२ बैशाख २०७८, बिहीबार ०५:५५ बुधवार साप्ताहिक, नयाँबानेश्वर, काठमाण्डौं

अविश्वास प्रस्ताव दर्ता गर्नुअघि नै गण्डकी प्रदेश सभाको अधिवेशन गरियो अन्त्य

पोखरा। गण्डकी प्रदेशका मुख्यमन्त्री पृथ्वी सुब्बा गुरुङविरुद्धमा अविश्वास प्रस्ताव दर्ताको तयारी गरेपछि हठात रुपमा अधिवेशन नै अन्त्य गरिएको छ ।

प्रदेश प्रमुख अमिक शेरचनले प्रदेश सभाको चालु अधिवेशन अन्त्य गरेको सूचना जारी गरिसकेका छन् । गण्डकी प्रदेशका उद्योग, पर्यटन, वन तथा वातावरण मन्त्री विकास लम्सालले हिजो बुधबार साँझ बसेको मन्त्रिपरिषद् बैठकले अधिवेशन अन्त्यका लागि प्रदेश प्रमुखसमक्ष सिफारिस गरेको बताए ।

एक्कासी अधिवेशन अन्त्य गरिएपछि विशेष अधिवेशन बोलाउने विषयमा प्रतिपक्ष दलहरुले तयारी थालेका छन् । अहिले समाजवादी पार्टी र कांग्रेसबीच केहीबेरमा छलफल हुँदैछ ।