22nd July 2019, Monday

सशस्त्र प्रहरीमा पोसाकको रकम फ्रिज



काठमाडौं । सशस्त्र प्रहरीले ३७ हजार कर्मचारीका लागि पोसाक किन्न विनियोजन भएको बजेट नै फ्रिज भएपछि सशस्त्र प्रहरी बल (एपीएफ) का प्रहरी पोसाकविहीन भएका छन् । सशस्त्र प्रहरी नियमावली, २०७२ को अनुसूची १५ मा सशस्त्र प्रहरी अधिकृत र जवानका लागि उपलब्ध गराउने पोसाकका छुट्ट्याएको रकम फ्रिज भएको हो । कार्यालयले वार्षिक, द्विवार्षिक तथा केही वर्षको फरकमा उपलब्ध गराउनुपर्ने पोसाक तोकिएको अवधिभित्र उपलब्ध नगराएको महालेखाले प्रतिवेदनले उल्लेख गरेको छ ।
यो वर्ष पोसाक खरिदको लागि स्वीकृत भएको ५ करोड ८६ लाख १५ हजार खरिद कार्य नहुँदा फ्रिज भएको छ । कुल ३७ हजार १ सय १७ सशस्त्र प्रहरी कार्यरत रहेकोमा पोसाक मौज्दात दरबन्दीको तुलनामा न्यून रहेको महालेखाले जनाएको छ । सशस्त्र प्रहरीले आफ्ना कर्मचारीलाई समयमै पोसाक नदिँदा पुराना र थोत्रा कपडा लगाउन बाध्य भएका छन् ।
यता नेपाल प्रहरीमा भने दरबन्दीअनुसार अझै कर्मचारी अपुग छन् । प्रहरीको गत वर्ष कुल दरबन्दी ७२ हजार ४ सय ७३ रहेकोमा मन्त्रिपरिषद्बाट २०७५ जेठ २७ मा ३ हजार ३ सय ३७ दरबन्दी थप भएको थियो । जनशक्ति कम भएको भन्दै दरबन्दी थप गरिए पनि अझै दरबन्दीअनुसार कर्मचारी नभएको महालेखाले औंल्याएको छ । अहिले प्रहरीको दरबन्दी ७५ हजार ८ सय १० हो । तर, अहिले अधिकृत तहमा १ सय ४२ जना र त्यसभन्दा मुनि ४ हजार ७ सय १८ जना गरी ४ हजार ८ सय ६० पद रिक्त रहेको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

टेलिकमका ग्रहकलाई भारी छुट

ShareTweet काठमाडौं । सम्भव भएसम्म सस्तो मूल्यमा अत्याधुनिक दूरसञ्चार सेवाहरु ग्राहकलाई उपलब्ध गराउँदै आएको नेपाल टेलिकमले असार २७ गते शुक्रबार देखि लागू हुनेगरी- ...
पूरा पढ्नुहोस्

स्रष्टा र सिर्जना

कलाको कदर

ShareTweet हरेक सर्जकले एउटा अपेक्षा सँगालेका हुन्छन्– आफ्नो सिर्जनाले उचित मूल्य पाओस् । त्यस्तो मूल्य भौतिक पनि हुन्छ र आत्मिक पनि । अझ, कला–शिल्पीहरूले त त्यस्तो- ...
पूरा पढ्नुहोस्

नयाँ पुस्तक

काठमाडौंका चुलीहरूको गाइड

ShareTweet काठमाडौं उपत्यकालाई समृद्ध तुल्याउने अजस्र स्रोतहरू हुन्– वरिपरिका डाँडाहरू । उपत्यकावरिपरिका हरियाली वनजंगलले स्वच्छ हावा दिएको छ, पानी दिएको छ र सुन्दरता- ...
पूरा पढ्नुहोस्

छोटकरीमा