१७ श्रावण २०७८, आईतवार १२:५४ बुधवार साप्ताहिक, नयाँबानेश्वर, काठमाण्डौं

देशमा विकास र सुशासननका लागि कम्युनिस्ट नै चाहिन्छ : ओली

१७ साउन,काठमाडौं । नेकपा एमालेका अध्यक्ष केपी शर्मा ओलीले देशमा विकास र सुशासननका लागि कम्युनिस्ट नै चाहिन्छ भनेर स्थापित गरेको बताएका छन् ।

तुलसीलाल स्मृति दिवसको अवसरमा आयोजित कार्यक्रमलाई सम्बोधन गर्दै ओलीले आफू सरकारबाट हटेसँगै दमन सुरु भएको बताउँदै यस्ता कदम सच्याउन सरकारलाई खबरदारी समेत गरेका छन् ।

हामी सरकारबाट हट्यौं । सरकारबाट हटेको भोलिपल्ट स्काउट जस्ता संस्थालाई चल्न दिइएन । स्काउटविरुद्ध जुलुस निकाल्न थालियो’ उनले भने ।

अध्यक्ष ओलीले भने, स्काउटका कार्यकर्ता विभिन्न जिल्लाबाट आउँदा बस बसबाट उतार्ने काम भयो । खाना नदिएर रोक्ने काम भयो । सभा गर्न दिइएन । दमन शुरु भइसक्यो । मान्छेहरु निष्कासन हुन थालिसके ।