18th February 2020, Tuesday

E-budhabar
Header Right Side NTC Advertisement

क–कसले जोगाए शिवराजलाई ?

क–कसले जोगाए शिवराजलाई ?

काठमाडौं । नेपाल राष्ट्र बैंकका डेपुटी गभर्नर शिवराज श्रेष्ठको निलम्बन–प्रकरण अन्ततः ‘हात्ती आयो, फुस्सा’ हुन पुगेको छ । वित्तीय अपचलन र अनियमितताको आरोप लगाएर निलम्बनमा परेका डेपुटी गभर्नर श्रेष्ठ कारबाही हुनबाट जोगिएका छन् ।
पदावधि सकिन केही समय मात्र बाँकी रहँदा डेपुटी गभर्नरमाथि गम्भीर प्रकृतिका आरोपहरू लागेको थियो र केही महिनाअघि सरकारले उनलाई निलम्बन गरेको थियो । उनीमाथि लागेका आरोपको छानविन गर्न राष्ट्र बैंकका सञ्चालक समितिका सदस्य श्रीराम पौडेलको संयोजकत्वमा तीन सदस्यीय छानबिन समिति गठन गरेको थियो । एक महिने समयावधि तोकिएको सो समितिले अवधिभित्रै प्रतिवेदन पेस गरेर सरकारसामु पेस गरेको थियो । प्रतिवेदन मन्त्रिपरिषद्मा पेस भए पनि त्यसमाथि करिब दुई हप्ताजति कुनै प्रक्रिया अघि नबढेपछि आशंका उब्जिन पुगेको थियो । आशंकाकै बीच केही दिनअघि मात्रै उनलाई कारबाही नगर्ने निर्णय सरकारले गरेको थियो ।
पछिल्लो समय निलम्बनमा परेका डेपुटी गभर्नर श्रेष्ठप्रति प्रधानमन्त्री केपी शर्मा ओली नै लचिलो बनेको बताइन्छ । मन्त्रिपरिषद् बैठकमा श्रेष्ठको विषय उठ्नासाथ प्रधानमन्त्री ओलीले ‘केही पनि दोष देखिएन, कारबाही नै गर्नुपर्ने कारण देखिएन’ भनेपछि उनले उन्मुक्ति पाएका हुन् । निलम्बनमा परेका डेपुटी गभर्नर श्रेष्ठले पनि आफूलाई जोगाउन सम्पूर्ण शक्ति खर्च गरेका हुँदा उनी जोगिन सफल भएको बुझिएको छ ।
निलम्बनमा परेका डेपुटी गभर्नर श्रेष्ठलाई कारबाहीबाट बचाउन उनीमाथि छानबिन गर्न गठित समितिले फितलो प्रतिवेदन दिएको पनि एउटा कारण रहेको बताइन्छ । पौडेल नेतृत्वको छानबिन समितिले दिएको प्रतिवेदनमा उनीविरुद्ध कुनै किटानी नभएको र सो प्रतिवेदन सैद्धान्तिक निबन्धजस्तो रहेको कारण पनि श्रेष्ठलाई कारबाही गर्ने आधार नमिलेको बुझिएको छ । श्रेष्ठले समितिका संयोजक र सदस्यहरूलाई समेत प्रभावमा पारेर फितलो प्रतिवेदन तयार पार्न लगाएको अनुमान गरिएको छ ।
निलम्बित डेपुटी गभर्नर श्रेष्ठमाथि कारबाही नहुने संकेत अर्थमन्त्री डा. युवराज खतिवडाले मन्त्रिपरिषद्बाट निर्णय हुनुभन्दा दुई÷तीन दिनअघि नै खुलासा गरिसकेका थिए । उनले आफू निकटस्थहरूसँग श्रेष्ठको प्रसंग उठ्नेबित्तिकै ‘उनलाई जुन चार्ज लगाएर छानबिन समिति गठन गरिएको थियो, त्यो समितिले कारबाही नै गर्नुपर्ने खालको प्रतिवेदन दिएन, कारबाही गर्ने ठाउँ देखिएन’ भनेर जवाफ दिएको बुझिएको छ ।
डेपुटी गभर्नर श्रेष्ठलाई आपेक्ष लगाएर हटाई आफूले इच्छाएको व्यक्तिलाई डेपुटी बनाउने तयारीमा प्रधानमन्त्रीको सचिवालयकै मानिसहरू सक्रिय रहेको बुझिएको छ । त्यही कारण, श्रेष्ठविरुद्धका उजुरीहरू अर्थ मन्त्रालयबाट आउनुपर्नेमा सो मन्त्रालयलाई पन्छाएर सीधै प्रधानमन्त्री कार्यालयमा तयार पारिएको थियो । श्रेष्ठलाई आक्षेपहरू लगाएर निलम्बन गर्ने तयारी प्रधानमन्त्री कार्यालयले थालिरहँदा अर्थ मन्त्रालयलाई कुनै जानकारी गराइएन र सो प्रस्ताव सिधै प्रधानमन्त्री कार्यालयबाट लगिएको थियो । अर्थमन्त्री डा. खतिवडाले त मन्त्रिपरिषद्मा सो प्रस्ताव लगेपछि मात्र थाहा पाएको बुझिएको छ ।
त्यसो त डेपुटी गभर्नर श्रेष्ठलाई हिजो सो पदमा पु¥याउन जुनजुन समूहले सहयोग गरेको थियो, आज जोगाउन पनि उनीहरू नै सक्रिय रहेको बुझिएको छ । सो समूहले प्रधानमन्त्री ओलीलाई समेत प्रभावमा पारेर कारबाही हुनबाट जोगाएको अनुमान छ । श्रेष्ठले पनि आफू जोगिन सम्पूर्ण ऊर्जा र स्रोत खर्च गरेको बुझिएको छ ।

Leave a Reply

Your email address will not be published. Required fields are marked *

... र यो पनि ...

