२५ जेष्ठ २०७९, बुधबार ०४:३० बुधवार साप्ताहिक, नयाँबानेश्वर, काठमाण्डौं

जसपाको बैठकमा कुटाकुट

२५ जेठ, जनकपुर । स्थानीय तहको निर्वाचनको समीक्षा गर्न बसेको जनता समाजवादी पार्टी जसपा धनुषाको बैठकमा कुटाकुट भएको भएको छ ।

जनकपुरको लक्ष्मीनियामा रहेको होटल बाबाको ढावामा मंगलवार बसेको जसपाको समीक्षा बैठकमा कुटाकुट भएको हो । बैठकमा जसपा अध्यक्ष उपेन्द्र यादव पनि सहभागी थिए ।

बैठकमा भएको कुटाकुटमा तीन कार्यकर्ता घाइते समेत भएको बताइएको छ । जसपा सबैला नगर अध्यक्ष बैधनाथ रायले चुनावमा केन्द्रीय सदस्य साधु यादव लगायतका समूहले अन्तरघात गरेको आरोप लगाएका थिए । मन्तव्य सकेर बसेलगत्तै उनलाई एक समूहले कुट्न थालेपछि केहिबेर तनाव सृजना भएको बताईको छ ।

जसपा नेताहरु सिकिन्दर सिंह यादव, अवधकिशोर रविदास र जितेन्द्र मुखिया लगायतले रायमाथि आक्रमण गरेकाथिए । पछि उनीहरुलाई बैठकबाट निकालेपछि अबस्था साम्य बनेको थियो ।