27th May 2020, Wednesday

E-budhabar
Header Right Side NTC Advertisement

प्रकाण्डमै प्रहार

मुन्टो चिमोट्दैमा मुल प्रकाण्डमा कुनै ताŒिवक असर पर्दैन । विगतमा अख्तियार दुरुपयोग अनुसन्धान आयोगले केवल मुन्टो चिमोट्ने काम मात्रै गर्दै आएको थियो । तर, बालुवाटारको जग्गा किर्ते गरेर बेचेको प्रकरणमा भने पछिल्लो समय आयोगले जुन कदम चाल्यो, त्यसले अब भने भ्रष्टाचारको मूल प्रकाण्डमै प्रहार हुन थालेको आभास मिलेको छ । बालुवाटारको सरकारी जग्गा व्यक्तिको नाममा ल्याएर बेचबिखन गर्ने कार्यमा संलग्न उच्चपदस्थ व्यक्तिहरूदेखि भूमाफियासम्मको समूहलाई अख्तियारले जालमा पार्ने काम ग¥यो, त्यसबाट अबका दिनमा एउटा नजिर स्थापित हुने अवस्था देखिएको छ– भ्रष्टाचार गर्नेहरू कुनै न कुनै समय अवश्य नै कानुनी कारबाहीको घेरामा पर्नेछन्, अख्तियारको लगामले भ्रष्टाचारीहरूलाई छाड्नेछैन ।
भ्रष्टाचार निवारण र न्यूनीकरणको दिशामा अख्तियारको सक्रियता विगतदेखि नै नदेखिएको होइन । तर, अख्तियारले मुन्टो चिमोट्ने कार्यमात्रै गर्दै आइरहेको थियो । भ्रष्टाचारको मूल प्रकाण्डमै प्रहार गर्ने प्रयत्न भने खासै भइरहेको थिएन । साना तहका एकाध कर्मचारीहरूलाई घुस लिइरहेका बेला रंगेहात समातेर आफ्नो सक्रियता जनाइरहेको थियो अख्तियारले । खासगरी सेवाग्राही सरकारी कार्यालयहरूमा बढ्दो भ्रष्टाचारलाई नियन्त्रण गर्न अख्तियारको त्यस्तो प्रयास एक किसिमले सार्थक नै ठहरिन पुगेको थियो । तर, साना तहका कर्मचारीहरूमा मात्र अख्तियारको निगरानी परेपछि अख्तियारले ‘साना माछाहरू’लाई समात्न मात्र दक्षता देखाएको र ‘ठूला माछाहरू’ सदैव उम्किँदै आइरहेको आक्षेप नझेलेको भने होइन । बालुवाटारको जग्गा किर्ते प्रकरणमा पद र पावरमा रहेका व्यक्तिहरू नै तानिएपछि भने अख्तियारको कदमको सराहना हुन थालेको छ ।
भ्रष्टाचार नियन्त्रण र न्यूनीकरण गर्न वर्तमान सरकार असक्षम हुँदै गएको टिप्पणी सर्वत्र नउठेको होइन । निर्वाचनको बेला वर्तमानमा सत्तारूढ नेपाल कम्युनिस्ट पार्टीले जनतासामु प्रतिज्ञा गरेका अनेक विषयहरूमध्ये एउटा देशमा सुशासन कायम गर्ने पनि थियो । आर्थिक समृद्धिलाई मूल मुद्दा बनाएर सत्तासीन भएको वर्तमान सरकारले सुशासन कायम नगरी समृद्धितिर मुलुक डोरिन नसक्ने यथार्थ पनि स्वाभाविक पक्ष थियो । नेकपाको सरकार गठन भएको दुई वर्षको अवधिमा राजनीतिक स्थायित्व कायम भए पनि र आर्थिक समृद्धिका जगहरू निर्माण हुँदै गए पनि भ्रष्टाचार नियन्त्रणको दिशामा भने प्रभावशाली कामहरू हुन सकेका थिएनन् । वास्तवमै वर्तमान कम्युनिस्ट सरकारका निम्ति भ्रष्टाचार नियन्त्रण टाउकोदुखाइको विषय बन्दै आएको थियो ।
