22nd November 2017, Wednesday

E-budhabar

३० मेनपावर कम्पनीलाई जरिवाना



काठमाडौं । वैदेशिक रोजगार विभागले फ्री भिसा फ्री टिकटको विवरण नबुझाएको अभियोगमा ३० वटा म्यानपावर कम्पनीलाई ५० हजारदेखि १ लाख रुपैयाँ जरिवानाको कारबाही गरेको छ । विभागका महानिर्देशक विश्वराज पाण्डेको निर्देशनअनुसार ती म्यानपावर कम्पनीलाई जरिवानाको कारबाही गर्ने निर्णय गरिएको हो ।
विभागका निर्देशक एवं प्रवक्ता मोहन अधिकारीका अनुसार एक लाख रुपैयाँ जरिवानामा पर्ने म्यानपावर कम्पनी १६ वटा र ५० हजारहजार रुपैयाँ जरिवानामा पर्ने म्यानपावर कम्पनी १४ वटा रहेका छन् ।
१ लाख रुपैयाँ जरिवाना गरिएका १६ वटा कम्पनीको सूचीको अग्रपंक्तिमा सिद्धार्थ गौतम ओभरसिज प्रालि रहेको छ । उक्त कम्पनीले गत वर्ष १ हजार ६६ जना कामदार विदेश पठाएको थियो । १ लाख जरिवाना तिर्नुपर्ने सूचीको दोस्रो नम्बरमा युनाइटेड प्लेसमेन्ट इम्प्लाइमेन्ट सर्भिस प्रालि रहेको छ । उक्त म्यानपावर कम्पनीले गत वर्ष ८ सय ९३ जना कामदार वैदेशिक रोजगारीमा पठाएको थियो ।
त्यसैगरी १ लाख जरिवाना तिर्नुपर्ने सो समूहमा पर्ने अन्य म्यानपावर कम्पनीहरूमा क्यापिटल रिकुटमेन्ट सर्भिस प्रालि ८ सय ८ जना, मुनलाइट इन्टरनेसनल प्रालि ४ सय ४४ जना, सन रे ग्लोबल ओभरसिज प्रालि ३ सय ५२ जना, स्के इन्टरप्राइजेज प्रालि (तत्कालीन क्वेस्ट एसिया प्रालि ३ सय ५ जना रहेका छन् । १ लाख जरिवानामा परेका अन्य कम्पनीमा इनोभेटिभ सर्भिसेज प्रालि २ सय ५५ जना, फरदोस इन्टरनेसनल सर्भिस कम्पनी प्रालि २ सय ३४ जना, एसआरएस ओभरसिज सर्भिसेज प्रालि १ सय ८४ जना, रेडरोज इन्टरनेसनल म्यानपावर प्रालि १ सय ५६ जना, हामिदा इन्टरनेसनल प्रालि १ सय १८ जना, सार्प ह्युमन रिसोर्सेज प्रालि १ सय १६ जना, नेपाल रिक्रुटिङ सर्भिसेज प्रालि १ सय १३ जना, कौशिक जनशक्ति इन्टरनेसनल प्रालि ७४ जना, मुस्ताङ ओभरसिज प्रालि ४७ जना, सिनमल गोर्खा इन्टरनेसनल मेनेजमेन्ट सर्भिस प्रालि ४२ जना रहेका छन् ।
५० हजार जरिवानामा पर्ने म्यानपावरहरूमा राइजिङ स्टार ओभरसिज प्रालि ९० जना, बेबी एन्जल इन्टरनेसनल प्रालि २ सय ४७ जना, पिस नेपाल ओभरसिज प्रालि नौजना, जब सिकर म्यानपावर प्रालि १ हजार २ सय ६३ जना, सारथि ओभरसिज रिक्रुटमेन्ट प्रालि ४ सय ५० जना, एसोसिएट्स वेलकम इन्टरनेसनल प्रालि १ सय ४२ जना, रिजा ओभरसिज इम्प्लाइमेन्ट प्रालि १६ जना, एपोलो मेनपावर सर्भिसेज प्रालि १ सय २२ जना, एबीसी ओभरसिज प्रालि ५ सय २७ जना, स्तुपा ओभरसिज सर्भिस प्रालि १ सय ६४ जना, मेरिडियन मेनपावर सर्भिस प्रालि ३ सय २२ जना, श्रीओम महाशक्ति इम्प्लोइमेन्ट प्रालि २ सय २५ जना, ध्वनि इन्टरनेसनल प्रालि (तत्कालीन मनकामना पावर्स नेटवर्क सर्भिस प्रालि) १ सय ९३ जना र एनएसओ कन्सल्ट प्रालि २ सय ९५ जना रहेका छन् ।
विभागले वैदेशिक रोजगार ऐनको दफा ३४ बमोजिम फ्री भिसा फ्री टिकट कार्यान्वयन भएनभएको अनुगमन गर्न भन्दै गत फागुन ३० गते निर्णय गरेर चैत १ गते पहिले सबै म्यानपावर कम्पनीलाई फ्री भिसा फ्री टिकटअनुसार वैदेशिक रोजगारीमा गएका कामदारको विवरण बुझाउन निर्देशन गरेको थियो ।
त्यसमा असहमति जनाउँँदै आएको नेपाल वैदशिक रोजगार व्यवसायी संघको लिखित आग्रहमा पटकपटक विवरण बुझाउने म्याद थप गरेको थियो । पछिल्लोपटक दिइएको तीनदिने समय नघाई बुझाउने म्यानपावरलाई ५० हजार र विवरण नै नबुझाउने म्यानपावरलाई १ लाख रुपैयाँ जरिवाना तोकिएको प्रवक्ता अधिकारीले जानकारी दिए । वैदेशिक रोजगार ऐन २०६४ को दफा ५४ मा विभागको आदेश वा निर्देशन पालना नगरे म्यानपावर कम्पनीलाई सजाय हुने व्यवस्था छ ।
जसअनुसार ऐनमा ऐन र ऐनअन्तर्गत बनेको नियम, आदेश वा निर्देशन पालना नगर्ने इजाजतपत्रवालालाई विभागले पहिलोपटक सचेत गराउने, दोस्रोपटक ५० हजार रुपैयाँ जरिवाना र तेस्रोपटक पनि सोही कसुर दोहो¥याएमा १ लाख रुपैयाँ जरिवाना गरी इजाजतपत्र रद्द गर्न सक्ने व्यवस्था छ ।
इजाजतपत्र रद्द गर्ने विभागको निर्णयउपर चित्त नबुझ्ने पक्षले निर्णय भएको मितिले ३५ दिनभित्र नेपाल सरकारसमक्ष पुनरावेदन गर्न सक्ने व्यवस्था छ । यसमा नेपाल सरकारले गरेको निर्णय अन्तिम हुने र अदालतमा पुनरावेदन नलाग्ने प्रावधान छ ।

