा पुस्तकमा आँखा प¥यो, जुन पुस्तक एकजना विदेशी लेखकले लेखेका थिए र जसमा उनले नेपालका हिमालीदेखि अरु भूभाग घुम्दाका अनुभवलाई उतारेका थिए । हरेक पुस्तक किन्दा छुट लिने बानी नै परिसकेको हुँदा पुस्तक बिक्रेतालाई सोधें, ‘यो पुस्तक किन्दा कति छुट पाइन्छ ?’...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • फोटोमा हारजितको फैसला

    काठमाडौं । ‘तपाईंहरू यही हुनुहुन्छ तर तपाईंहरूकै फोटो राजारानीको जस्तो गरी राखिएको छ । यो फोटो राख्ने सामान्तवादी प्रवृत्ति हो । राजावादी प्रवृत्ति भयो । यो फोटो निकाल्नुहोस्, यसपटक सक्नुहुन्न भने अर्कोपटक नराख्नुहोला ।’ नेकपा केन्द्रीय कमिटी बैठक चलिरह“दा केन्द्रीय सदस्य राजेन्द्र राईले उठेर यसरी कडा स्वरमा प्रतिवाद गरेपछि १५...
  • कुन पार्टीमा जालिन् शिवमाया ?

    काठमाडौं । कुनै हालतमा राजीनामा नदिने अडानमा रहेकी तत्कालीन उपसभामुख डा. शिवमाया तुम्बाहम्फेले पार्टी केन्द्रीय सदस्यको हैसियतमा क्रियाशील हुने इच्छा व्यक्त गरेकी छन् । तत्कालीन सभामुख कृष्णबहादुर महराले गरेको गल्तीको सजाय आफूलाई दिन लागिएको भन्दै तुम्बाहाम्फेले आफूले गल्ती गरेको लिखित कारण पार्टीले दिनुपर्ने सर्त राखेकी थिइन् । सभामुखमा उम्मेद्वारी दिने...
  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...