28th March 2020, Saturday

E-budhabar
Header Right Side NTC Advertisement

खरिपाटीमा ‘कोरोना’को त्रास

काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने निधो गरेको छ ।
चीनबाट फर्काइने नागरिकलाई उच्च सतर्कताका साथ खरिपाटीमा राखिने तयारी गरेको छ । सो तालिम केन्द्रमा राख्नका निम्ति दुई भवन खाली गराइसकिएको छ । चीनबाट फर्काइने नागरिकको उडान, उपचार, सुरक्षा र खाने र बस्ने व्यवस्था भइसकेको छ र केही दिनपछि नै फर्काइने भएको छ । सो क्वारेन्टाइनमा १४ दिनसम्म राखेपछि स्वास्थ्य परीक्षण गरेपछि मात्र घर फर्काइने व्यवस्था मिलाइएको छ ।
विद्युत् प्राधिकरणको खरिपाटीस्थित तालिम केन्द्रमा चीनबाट फर्काइने नागरिकलाई राख्ने भएपछि प्राधिकरणको वातावरण विभागको भवन खाली गराइसकिएको छ । सो विभागमा कार्यरत करिब ३५ जनाजति कर्मचारीलाई त्यहाँबाट हटाएर रत्नपार्कस्थित प्राधिकरणको केन्द्रीय कार्यालयमा खटाइएको छ । केन्द्रीय कार्यालयमा ल्याइएका कर्मचारीहरू भने कार्यालय कोठाको अभावका कारण कुनै काम नगरी बसिरहेका छन् ।
चीनबाट फर्काइने नागरिकलाई तालिम केन्द्रमा राख्ने भएपछि सबभन्दा त्रसित त्यहाँ कार्यरत करिब ४ सयजना कर्मचारी बन्न पुगेका छन् । खरिपाटीमा प्राधिकरणको ट्रान्समिसनका करिब ४०–४५ वटा आयोजनाका समेत कार्यालय रहेका छन् । ती आयोजना कार्यालयहरूमा करिब ४ सय कर्मचारी कार्यरत छन् । त्यस्तै, खरिपाटीमै प्राधिकरणको तालिम केन्द्र पनि रहेको छ । चीनबाट फर्काइने नागरिकलाई त्यहाँ राखिने भएपछि आयोजना, तालिम र वातावरणीयसम्बन्धी काम प्रभावित बन्न पुगेका छन् । वातावरण विभागका कर्मचारीहरूलाई हटाइए पनि खरिपाटीमा रहेका अरू कर्मचारीहरू भने मनोवैज्ञानिक त्रास खेप्न बाध्य रहेको बताइएको छ ।
हुन त सरकारले त्रसित कर्मचारीहरूलाई ‘बिरामी भएका मानिसलाई ल्याउन लागिएको होइन’ भनेर आश्वस्त पार्न खोजे पनि कर्मचारीहरूमा रहेको त्रास नहटेको बताइन्छ । चीनबाट फर्काइने नागरिकलाई पहिला नागार्जुनको जंगलमा राख्ने विषयमा कुरा अघि बढेको थियो । तर, खरिपाटीमा सुरक्षित हुने ठानेर त्यहाँ नै राख्ने निर्णय गरिएको हो । प्राधिकरणको कर्मचारी युनियनले पनि खरिपाटीमा रहेका कर्मचारीहरू त्रसित रहेकोमा सरकारको ध्यानाकर्षण गराएको छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...