२७ चैत्र २०७७, शुक्रबार ०८:०५ बुधवार साप्ताहिक, नयाँबानेश्वर, काठमाण्डौं

ओलीलाई साथ दिनेहरु दास हुन् – वरिष्ठ नेता नेपाल

मोरङ । एमालेका वरिष्ठ नेता माधव कुमार नेपालले विधान विपरीत काम गर्ने नेकपा एमालेका अध्यक्ष तथा प्रधानमन्त्री केपी शर्मा ओलीलाई साथ दिनेहरु दास भएको टिप्पणी गरेका छन् ।

शुक्रबार विराटनगर आइपुगेका उनले विमानस्थलमा पत्रकारसँग कुरा गर्दै भने, ओलीलाई साथ दिनेहरु दास हुन् । त्‍यसकारण समानान्तर कमिटि गठनका लागि विराटनगर आएका छौँ।

ओलीले विधान विपरीत काम गर्दै हिडेका कारण सामान्तर कमिटी गठन गर्न शुरु गरेको उनको भनाइ छ । आफहरु ओलीको दास हुन नसक्ने बताउँदै उनले संगठित भएर विरोध गर्ने जिकिर गरे ।

विधान विपरीत काम गर्नेलाई साथ, समर्थन दिने दास हुन्, हामी होइनौं,’ उनले भने ‘ओलीले पार्टीभित्र मुख हेरेर कारबाही चलाएका छन्, यो विधान विपरीत छ ।’

पछिल्लो समय वरिष्ठ नेता नेपाल देशभर विद्यार्थी, युवा र महिला संगठनमा समान्तर कमिटी गठन गर्दै आएको छ ।

One response to “ओलीलाई साथ दिनेहरु दास हुन् – वरिष्ठ नेता नेपाल”

1. Bhim says:

   April 10, 2021 at 6:05 am

   पहिले माधब कमरेडकाे कुरा मान्ने पनि दास भईएछ । र अहिले पनि दास निर्माणका लागि नै कमरेडले विराटनगर दाैडाहामा जानू भएकाे हाला,

   Reply