८ बैशाख २०८०, शुक्रबार ०६:३४ बुधवार साप्ताहिक, नयाँबानेश्वर, काठमाण्डौं

ओमानविरुद्ध कुशलको अर्धशतक

८ वैशाख, काठमाडौं । एसीसी प्रिमियर कपको समूह ‘ए’ अन्तर्गत ओमानविरुद्ध ब्याटिङ गरिरहेको नेपालका लागि कुशल मल्लले अर्धशतक बनाएका छन् ।

कीर्तिपुरस्थित त्रिवि क्रिकेट मैदानमा ओमानका कप्तान जिशन मक्सुदले टस रोजेर फिल्डिङ रोजेपछि घरेलु टिम ब्याटिङमा उत्रिएको थियो । दुवै ओपनरलाई शून्यमा गुमाएर खराब सुरुआत गरेको नेपालका लागि कुशलले ३० बलमा ६ चौका र एक चौकासहित इनिङको पहिलो अर्धशतक बनाएका हुन् ।

उनीसँगै क्रिजमा रहेका आरिफ शेख ३८ बलमा २७ रन बनाएर खेलिरहेका छन् । यसअघि कप्तान रोहित पौडेल २४ तथा भीम सार्की ३३ रन बनाएर आउट भएका थिए । पहिलो खेलमा नेपालले मंगलबार मलेसियालाई ६ विकेटले पराजित गरेको थियो ।
नेपालले २९.३ ओभरमा चार विकेट गुमाएर एक सय ३७ रन बनाएको छ । ओमानका लागि विलाल खान, कलिमुल्लाह, जिशन मक्सुद र फयाज बटले एक–एक विकेट लिएका छन् । नेपालले तेस्रो खेल साउदी अरबविरुद्ध आगामी सोमबार मुलपानी क्रिकेट मैदानमा खेल्ने छ ।