२९ भाद्र २०७८, मंगलवार ११:४३ बुधवार साप्ताहिक, नयाँबानेश्वर, काठमाण्डौं

लद्दाखको खुर्पानी दुवई निर्यात

लद्दाख, भारत । २ वर्षअघि अर्थात अगष्ट ५, २०१९ मा आर्टिकल ३७० अन्र्तगत जम्मू र काश्मिरबाट अलग गराइएपछि भारत केन्द्र शासित क्षेत्र लदाख बिस्तारै समृिद्धतर्फ लम्केको छ । कृषि उत्पादनलाई लद्दाखले तीव्र बनाएको छ ।

पहिलो पटक व्यावसायिकरुपमा खुर्पानी (खुवानी/एप्रिकोट) दुवईका लागि निर्यात गरेको छ । लद्दाखको राजधानी लेहबाट दुवई निर्यातका लागि खुर्पानी मुम्बई ढुवानी भएको जनाइएको छ ।

भारतको कृषि तथा खाद्य उत्पादन निर्यात विकास प्राधिकरणले दुवईका आयातकर्ताहरुसँगको सहकार्यमा लद्दाखको खुर्पानीको निर्यात मूल्य श्रृंखला कायम गर्न लागिरहेको बताईएको छ । यसको ढुवानी प्राधिकरणमा सूचिकृत मुम्बइका निर्यातकर्ताहरुले गरिरहेको यहाँको उद्योग तथा वाणिज्य मन्त्रालयले जारी गरेको बिज्ञप्तीमा उल्लेख छ ।

खुर्पानीको दुवई ढुवानीका क्रममा केहि ताजा नमूनाकारुपमा अगष्ट महिनामै लेहबाटै हवाईमार्ग बाट दुवई पठाइएको थियो । लद्दाखमा धेरै प्रकारका खुर्पानी उत्पादन गरिएको छ । ती मध्ये पनि चार–पाँच थरिको निर्यात सम्भावना हेरेर व्यावसायिक खेती गरिएको मन्त्रालयको विज्ञप्तीमा उल्लेख छ ।