14th August 2020, Friday

E-budhabar
Header Right Side NTC Advertisement

सुटुक्क एक करोड बुझ्दा बबाल

काठमाडौं । नेपाल निजामती कर्मचारी संगठन, आधिकारिक ट्रेड युनियनभित्र एक करोडको विवाद उत्पन्न भएको छ । खर्च गर्ने समय सकिनै लाग्दा सरकारबाट अनुदानबापत आउने १ करोड रुपैयाँ किन लिइयो ? भन्ने प्रश्न अहिले युनियनभित्रै उठेको छ ।
सरकारले हरेक वर्ष आधिकारिक टे«ड युनियनलाई अनुदानस्वरूप एक करोड रुपैयाँ दिँदै आएको छ । अनुदानबापत प्राप्त रकम युनियनले विभिन्न जिल्ला र विभागहरूमा कार्यक्रम गरेर सिध्याउने गर्छ । ७७ जिल्ला र ४८ वटा विभागहरूलाई एक–डेढ लाखका दरले सो रकम वितरण गर्ने गरिँदै आएको थियो ।
विगत वर्षहरूमा सरकारले समयमै सो रकम युनियनलाई निकासी गरेपछि कार्यक्रमहरू हुने गथ्र्यो । तर, आर्थिक वर्ष २०७६÷७७ को रकम भने कोरोनाको कारण समयमै निकासी हुन सकेन । समयमै निकासी नभए पनि र कार्यक्रमहरू गर्ने समय नभए पनि युनियनले भने सरकारबाट एक करोड अनुदान बुझेको छ ।
असारको आधाआधीतिर युनियनले एक करोड बुझे पनि कार्यक्रम गर्ने सम्भावना भने थिएन । कोरोनाको प्रकोपका साथै असारमा निजामती कर्मचारीहरू व्यस्त रहनुपर्ने भएको हुँदा कार्यक्रमहरू गर्ने प्रयोजनका लागि सरकारबाट प्राप्त अनुदान रकम त्यत्तिकै थन्किएको छ । सो रकम युनियनका कार्यवाहक अध्यक्ष भोला पोखरेलले सरकारबाट बुझेका हुन् । कार्यक्रम गर्ने समयावधि नरहेको हुँदा किन सरकारबाट रकम लिइयो ? भन्ने प्रश्न अहिले कर्मचारी वृत्तभित्र चर्चाको विषय बन्न पुगेको छ ।
यसैबीच, संघीय मामिला तथा सामान्य प्रशासन मन्त्रालयले एक दिन नबित्दै आफ्नो निर्णय सच्चाएको छ । मन्त्रालयले यही साउन ४ गते एउटा परिपत्र जारी गर्दै ‘प्रदेश र स्थानीय तहहरूमा समायोजन भएका कर्मचारीहरूको फारामको ढाँचा तथा विधि साविक बमोजिम निजहरूले भरेको कार्यसम्पादन मूल्यांकनको ढाँचा र फाराम नै हुने’ उल्लेख गरेको थियो । उक्त परिपत्रअनुसार २०७४ सालको समायोजन ऐनअनुसार समायोजित भएर प्रदेश र स्थानीय तहहरूमा गएका अधिकृत (छैटौं) तहका कर्मचारीहरूले सुब्बा तहकै फारम भर्नुपर्ने उल्लेख थियो । पाँच वर्ष सेवा अवधि पूरा गरेका सुब्बा तहका कर्मचारीलाई अधिकृत (छैटौं) मा बढुवा गरेर प्रदेश र स्थानीय तहहरूमा पठाइएको थियो । प्रदेश र स्थानीय तहमा छैठौं तहदेखि माथि अधिकृत हुनेछ भन्ने ऐनमै उल्लेख छ । त्यसरी प्रदेश र स्थानीय तहमा छैटौं तह बनाएर खटाइएका कर्मचारीहरूले सोही नाम, पद र तलब बुझ्दै आएका छन् ।
तर, अहिले कार्यसम्पादन मूल्यांकन भर्दा भने सुब्बा तहकै भर्ने भनी परिपत्र जारी भएपछि कर्मचारीहरूले त्यसमा आपत्ति जनाए । मन्त्रालयले साउन ४ गते त्यस्तो परिपत्र जारी गरेपछि कर्मचारी–नेताहरू मन्त्रालयमा गए र सहसचिव राजीव पोखरेललाई भेटे । सहसचिव पोखरेलले त्यस्तो परिपत्र जारी गर्ने कर्मचारीहरूलाई बोलाएर ‘के लेखेको यस्तो ?’ भनी सातो लिएपछि हतारहतार सो परिपत्र सच्याइएको थियो । साउन ५ गते भने मन्त्रालयले अर्को सूचना जारी गर्दै अघिल्लो दिनको परिपत्रलाई सच्याएको छ । अघिल्लो दिनको परिपत्र अन्यथा हुन गएको भन्दै कर्मचारी समायोजन ऐन, २०७५ को दफा १५ को उपदफा २ बमोजिम संघ, प्रदेश र स्थानीय तहका कर्मचारीको सेवा, सर्त र सुविधासम्बन्धी कानुन नबनेसम्मका लागि समायोजन हुने कर्मचारीको सेवा, सर्त र सुविधासम्बन्धी व्यवस्थाहरू समायोजन हुनुपूर्वको सेवा, सर्त र सुविधाबमोजिम हुनेछ भनेर उल्लेख गरिएको छ ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...