14th August 2020, Friday

E-budhabar
Header Right Side NTC Advertisement

जाँदाजाँदै खनालको अर्को लज्जास्पद काम

काठमाडौं । आफ्नो कार्यकालमा संगठनलाई व्यावसायिक बनाउने र मनोबल उच्च राख्ने मामिलामा सिन्कोसम्म भाँच्न नसकेका नेपाल प्रहरीका प्रमुख सर्वेन्द्र खनालले अवकाशको अन्तिम दिन पनि आफू सेलिब्रटी बन्नकै लागि जग हसाउने लाजमर्दो काम गर्न बाँकी राखेनन् ।
पदावधि सकिने अघिल्लो दिन सोमबारसम्म पदावधि थप्न अथक प्रयास गरे पनि उनको प्रयास काम लागेन । आफ्नो पदावधि नथपिने बुझेपछि अन्तिम दिन मंगलबार उनले नियम, परम्पराविपरीत केन्द्रीय कार्यलयभित्रै बनेको अडिटरियम हलको काम नसकिँदै उद्घाटन गरे । त्यहाँ पनि उनले आफ्नो कार्यकालको आफंैले प्रचार गरे । हल निर्माण सम्पन्न भएर सम्झौताअनुसारको भुक्तानी पनि भइसकेपछि मात्र उद्घाटन गर्ने प्रचलनविपरीत उनले निर्माण हुन २० प्रतिशत काम बाँकी छदै उद्घाटन गरेर आफ्नो प्रचारमुखी चरित्र उदांगो बनाएका हुन् ।
संगठनको प्रमुख भएदेखि नै विवादैविवादमा आएर असफल साबित खनाल अपेक्षाकृत र प्रचार गरिएजस्तो खासै गतिलो नदेखिएको विश्लेषण छ । संगठनका सरुवा, बढुवादेखि अनेक प्रकारका विषयमा उल्झनमा आउनुका साथै केही घटनाका कारण इतिहासमै प्रहरी संगठन बदनाम हुन पुग्यो । आईजी नियुक्त हुनासाथ भद्रगोल संगठनलाई व्यवस्थित पार्नुपर्नेमा संगठनलाई गति दिनुपर्ने कुनै काम गर्न सकेनन् ।
समुदाय–प्रहरी साझेदारीको नारा लिएर बिदाइको अन्तिम दिनसम्म विभिन्न उद्घाटन र शिलान्यासका केन्द्रित रहेका आईजी खनालले निर्मला पन्तको हत्याका सम्बन्धमा कुनै दोषी पत्ता लगाउन सकेनन् । त्यति मात्र होइन, कुमार पौडेलको हत्याले पनि प्रहरी संगठनलाई बदनाम बनायो । काँडाघारीमा अपहरण भएको बालकको हत्या प्रकरणमा पनि खनालको सुझबुझपूर्ण निर्णय र निर्देशन नभएका कारण त्यस्तो घटना भएको बताइएको छ ।
उनी महानगरीय अपराध महाशखाका एसएसपी हुँदा पनि केही एक्सन लिएर चर्चामा आएका थिए तर कालान्तरमा ती एक्सनहरू चर्चा बटुल्नकै लागि मात्र ल्याइएजस्तो साबित भएका छन् । खेलाडीहरूको म्याच फिक्सिङ, पेट्रोलपम्पमा नक्कली मिटर जडान गरी ठगिएकोलगायत विषय चर्चाका लागि ल्याइए पनि उनीहरूले अन्ततः सफाइ पाएका छन् । यसले उनको कदम अपरिपक्व देखिएको थियो । मंगलबारबाट आईजीपी सर्वेन्द्र खनाल, एआईजी पुष्कर कार्की, ठूले राई र धिरु बस्न्यात तथा १८ डीआईजीहरूले एकैपटक अवकाश प्राप्त गरेका छन् ।
हिजो को मन्त्रीपरिषद् बैठकले नेपाल प्रहरीको नयाँ आइजीमा डीआईजी ठाकुरप्रसाद ज्ञवालीको नियुक्त गरेको छ । खनालसँगै सबै एआइजी अवकास भएपछि बरिष्ठताका आधारमा अगाडी रहेका ज्ञवालीलाई नियुक्त गरिएको हो । ज्ञवालीले प्रहरी संगठनभित्र इमानदार अधिकृतको छवी बनाएका छन् । प्रहरी प्रमुखकारुपमा उनको कार्यकाल पाँच महिनाको हुनेछ ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...