तर, अख्तियारको पछिल्लो सक्रियताले भने भ्रष्टाचार नियन्त्रणमा केही हदसम्म भए पनि आशाको दियो बल्न पुगेको छ । कुनै उच्च पदमा पुगेर शक्तिको दुरुपयोग गरी भ्रष्टाचारजन्य कार्यमा निर्लिप्त रहन नहुने रहेछ, भ्रष्टाचारमा संलग्न होइँदा उन्मुक्ति पाइँदैन रहेछ भन्ने नजिर बसेको छ । भ्रष्टाचारमा संलग्न साना वा ठूला कसैलाई नछाड्ने रहेछ भन्ने मान्यता स्थापित हुन पुगेको छ । बालुवाटारको जग्गा किर्ते प्रकरणको नजिर बस्ने हो भने आगामी दिनमा भ्रष्टाचारजन्य कार्यहरूमा न्यूनीकरण आउने अपेक्षा गर्न सकिन्छ ।
हामीकहाँ भ्रष्टाचारको जरा कति गहिरोसँग फैलिएको रहेछ भन्ने उदाहरण हेर्न केही समयपूर्व खरिदार तहका एक कर्मचारीको करोडौं सम्पत्ति रहेको घटना नै काफी देखिन्छ । सामान्य तलब हुने तल्ला तहको कर्मचारीको काठमाडौंमा करोडौंको बंगला हुनु, आफन्तको नाममा बैंकमा करोडौं रकम हुनु, महँगा गाडी चढेर हिँड्नु र विलासितापूर्ण जीवन बिताउनु पछिल्लो समय सामान्य बन्दै गइरहेको थियो । यी सबै भ्रष्टाचारजन्य मनोवृत्तिले जन्माएको कुरा हो । यसमा मूलतः सरकारको कमजोरी रहेको देखिन्छ । किनभने, एउटा सामान्य तहको कर्मचारीको अकूत सम्पत्तिको स्रोत के हो भन्ने कुरा खोजबिन गर्ने र त्यस्ता कर्मचारीको सम्पत्तिको स्रोत पत्ता लगाएर कानुनी कारबाहीको दायरामा ल्याउने कार्य राज्यले दिएको तलब, सुविधा खाएर बसेका अख्तियारजस्ता भ्रष्टाचार निर्मूलन गर्ने संस्थाका पदाधिकारी र कर्मचारीहरूको दायित्वको विषय हो । तर, कतिपय सवालमा अधिकारप्राप्त संस्थामै रहनेहरू चुक्दै गएका कारण पनि समस्या देखिएका हुन् ।
बालुवाटारको जग्गा किर्ते र बेचबिखन प्रकरणपछि उत्पन्न हलचललाई सम्बोधन गर्न अख्यितारले देखाएको चासो र तत्परता सराहनीय त छँदै छ, त्यसले अख्तियारजस्तो संस्थाप्रति आमनागरिकको अपेक्षासमेत चुलिन पुगेको छ । अख्तियार तात्ने हो भने ‘ठूला माछाहरू’ पनि जालमा पर्ने रहेछन् भन्ने दृष्टान्त बालुवाटार जग्गा प्रकरणपछि देखिएको छ । अख्तियारले अहिले जुन सक्रियता देखाएको छ, निश्चय नै त्यसले भ्रष्टाचार नियन्त्रणमा सफलताका सिँढीहरू उक्लिने आधार बन्नेछन् । अपेक्षा गरौं, आगामी दिनमा अख्तियारले मुन्टो चिमोट्ने काममा सीमित नरहेर मूल प्रकाण्डमै खुकुरी, बन्चरो प्रहार गर्ने तत्परता देखाउनेछ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...