२२ बैशाख २०७१, सोमबार ११:२५ बुधवार साप्ताहिक, नयाँबानेश्वर, काठमाण्डौं

एमाले महािधवेशन असार १९ मा

काठमाडौं । एमालेले नवौं महाधिवेशनको मिति चौथो पटक सारेर असार १९ देखि २५ गते तय गरेको छ । अध्यक्ष झलनाथ खनालको प्रस्ताव बमोजिम केन्द्रीय कमिटीको जारी बैठकले उक्त निर्णय गरेको हो । यसअघि जेठ २४ का लागि महाधिवेशन तय भएको थियो ।
बैठकले सल्लाहकार र जेष्ठ कम्युनिस्ट मञ्चका सदस्यहरुलाई पनि स्वत: प्रतिनिधि बनाउने निधो गरेको छ । उक्त प्रस्तावमा बोल्दै केन्द्रीय सदस्य भानुभक्त ढकालले जनसंगठनका केन्द्रीय अध्यक्ष र पार्टीका जिल्ला अध्यक्षलाई पनि स्वत: प्रतिनिधि बनाउन माग गरेका थिए ।
अध्यक्ष खनालले जेठ ३० गते एकै दिन देशभर प्रतिनिधि छनोट गर्ने प्रस्ताव पनि राखेका थिए । उक्त प्रस्ताव पारित गर्दै बैठकले सदस्यता नवीकरण सम्बन्धी भने पुरानै निर्णयलाई अन्तिम मान्दै म्याद थपेन ।
दस्तावेज मस्यौदालाई अन्तिम रुप दिनका लागि जेठ ११ देखि १३ गतेसम्म केन्द्रीय कमिटीको बैठक बस्ने पनि तय भएको छ ।