१८ श्रावण २०७८, सोमबार ०२:२३ बुधवार साप्ताहिक, नयाँबानेश्वर, काठमाण्डौं

मेघगर्जन र चट्याङसहित चार प्रदेशमा भारी वर्षाको सम्भावना

१८ साउन, काठमाडौं । आज सोमबार पनि देशका धेरै भू–भागको मौसममा बदलीको अवस्था रहेको मौसमविदले बताएका छन् ।
आज बिहान देशका अधिकांश भू–भागमा सामान्य बदली रही प्रदेश–१, वागमती, गण्डकी र लुम्बिनी प्रदेशका केही स्थानमा हल्का वर्षा भइरहेको जल तथा मौसम विज्ञान विभागले जनाएको छ ।

आज दिउँसो देशभर सामान्यदेखि पूर्ण बदली रही धेरै स्थानमा हल्कादेखि मध्यम वर्षाको सम्भावना रहेको छ । प्रदेश–१, वागमती र गण्डकी प्रदेशका एक–दुई स्थानमा मेघगर्जन र चट्याङ्गसहित भारी वर्षाको सम्भावना रहेको विभागले जनाएको छ ।

आज राति देशभर सामान्यदेखि पूर्ण बदली रही धेरै स्थानमा हल्कादेखि मध्यम वर्षाको सम्भावना रहेको छ । प्रदेश–१, वागमती, गण्डकी र सुदूरपश्चिम प्रदेशका एक–दुई स्थानमा मेघगर्जन र चट्याङ्गसहित भारी वर्षाको सम्भावना रहेको छ ।

भारी वर्षाको सम्भावना रहेकाले पहाडी भू–भागमा भूक्षय, पहिरो तथा गेग्रान बहावको जोखिम रहेकाले नदीनाला र खहरे खोलामा पानीको सतह बढ्न सक्ने भन्दै आवश्यक सतर्कता अपनाअउन विभागको आग्रह छ ।