२१ भाद्र २०७९, मंगलवार ११:४६ बुधवार साप्ताहिक, नयाँबानेश्वर, काठमाण्डौं

अमेरिकी प्रमुख उपसहायक विदेशमन्त्री काठमाडौंमा

२१ भदौ, काठमाडौं । अमेरिकाको दक्षिण तथा मध्य एसियाली मामिला ब्युरो हेर्ने कार्यवाहक प्रमुख उपसहायक विदेशमन्त्री एलिजाबेथ होर्स्ट काठमाडौं आएकी छन् ।

काठमाडौंमा हुने जलवायु परिवर्तनसम्बन्धी कार्यक्रमका लागि उनी काठमाडौं आएको अमेरिकी दूतावासले जनाएको छ । आफ्नो भ्रमणको क्रममा उहाँ जलवायु परिवर्तनको क्षेत्रको हाम्रो साझेदारीमा केन्द्रित हुनु हुनेछ । पहिलो पटक आयोजना हुन लागेको क्लाइमेट एक्सन च्याम्पियन्स नेटवर्क सम्मेलनमा सहभागी हुनुहुनेछ, दूतावासले भनेको छ ।

पछिल्लो समय नेपालमा अमेरिका र चीनका उच्च पदाधिकारीहरुको भ्रमण हुँदै आएको छ । संसदबाट एमसीसी पास भएपछि अमेरिकी पदाधिकारीहरुको भ्रमणलाई लिएर चिनियाँ पक्षले आपत्ति जनाउँदै आएको छ । चीनले नेपाललाई ’एक चीन नीति’ प्रति प्रतिवद्ध हुन आग्रह समेत गर्दै आएको छ ।