  • सामान्यमा आफ्नै हात जगन्नाथ

    काठमाडौं । रोजेको आकर्षक ठाउँमा जाने इच्छा प्रायः सबै कर्मचारीको हुन्छ । कतिपय कर्मचारी त पहुँच नपुगेकै कारण वर्षौंदेखि दुर्गम र अनाकर्षक ठाउँमा बस्दै आएका छन् । वर्षौंदेखि घरपरिवारसँग टाढिएर बस्नुपरेको धेरै दर्दनाक पीडा छन् । तर, सामान्य प्रशासन मन्त्रालयमा बसेका केहीले भने आफ्नो सरुवा पनि भनेको ठाउँमा आफैंले गरेर...
  • हिमालयन बैंकमा होडबाजी

    काठमाडौं । हिमालयन बैंकमा राणा, श्रेष्ठ, खेतान र पाण्डे समूहबीचको विवाद उत्कर्षमा पुगेको छ । आज बुधबार हुने साधारणसभाबाट राणा र श्रेष्ठ समूहको एकाधिकार तोड्न खेतान समूह सक्रिय भएको छ । एन ट्रेडिड्र कम्पनी प्रालि झम्सिखेलका तर्फबाट अध्यक्ष बनेका मनोजबहादुर श्रेष्ठ र आभा इन्टरनेसनलन प्रालि थापाथलीका तर्फबाट बैंकका प्रमुख कार्यकारी...
  • खरिपाटीमा ‘कोरोना’को त्रास

    काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने...

चक्रपथ

फागुनबाट नेकपाको विशेष अभियान

पार्टी प्रवेश, ¥यालीदेखि जनसभभासम्मको योजना काठमाडौं । नेपाल कम्युनिस्ट पार्टी (नेकपा) ले फागुन १ बाट पार्टी एकता सुदृढीकरण र जनसम्बन्ध विस्तार विशेष अभियान सञ्चालन गर्ने भएको छ । खासगरी पाँचमहिने कार्ययोजनासहित बनेको विशेष अभियान मूल रूपमा तीन महिना विशेष रूपले सञ्चालन गर्ने नेकपाको तयारी छ । गत १९ माघमा सम्पन्न...
पूरा पढ्नुहोस्

स्रष्टा र सिर्जना

ढुंगे युगतिर डोर्याउने धृष्टता

केही दिनपूर्व, प्रदर्शनीमार्गको एउटा पुस्तक पसलको दराजमा सजाइएको एउटा पुस्तकमा आँखा प¥यो, जुन पुस्तक एकजना विदेशी लेखकले लेखेका थिए र जसमा उनले नेपालका हिमालीदेखि अरु भूभाग घुम्दाका अनुभवलाई उतारेका थिए । हरेक पुस्तक किन्दा छुट लिने बानी नै परिसकेको हुँदा पुस्तक बिक्रेतालाई सोधें, ‘यो पुस्तक किन्दा कति छुट पाइन्छ ?’...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • फोटोमा हारजितको फैसला

    काठमाडौं । ‘तपाईंहरू यही हुनुहुन्छ तर तपाईंहरूकै फोटो राजारानीको जस्तो गरी राखिएको छ । यो फोटो राख्ने सामान्तवादी प्रवृत्ति हो । राजावादी प्रवृत्ति भयो । यो फोटो निकाल्नुहोस्, यसपटक सक्नुहुन्न भने अर्कोपटक नराख्नुहोला ।’ नेकपा केन्द्रीय कमिटी बैठक चलिरह“दा केन्द्रीय सदस्य राजेन्द्र राईले उठेर यसरी कडा स्वरमा प्रतिवाद गरेपछि १५...
  • कुन पार्टीमा जालिन् शिवमाया ?

    काठमाडौं । कुनै हालतमा राजीनामा नदिने अडानमा रहेकी तत्कालीन उपसभामुख डा. शिवमाया तुम्बाहम्फेले पार्टी केन्द्रीय सदस्यको हैसियतमा क्रियाशील हुने इच्छा व्यक्त गरेकी छन् । तत्कालीन सभामुख कृष्णबहादुर महराले गरेको गल्तीको सजाय आफूलाई दिन लागिएको भन्दै तुम्बाहाम्फेले आफूले गल्ती गरेको लिखित कारण पार्टीले दिनुपर्ने सर्त राखेकी थिइन् । सभामुखमा उम्मेद्वारी दिने...
  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...