22nd July 2019, Monday

गृहसचिवले भतिजी च्याप्दा….



गृहसचिवले भतिजी च्याप्दा….

काठमाडौैं । गृह मन्त्रालयका सचिव प्रेमकुमार राईको हस्तक्षेपका कारण प्रहरी नायब निरीक्षक (सई) को बढुवा नै रोकिन पुगेको छ । गृहसचिव राईले सई दर्जाकी आफ्नी भतिजी सपना राईलाई बढुवा गर्न दबाब दिँदै आएका छन् । तिनै भतिजी सपना बढुवामा नपर्ने भएपछि सईबाट इन्सपेक्टरको बढुवा रोकिएको छ । गृहसचिव राईको दबाबका कारण एक महिनाअघि हुनुपर्ने सईहरूको बढुवा हुन सकेको छैन । आइजीपी सर्वेन्द्र खनालले गृहसचिव राईकी भतिजीलाई बढुवा गर्दा संगठनभित्र असन्तुष्टि बढ्ने भएका कारण पनि फाइल अगाडि बढाउन सकेका छैनन् ।
फाइल बढुवाबाट हुने इन्सपेक्टरका ५४ वटा दरबन्दी रिक्त छन् । त्यसमा ज्येष्ठताका आधारमा बढुवा गर्ने प्रचलन छ । तर सबै विधि मिचेर आफ्नी भतिजी बढुवा गर्न दबाब दिएका कारण आइजीपी खनाल चेपुवामा परेका छन् । र, उनले बढुवाको प्रक्रिया नै अगाडि बढाउन सकिरहेका छैनन् ।
त्यसैगरी गृहसचिव राईले एसपीबाट एसएसपी बढुवामा पनि टेकप्रसाद राईलाई २ नम्बरमा ल्याउन दबाब दिएका थिए । उनीभन्दा धेरै काबिल र सिनियर एसपी हुँदाहुँदै पनि उनलाई २ नम्बरमा ल्याउने भूमिका उनै राईको थियो ।
त्यसैगरी प्रहरी प्रधान कार्यालय कर्मचारी प्रशासन शाखाको प्रमुखमा चन्द्रकुवेर खापुङलाई ल्याए । त्यतिले नपुगी उनलाई अबको सरुवामा चितवन वा पर्साको एसपी बनाउने उनको दाउ छ । प्रहरी निरीक्षक राजकुमार राईलाई बूढानीलकण्ठ प्रभाग र रामकुमार राईलाई बेलबारी इलाका प्रहरी कार्यालयमा सरुवा गराउन पनि उनैले भूमिका खेलेका थिए ।

Leave a Reply

Your email address will not be published. Required fields are marked *

... र यो पनि ...

चक्रपथ

टेलिकमका ग्रहकलाई भारी छुट

ShareTweet काठमाडौं । सम्भव भएसम्म सस्तो मूल्यमा अत्याधुनिक दूरसञ्चार सेवाहरु ग्राहकलाई उपलब्ध गराउँदै आएको नेपाल टेलिकमले असार २७ गते शुक्रबार देखि लागू हुनेगरी- ...
पूरा पढ्नुहोस्

स्रष्टा र सिर्जना

कलाको कदर

ShareTweet हरेक सर्जकले एउटा अपेक्षा सँगालेका हुन्छन्– आफ्नो सिर्जनाले उचित मूल्य पाओस् । त्यस्तो मूल्य भौतिक पनि हुन्छ र आत्मिक पनि । अझ, कला–शिल्पीहरूले त त्यस्तो- ...
पूरा पढ्नुहोस्

नयाँ पुस्तक

काठमाडौंका चुलीहरूको गाइड

ShareTweet काठमाडौं उपत्यकालाई समृद्ध तुल्याउने अजस्र स्रोतहरू हुन्– वरिपरिका डाँडाहरू । उपत्यकावरिपरिका हरियाली वनजंगलले स्वच्छ हावा दिएको छ, पानी दिएको छ र सुन्दरता- ...
पूरा पढ्नुहोस्

छोटकरीमा