14th August 2020, Friday

E-budhabar
Header Right Side NTC Advertisement

खिम्तीमा माथिल्लो तहकै चलखेल

काठमाडौं । खिम्ती जलविद्युत् आयोजनाको ५० प्रतिशत स्वामित्व नेपाल विद्युत् प्राधिकरणमा आउने म्याद गुज्रिएको १९ दिन बितिसक्यो । तर, म्याद गुज्रिरहे पनि प्राधिकरणमा आधा स्वामित्व ल्याउनेतिर खासै तत्परता देखिइरहेको छैन । ऊर्जा, जलस्रोत तथा सिँचाइ मन्त्रालयको ढिलासुस्तीका कारण यो प्रक्रिया लम्बिँदै गएको छ ।
६० मेगावाट क्षमताको सो आयोजनाले उत्पादन सुरु गरेको २० वर्षपछि आधा स्वामित्व प्राधिकरणलाई निःशुल्क दिने र ५० वर्षपछि पूरै स्वामित्व हस्तान्तरण गर्ने सम्झौता भएको थियो । तर, २० वर्षे म्याद सकिए पनि आधा स्वामित्व हस्तान्तरण गर्नेतिर कुनै पहल नहुँदा समस्या उत्पन्न हुन पुगेको हो ।
म्याद गुज्रिएपछि अन्तरिम विद्युत् खरिदबिक्री सम्झौता (पीपीए) गर्न मन्त्रालय र हिमाल पावर कम्पनीबीच भएका वार्ता पनि सफल भइरहेका छैनन् । प्राधिकरणले अन्तरिम र पछि अन्तिम पीपीए गर्दा प्रतियुनिट डेढ रुपैयाँ दिने प्रस्ताव मन्त्रालयमा पठाइसकेको छ । सोही आधारमा मन्त्रालयका प्रतिनिधि र सो कम्पनीका प्रतिनिधिबीच वार्ता हुँदै आएको हो । तर, सो कम्पनीले भने डेढ रुपैयाँभन्दा बढी नै पाउनुपर्ने भन्दै लबिइङ गर्दै आइरहेको छ ।
एक सूत्रका अनुसार मन्त्रालयको उच्च तहको नेतृत्व पनि सो कम्पनीलाई अन्तरिम र अन्तिम दुवै पीपीए गर्दा प्रतियुनिट तीन रुपैयाँ नै दिनुपर्ने लबिइङमा लागिरहेको हुँदा यो प्रकरण झनै बल्झिँदै गइरहेको हो । सो कम्पनीले प्राधिकरणले नयाँ विद्युत् आयोजनासँग पीपीए गर्दा जति दररेट तोकेको छ, आफूले पनि त्यति नै पाउनुपर्ने माग गर्दै आएको छ । तर, प्राधिकरण भने सो कम्पनीले २० वर्षको अवधिमा करिब ६८ अर्ब कमाइसकेको र अब पनि उसले भनेबमोजिम नै रकम दिन नसकिने अडानमा रहेको छ ।
यसअघि भने प्राधिकरणले सो कम्पनीसँग महँगो दरमा विद्युत् खरिद गर्दै आएको थियो । प्राधिकरणले हिउँदमा प्रतियुनिट २२ रुपैयाँ र वर्षामा प्रतियुनिट १४ रुपैयाँका दरले विद्युत् खरिद गर्दै आएको थियो । यसरी प्राधिकरणले सो कम्पनीसँग विद्युत् खरिद गर्दा प्रतिवर्ष २ अर्ब घाटा बेहोर्दै आइरहेको छ । यद्यपि, सम्झौताअनुरूप २० वर्ष पुगेपछि आधा स्वामित्व नआएपछि अहिले प्राधिकरणले सो कम्पनीलाई दिनुपर्ने भुक्तानी भने रोकेको छ ।
ऊर्जा मन्त्रालयले अन्तरिम रेटका लागि मन्त्रिपरिषद्मा प्रस्ताव लैजाने तयारी गरिरहेको बुझिएको छ । त्यसो हुँदा प्रतियुनिट डेढ रुपैयाँ दिए पुग्छ । सो कम्पनीले पनि अन्तरिम रेटमा प्राधिकरणले तोकेअनुरूप नै सहमति जनाउने सम्भावना रहेको बताइन्छ । तर, अन्तिम रेटमा भने नयाँ आयोजनासँगको सम्झौताअनुरूप नै हुनुपर्ने कुरामा सो कम्पनीले तीव्र लबिइङ गर्नुका साथै मन्त्रालयको उच्च नेतृत्वलाई समेत हातमा लिन सफल रहेको आशंका गरिएको छ ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...