२० असार २०८०, बुधबार ०३:५८ बुधवार साप्ताहिक, नयाँबानेश्वर, काठमाण्डौं

सिन्धुपाल्चोकसहित १२ जिल्लामा बाढीको जोखिम, सतर्कता अपनाउन सुझाव

२० असार, काठमाडौं । आज (बुधबार) सिन्धुपाल्चोकसहित १२ जिल्लाका खोला/नदीमा आउने बाढीले जोखिम निम्त्याउन सक्ने सम्भावना रहेकाले सतर्कता अपनाउन सुझाव दिइएको छ। बाढी पूर्वानुमान महाशाखाका अनुसार आज इलाम, झापा, पाँचथर, सिराहा, सप्तरी, दोलखा, सिन्धुपाल्चोक, कैलाली, कञ्चनपुर, डडेल्धुरा, बैतडी, दार्चुला र आसपास भई बहने केही खोला/नदीमा आकस्मिक बाढीको जोखिम देखिएको हो।