Leave a Reply

... र यो पनि ...

चक्रपथ

समग्र प्रदेशको बिकाशमा केन्द्रीत हुनेछ

  तपाई प्रदेश क्षेत्र नं ४ प्रदेश बाट उम्मेदवार उठ्नुकोे कारण के हो ? म २०४१ साल देखि अनेरास्ववियु मा संगठित रहदै राजनीतिमा लागेर हाल सम्म कुनै पेसा व्यवसाय नगरी निरन्तर जनता- ...
पूरा पढ्नुहोस्

स्रष्टा र सिर्जना

किन पत्याइँदैनन् कलाकारहरुलाई ?

वर्षारम्भसँगै देश निर्वाचनको माहोलमा होमियो । वैशाख, असार र असोजमा देशका विभिन्न भूखण्ड स्थानीय तहको निर्वाचनले रङ्मगियो । अब मंसिर महिना पनि निर्वाचनमय बन्दै छ । लामो र बलिदानीपूर्ण- ...
पूरा पढ्नुहोस्

नयाँ पुस्तक

डोलिन्द्रले मच्चाउन थाले उत्पात

 काठमाडौं । कुन नेतालाई रिझाउन सके आफ्नो कुर्सी सुरक्षित हुन्छ भन्ने कला जानेका साझा प्रकाशनका अध्यक्ष तथा महाप्रबन्धक डोलिन्द्रप्रसाद शर्माले पछिल्लो समय नेपाली कांग्रेसका- ...
पूरा पढ्नुहोस्

छोटकरीमा