14th August 2020, Friday

E-budhabar
Header Right Side NTC Advertisement

प्रहरीे पेट्रोल पम्पमा आईजीको नजर पर्ला ?

प्रहरीे पेट्रोल पम्पमा आईजीको नजर पर्ला ?

काठमाडौं । प्रहरी कल्याण कोषअन्तर्गत सञ्चालित नेपाल प्रहरीको पेट्रोल पम्पमा अनियमितता झनै उदांगिएको छ । प्रहरी निरीक्षक वासुदेव नेपालले विगत एक वर्षदेखि कमान्ड गरिरहेको पम्पमा व्यापक अनियमितता भएको हो ।
उनकै प्रत्यक्ष निर्देशनमा केशव केसी र मनोज केसी दुई भाइ मिलेर पम्पमा अनियमिताको धन्दा चलाएको बताइएको छ । प्रनि नेपाल सो पम्पको नेतृत्व गर्न आइपुगेको एक करिब वर्ष पुगेको छ भने हवल्दारद्वय केसी विगत चार वर्षदेखि त्यही कार्यरत छन् । उनीहरूको अनियमिततामा जवान छवि न्यौपानेले पनि दह्रो साथ दिने गरेको बताइन्छ ।
लामो समयदेखि सो पम्पमा मस्ती मारेर बसेका व्यक्तिहरूको सेटिङमा नै अहिले पनि पम्पलाई कमाउ धन्दाको अखडा बनाइएको बताइन्छ । स्मरणीय छ, प्रहरीभित्र पनि कल्याणकारी कोषअन्तर्गत पेट्रोल पम्पको जागिरलाई आकर्षक र मालदार मानिन्छ ।
उनीहरू पम्पका इन्चार्ज नेपालको अत्यन्त प्रिय पात्र बन्दै आएका छन् । उनीहरूले थानकोटदेखि ट्यांकरबाट तेल ल्याउने बेच्ने तथा हरेक दिन संकलन भएको रकम इन्स्पेक्टरदेखि आफूआफूमा बाँडचुँड गर्ने गरेको बताइन्छ । अहिले केसीद्वयलाई पैसा हुने धन्दा गर्न र अन्य रकम संकलन तथा कारोबारको जिम्मेवारी नै दिइएको छ । इन्सपेक्टर नेपाललाई राम्रो रकम नियमित रूपमा बुझाउने गरेकाले नै केसीद्वय उनका प्रिय पात्र भएको स्रोतको दाबी छ । उनीहरूलाई त्यहाँको इन्चार्ज नेपालले संरक्षण गरेकैले खुलेआम घुसखोरीले प्रश्रय पाएको बताइन्छ ।
एकपटक त्यो स्थानमा बसिसकेका प्रहरी कर्मचारीहरूलाई दोहो¥याएर त्यही स्थानमा नराख्ने प्रहरीको आन्तरिक नियम भए पनि पेट्रोल पम्पका केही कर्मचारीका हकमा भने त्यो नियम लागू भएको छैन । उनीहरू चार पाँच वर्षदेखि पम्पमै तर मारेर बस्न पाइरहेका छन् । केसीद्वयको नेतृत्वमा पम्पका कर्मचारीहरूले उपत्यकामा भएका प्रहरी कार्यालयबाट इन्धन नै नहाली कुपनलाई आधा रकम दिने र उक्त तेल बेचेर पैसा खल्तीमा हाल्ने गर्दै आएको आरोप छ । उनीहरूले तेलै नहालीकन तेल घटेको भन्ने बहाना बनाएर रकम असुल्ने गर्दै आएको बताइएको छ । त्यसो गर्दा काउन्टरमा मासिक ३ लाखसम्म अतिरिक्त जम्मा हुने र सो रकमबाट इन्स्पेक्टर, असईदेखि सबै कर्मचारीले भागबन्डा गर्दै आएका छन् ।
दैनिक कुपन र नगद गरेर १७ देखि २० लाख सम्मको कारोबार भए पनि नगद मासेर कुपनको मात्र कारोबार देखाउने गरेको बताइन्छ । पम्पमा हरेक दिनको १२ देखि १५ हजारसम्म रकम उठाएर कोष बनाउने र महिनाको ३ लाखभन्दा बढी रकम जम्मा भएपछि त्यो सबै कर्मचारी मिलेर बाँडीचँुडी गर्ने गरेको बताइन्छ । उक्त पम्पमा मात्र हाल दर्जन बढी कर्मचारी छन् । प्रहरी नियमावलीमा दुई वर्षभन्दा बढी एकै ठाउँमा रहन कुनै पनि व्यक्तिलाई अनुमति दिइएको छैन । पम्पका कर्मचारीहरूका हकमा यो नियम लागु भएको छैन । गत साउनदेखि कम्युटर बिलिङ सिस्टम लागु भएको भए पनि भ्याट बिल नदिने र साधारण बिलमार्फत कारोबार गर्ने गरेको पाइन्छ ।
