२५ मंसिर २०७८, शनिबार ०३:५७ बुधवार साप्ताहिक, नयाँबानेश्वर, काठमाण्डौं

उम्मेदवार टुंगो लगाउन पौडेल समूहको बैठक बस्दै

२५ मंसिर, काठमाडौं । उम्मेदवारको टुंगो लगाउन नेपाली कांग्रेसका वरिष्ठ नेता रामचन्द्र पौडेल पक्षका नेताहरूको बैठक बस्दै छ । बिहान बस्ने भने पनि बैठकको समय भने तोकिएको छैन ।

बैठक बोहराटारमा बस्ने केन्द्रीय सदस्य गुरुराज घिमिरेले जानकारी दिए ।

निर्वाचन सिमितिले आज १० बजेदेखि साँझ ५ बजेसम्मका लागि उम्मेदवारको मनोनयन दर्ताको समय तोकेको छ । तर पौडेल समूहले अझै सभापतिकको उम्मेदवारसमेत टुंगो लगाएको छैन ।

उम्मेदवार टुंग्याउन शुक्रबार राति बोहराटारमा बैठक बसेको थियो तर सभापतिको उम्मेदवारको टुंगो लागेन ।

पौडेल समूहमा प्रकाशमान सिंह र शेखर कोइरालाले सभापति नछाड्ने अडान लिएपछि उम्मेदवारको टुंगो लाग्न सकेको छैन । वरिष्ट नेता पौडेलको नाममा समेत सहमति हुन सकेको छैन।