१३ श्रावण २०७९, शुक्रबार ०६:०६ बुधवार साप्ताहिक, नयाँबानेश्वर, काठमाण्डौं

एमालेमा भित्रिए लमजुङका कांग्रेस र माओवादीका यी प्रभावशाली नेता

१३ साउन, काठमाडौं । नेपाली कांग्रेस लमजुङका नेता द्वारिकाप्रसाद मिश्र र माओवादी निकट प्रेस सेन्टर लमजुङका अध्यक्ष रुद्र ढकाल र जसपाका लक्ष्मी मिश्रसहित ११० जना नेकपा एमालेमा प्रवेश गर्नुभएको छ ।

कांग्रेस नेता मिश्र २८ वर्षपछि पुरानै घर फर्किनुभएको हो । २८ वर्षसम्म नेपाली काँग्रेसमा आवद्ध भई सुन्दरबजार नगर समितिका सभापति, २०७४ मा स्थानीय निर्वाचनमा प्रमुखमा स्वतन्त्रबाट उम्मेदवार भएका मिश्र तरुणदल लमजुङका पूर्व सचिव हुनुहुथ्यो।

मिश्रको शुरुवाती राजनीति भने एमालेबाटै सुरु भएको थियो । मिश्रले बिहीबार सुन्दरबजारमा पत्रकार सम्मेलन गरी नेपाली काँग्रेसहित विभिन्न पार्टीबाट १०९ जना एमालेमा प्रवेश गरेको घोषणा गर्नुभएको हो । त्यस्तै, प्रेस सेन्टर लमजुङका अध्यक्ष ढकाल पत्रकार महासंघ जिल्ला सचिव समेत हुनुहुन्छ।

त्यस्तै जिल्ला समन्वय समिति लमजुङमा नेकपा एमालेको प्यानल नै विजयी भएको छ ।बिहीबार भएको मतदानमा कुल १६ मतादाता रहेकोमा एमालेको मात्रै बहुमत ९ मत रहेकोमा गठवन्धन भत्काउँदै एमालेको पक्षमा १० मत प्राप्त भइ प्यानल नै विजयी भएको हो । एमालेका पुर्ण गुरुङ १० मत प्राप्त गरि विजयी भएका छन् भने उनका प्रतिस्पर्धी कांग्रेसका मुरली कुमालले ६ मत प्राप्त गरे ।