नेपाल प्रहरीअन्तर्गत कल्याण कोषले सञ्चालन गरेको र हरेक सिपाहीको गाँस काटेर जम्मा गरिएको नक्सालस्थित प्रहरी पेट्रोल पम्पमा केही व्यक्तिको मस्ती चल्ने गरेकोमा संगठनमा केही नयाँपन दिन्छु भनेर आईजीपी बनेका शैलेश थापा क्षेत्रीले नजर लगाउनु आवश्यक छ । उनले बेवास्ता गर्ने हो भने प्रहरीको कल्याण कोष नै धराशयी बन्ने जानकारहरू बताउँछन् । आईजी थापाले दज्र्यानी चिह्न थाप्ने अवसरमा संगठनले आफ्ना लागि दिएको सवारीसाधनमा समेत परिवारका सदस्यहरूलाई चढ्न दिइनु दुरूपयोग ठहरिने भनेर आदर्शवादी भाषण गरेका थिए । उनले त्यस्तो मितव्ययिता अपनाउने हो भने पहिलो काम नै पेट्रोल पम्पको बेथिति सुधारबाट सुरु गर्नु आशा गरिएको छ ।
प्रहरी महानिरीक्षक संरक्षक रहने प्रहरी कल्याण कोषको अध्यक्ष प्रशासन विभागका एआईजी हुने गर्छन्, जसले प्रहरीका लागि विभिन्न किमिसका सेवा प्रदान गर्दै आएको छ । हाल पेट्रोल पम्प, हेल्थक्लब कोषअन्तर्गत सञ्चालन भइरहेको ती सबै निकायमा अनियमितता जारी रहेको बताइन्छ ।
त्यसैले प्रहरी कल्याण कोषका एसएसपी लालमणि आचार्य नक्सालस्थित प्रहरी पेट्रोल पम्प र सामाखुसीस्थित प्रहरी पेट्रोल पम्पमा कार्यरत कर्मचारीहरूमा छानबिन गर्नुपर्ने आवाज उठेको थाहा पाएका छन् । तर एसएसपी आचार्य थाहा नपाएजस्तो गरेर बस्ने हो भने त्यहाँको कमिसन उनको भागमा पनि पुगेको स्पष्ट हुन्छ । दुवै पम्पबाट ती कर्मचारीहरूले पर्याप्त कमाइ गरेको देखिन्छ । पेट्रोल पम्पमा बाहेक भृकुटीमण्डपस्थित पुलिस क्लब र अतिथि गृहहरूमा अनियमितता हुने गरेको छ । यस सम्बन्धमा पम्पमा कार्यरत भूतपूर्व प्रहरीलाई जिज्ञासा राख्दा उनीहरू भने सम्पर्कमा आउन चाहेनन् । नियमित रूपमा नजराना लिइरहेकाले अहिले एसएसपी आचार्यको नजर त्यतातिर भने नपरेको बताइन्छ । पम्प इन्चार्ज प्रमुख आकर्षक र कमाइ हुने पद मानिन्छ । अन्य अधिकारीलाई एक वर्षमै सरुवा गर्ने एएसपी आचार्यले भने विगत तिन वर्षदेखि राइदाइँ गर्ने इस्पेक्टर नेपाल लगायत सई तथा हवल्दारलार्ई किन संरक्षण गरिरहेका छन् भन्ने रहस्यमय रहेको छ । त्यसो त केही वर्षअघि पनि प्रहरीद्वारा सञ्चालित पेट्रोल पम्पमा व्यापक अनियमिता देखिएको भन्दै छानबिन गरिएको थियो । पम्पको घोटाला सम्बन्धमा छानबिन गर्न तत्कालिन प्रहरी वरिष्ठ उपरीक्षक सर्वेन्द्र खनालको अध्यक्षतामा पाँच सदस्यीय छानबिन समिति गठन गरिएको थियो । बजार अनुगमनका क्रममा प्रहरीद्वारा सञ्चालित पाँचवटामध्ये तीन नोजलबाट नियमितता भएको फेला पारेपछि सिल गरिएको थियो । प्रहरीद्वारा सञ्चालित पेट्रोल पम्मबाट उपभोक्ता ठगिएपछि चासोको विषय बन्दै आएको छ ।
प्रहरीकै पम्पमा जहिले पनि विवाद बढ्नुमा लामो समयदेखि कल्याणकोषलाई धमिरा पार्न र घुस खान खप्पीस त्यही पुराना कर्मचारीलाई हेरफेर गर्न नसक्नु नै मुख्य कमजोरी रहेको प्रहरी स्रोत बताउँछ । ती नभए पनि पम्प चल्छ भन्ने मानसिकता हाकिमहरूले त्याग्न नसकेसम्म समस्या यथावत् रहने हुनाले कल्याणकोषका हाकिम र आईजीपीले कुनै न कुनै कदम चाल्नुपर्ने आवश्यकता देखिएको छ ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...