२५ असार २०७१, बुधबार ०८:२८ बुधवार साप्ताहिक, नयाँबानेश्वर, काठमाण्डौं

बिचारदेखि व्यवस्थापन सम्मै माधव समूह हावी

असार २५, काठमाडौं । नेकपा (एमोले)को जारी नवौं महाधिवेशनमा बिचार देखि व्यवस्थापनका पक्ष सम्म नै अध्यक्षका प्रत्यासी माधवकुमार नेपाल विचार समूह हावी भएको छ । राजनीतिक प्रतिवेदन, सांगठानिक चरित्र, निर्वाचनको विधी, मतपत्रको प्रकार आदी सबै कुरामा सो विचार समूहले जे मान्यता अगाडी सारेको थियो, तीनै मान्यता पास हुदै आएका छन् । सो विचार समूहप्रति महाधिवेशन हलमा देखिएको यस्तो झुकावले पनि नेपाल विचार समूहको जीतलाई सुनिश्चत गरेको बताईन्छ ।
१) राजनीतिक प्रतिवेदन
हिजो महाधिवेशनको बन्दसत्रले ‘राजनीतिक क्रान्ति पुरा भएकाले अव समृद्घि आर्जनका निम्ति आर्थिक क्रान्ति गर्नु पर्ने गर्नु पर्ने’ निष्कर्ष सहितको राजनीतिक प्रतिवेदन पारित गरेको छ । यो नेपाल विचार समूहले अगाडी सारेको धारणा हो । जवकी केपी ओली समूहले अझै राजनीतिक क्रान्ति पुरा नभएको बताउदै आएका थियो । केन्द्रिय कमिटीमा ओली समूहको केही नलागेर पास भएको यो प्रतिवेदनमा ओली उपचार गराएर भारतवाट फर्केर आएपछि पनि आपत्ति जनाएका थिए ।
२) सांगठानिक ढाँचा
नवौ महाधिवेहनमा धेरै विवादमा रहेको अर्को विषय हो, पदाधिकारीको संख्या । यसमा पनि पछिल्लो चरणमा आएर माधव नेपाल विचार समूहकै जीत भएको छ । पहिले केपी ओली समूहकै जोडबलमा पाँच उपाध्यक्ष, एक महासवि, दुई उप महासचिव र पाँच सचिवको पदाधिकारी रहने सांगाठानिक ढाँचा महाधिवेशनको बन्द सत्रमा पेश भएको थिो । तर, जिल्लाभरवाट आएका प्रतिनिधि  हेर्दा नेपाल समूहको पल्ला भारी देखेपछि ओली समूहले प्यानलनै हार्ने डरले आफैले गरेको प्रस्तावको विरोध गरेको थियो । बन्द सत्रमा समुहगत टोली नेताको प्रस्तुतीका क्रममा ओली निकट टोली नेता जति सबैले उपाध्यक्ष र सचिव तीन–तीन जना राख्नु पर्ने धारणा राखेका थिए । तर, नेपाल समूहले यसको विरोध गदै सबै पदमा एक–एक जनाको प्रस्ताव गरेपछि ओली समूह पछाडी हटेको छ । नेता ओली स्वंयले ‘डोकोको प्वाल भन्दा वढी पदाधिकारी किन चाहियो ?’ भन्दै आलोचना गरेका थिए । तर, आज बसेको स्टेरिङ कमिटीको बैठकले प्रस्तावित पाँच–पाँच नै रहने सहमति गरेको छ ।
३) प्रतिनिधी कार्ड
निर्वाचनमा प्रयोग हुने मतदान परिचय पत्रमा पनि नेपाल समूलले जे कुरा उठाएको थियो, त्यहि नै भएको छ । अहिले वितरित प्रतिनिधि कार्डको विश्वसनियता माथि नै प्रश्न उठेपछि नेपाल समूहले प्रतिनिधीको पुन प्रमाणिकरण गरेर नयानँ परिचय पत्र वनाउनु पर्ने आवाज उठाएका थियो । त्यसका लागि चार सदस्यीय कमिटी गठन गरेर २१७७ प्रतिनिधि प्रमाणिकरण भईसकेकका छने भने मतदानका लागि बेग्लै परिचयपत्र  को व्यवस्था गरिने भएको छ ।
४) भोटिङ मेसिन
भोटिङ मेसिनको विषयमा पनि नेपाल समूहले भनेकै कुरा पास भएको छ । अध्यक्ष मण्डल र निर्वाचन आयोगबीच भएको छलफलपछि कागजी विधिबाट निर्वाचन गर्ने सहमति बनेको हो ।
भोटिङ मेसिनको प्रमाणीकरणका बारेमा एउटा समूहबाट प्रश्न उठिरहेका बेला सरकारी प्राविधिकहरूले समेत यसको वैधानिकतामा शंका गरेपछि यसको प्रयोग नगर्ने निष्कर्षमा पुगिएको हो । यसअघि भोटिङ मेसिनबारे निर्णय विचाराधीन भएको बेला निर्णय भइसकेको र मेसिन नै प्रयोग हुने भन्दै केपी ओली समूहले अडान राखेको थियो । उक्त समूहका नेता प्रदीप ज्ञवालीले पत्रकार सम्मेलन गरेरै यसबारेमा पहिल्यै निर्णय भइसकेकाले मेसिनकै प्रयोगमार्फत निर्वाचन हुने बताएका थिए । ओली समूहको त्यही जिद्दीका कारण थप सशंकित बनेको नेपाल समूहले मेसिन प्रयोग गर्न नहुने अडान लिएको थियो । नुवाकोटका राम–लक्ष्मण रिमालले तयार पारेको उक्त भोटिङ मेसिन सराहनीय काम भए पनि त्यसको बैधानिकता प्रमाणित नभएको र ओली समूहका हर्ताकर्ता मानिने नेता विष्णु रिमालको मेसिन प्रयोगमा विशेष जोड रहेका कारण पनि नेपाल समूहले स्वीकार गर्न असहज मानेको थियो ।
अन्य व्यवस्थापकिय पक्षमा पनि नेपाल विचार समूहका नेताले जिम्मा लिएका काममा कतै वाट प्रश्न उठेको छैन भने ओली समूहका नेताले जिम्मा लिएका कामको प्रतिनिधिहरुले खुलेर आलोचना गर्ने गरेका छन् । उदाहरणका लागि योगेश भट्टराईले जिम्मा लिएको स्वास्थ्य पउसमितिको प्रतिनिधीले प्रशंसा गर्ने गरेको पाईन्छ । तर  विष्णु रिमालको हाईटेकले हावा खायो भने ओली समूहकै नेता मुकुन्द न्यौपानेले जिम्मा लिएको खाना राम्रो नभएको भन्दै धेरै जसो प्रतिनिधि खाना खान बाहिर जाने गरेका छन् ।