२८ फाल्गुन २०७८, शनिबार ०१:५४ बुधवार साप्ताहिक, नयाँबानेश्वर, काठमाण्डौं

मादी दुर्घटनामा मृत्यु भएका परिवारलाई प्रदेश सरकारले एक लाख सहयोग गर्ने

२८ फागुन, संखुवासभा । संखुवासभाको मादीमा भएको बस दुर्घटनामा परी मृत्यु भएका व्यक्तिका परिवारलाई सरकारले आर्थिक सहयोग गर्ने भएको छ ।

प्रदेश-१ सरकारका आन्तरिक मामिला तथा कानुनमन्त्री केदार कार्कीले दुर्घटनामा मृत्यु भएका यात्रुका परिवारलाई एक लाख रुयैयाँका दरले सहयोग उपलब्ध गराइने जानकारी दिए । मृतक १५ जनाको परिवारलाई सरकारले आर्थिक सहयोग गर्ने बताउँदै कार्कीले भने, दुर्घटनामा घाइते भएका सबै यात्रुको उपचार खर्च पनि प्रदेश सरकारले नै व्यहोर्ने छ ।

प्रदेश-१ का प्रहरी प्रमुख प्रहरी नायब महानिरीक्षक अरुण बिसीका अनुसार पाँच जना घाइतेको उपचारका लागि हिजो नै हेलिकप्टर परिचालन गरी धरान ल्याइएको छ । मादीबाट झापाको दमक आउँदै गरेको बा.४ ख ७३५ नम्बरको यात्रुवाहक बस सातघुम्ती मोडमा दुर्घटना भई डाँडाबाट तीन सय मिटर तल खसेको थियो ।