4th July 2020, Saturday

E-budhabar
Header Right Side NTC Advertisement

रातारात यिनको नाम काटकुट

काठमाडौं । केन्द्रमा पार्टी एकता भएको ११ महिनापछि नेपाल कम्युनिस्ट पार्टीको स्थापनाको दिन पारेर यही वैशाख ९ गते नेपाल कम्युनिस्ट पार्टी (नेकपा) ले जिल्ला कमिटीको एकता टुंग्यायो । पूर्वएमालेलाई ४४ र पूर्व माओवादी केन्द्रलाई ३३ जिल्लाको अध्यक्ष रहेन र एउटाको अध्यक्ष भएको जिल्लामा अर्कोको सचिव रहनेगरी एकता टुंगो लगाएको हो । लामो छलफल र कसरतपछि जिल्ला एकता टुंगो लागे पनि तत्कालीन माओवादी केन्द्रका जिल्ला तहका धेरै नेता यो एकताबाट जिल्लिएका छन् ।
पार्टी एकताको घोषणा हुनु अघिल्लो रात अर्थात् वैशाख ८ गते बेलुकीसम्म जिल्ला अध्यक्ष भएर बधाई खाएका १० जिल्ला अध्यक्ष र १८ जिल्ला सचिव भोलिपल्ट ब्युझँदा खोसिइसकेका थिए । अघिल्लो साँझ अध्यक्ष पुष्पकमल दाहालले तत्कालीन माओवादी केन्द्रबाट जिल्ला नेतृत्वमा रहनेहरूको नाम अर्का अध्यक्ष केपी शर्मा ओलीलाई बालुवाटारमा बुझाएका थिए । नाम बुझाइसकेपछि कतिपयलाई त उनी आफैंले फोनमा बधाई पनि दिएका थिए । तर अचम्म, यसरी बुझाएका नाममा तत्कालीन माओवादी केन्द्रको भागमा परेका ३३ मध्ये १० जिल्ला अध्यक्षको नाम भोलिपल्ट फेरिएको थियो भने ४४ मध्ये १८ सचिव फेरिएका थिए । रातभरिको चलखेलका कारण १० र १८ गरी २८ जना एक रातका लागि जिल्ला अध्यक्ष र सचिव भएका थिए ।
एक रात अध्यक्ष हुनेहरूमा माओवादी केन्द्र्रको भागमा परेका सुनसरी, सिरहा, धनुषा, सिन्धुली, रामेछाप, काभ्रे, नुवाकोट, स्याङ्जा, बाँके र जुम्लाका नेताहरू छन् । सुनसरीमा शिव डाँगी वा मुक्साङ मेयाङ्बोको नाम अघिल्लो दिन बुझाएकोमा त्यहाँ योगेन्द्र मण्डललाई अध्यक्ष बनाइएको छ । त्यस्तै, अघिल्लो दिनसम्म सिरहामा देवशरण यादव वा जीवछ यादवमध्ये एक जनाको नाम रहेकोमा त्यहाँ रामकुमार यादव, धनुषामा दीपक यादव वा झल्कु यादवमध्ये एकजनाको नाम बुझाइएकोमा राजकिशोर यादव, सिन्धुलीमा रामकुमार पौडेलको नाम भएकोमा भोलिपल्ट लेखनाथ दाहाल, रामेछापमा अघिल्लो रात डिल्लीमान तामाङको नाम रहेकोमा भोलिपल्ट मदनकुमार तामाङको नाम अध्यक्षमा घोषणा भएको थियो ।
त्यस्तै, अध्यक्ष दाहालले अघिल्लो साँझ अर्का अध्यक्ष ओलीलाई बुझाएको सूचीमा काभ्रेमा सूर्यमान दोङको नाम भएकोमा भोलिपल्ट रुकु चौलागार्इंको नाम घोषणा भयो । नुवाकोटमा पुष्प लामिछानेको नाम रातारात काटेर हीरानाथ खतिवडालाई अध्यक्ष बनाइएको थियो । स्याङ्जामा अघिल्लो दिनको सूचीमा शैलेन्द्र घिमिरेको नाम थियो । उनलाई अध्यक्ष दाहाल आफंैले फोन गरेर बधाई पनि दिए । तर भोलिपल्ट सूर्यप्रसाद गैरको नाम घोषणा भयो । त्यस्तै बाँकेका अघिल्लो दिन प्रकाश पुरीको नाम बुझाएकोमा भोलिपल्ट आईपी खरेल र जुम्लामा अघिल्लो दिन गोमा कुँवरको नाम बुझाएकोमा भोलिपल्ट सुरेश पहाडीको नाम घोषणा भयो । कुँवर र पहाडी भने पति–पत्नी हुन् ।
सचिवमा पनि यस्तै लफडा भएको थियो । १९ जिल्ला सचिव रातारात हेरफेर गरिएको थियो । इलाममा अघिल्लो दिन कान्छा लावतीको नाम रहेकोमा भोलिपल्ट सोममाया राईको नाम घोषणा भएको थियो भने मोरङमा गणेश उप्रेतीको नाम काटेर गोपी आछामी, संखुवासभामा देवान राई वा कृष्ण गिरीमध्ये एक भनिएकोमा उनीहरूको नाम काटेर कृष्ण याक्खा, भोजपुरमा राजेश खतिवडाको सट्टा विमल खड्का, सप्तरीमा उमेश यादवको नाम हटाएर गोविन्द न्यौपाने, सर्लाहीमा राजकुमार यादव वा रामप्रीत यादवमध्ये एक भनिएकोमा डाचाराम वाग्लेको नाम सचिवमा घोषणा गरिएको थियो । त्यस्तै, रौतहटमा त्रिभुवन साहको नाम काटेर युवराज भट्टराई, पर्सामा रहवर अन्सारीको नाम काटेर विजय महतो, मकवानपुरमा विष्णु विष्टको नाम फालेर प्रेम पुलामी, धादिङ धनबहादुर बुर्लाकोटीको नाम हटाएर प्रदेश ३ सरकारको मन्त्रीसमेत रहेका सालिकराम जमरकट्टेललाई सचिव घोषणा गरिएको थियो । त्यस्तै अघिल्लो दिन बुझाएको नाममा काठमाडांैमा महेश्वर फुयाँल रहेकोमा भोलिपल्ट हिमाल शर्माको नाम घोषणा भएको थियो । ललितपुरमा राजकाजी महर्जनको नाम हटाएर शिव कँडेल, भक्तपुरमा देवेन्द्र श्रेष्ठको नाम कटाएर डीपी ढकालको, तनहुँमा मदन आलेको ठाउँमा राजेन्द्रकेशरी न्यौपाने, नवलपरासीमा धनप्रसाद सापकोटाको ठाउँमा मित्रशरण शर्मा, मुस्ताङमा गणेश थकालीको ठाउँमा सत्यनारायण शेरचन, प्युठानमा कृष्ण अधिकारीको नाम कटाएर नारायण अधिकारी र सल्यानमा नेत्रबहादुर कुँवरको नाम कटाएर कर्णबहादुर बुढाको नाम भोलिपल्ट घोषणा गरिएको हो ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...