२० पुष २०७९, बुधबार ०२:०७ बुधवार साप्ताहिक, नयाँबानेश्वर, काठमाण्डौं

पाँचथरमा घरमा आगलागी हुँदा दुईको मृत्यु, दुई घाइते

२० पुस, पाँचथर । पाँचथरको फिदिम नगरपालिका–८ मा आगलागीमा परी दुई जनाको ज्यान गएको छ । स्थानीय मेगबहादुर गुरुङको घरमा आगलागी हुँदा उनकी छोरी र बुहारीको ज्यान गएको हो ।

ज्यान गुमाउनेमा गुरुङकी बुहारी २३ वर्षीया आसानसिंह थेबे र २२ वर्षीय छोरी ममता गुरुङ रहेको जिल्ला प्रहरी कार्यालय पाँचथरले जानकारी दिएको छ । आगलागीमा परी ५५ वर्षीय मेघबहादुर गुरुङ र छोरा बिजेन्द्र गुरुङ घाइते भएका छन् । घाइतेको अवस्था सामान्य रहेको प्रहरीले जनाएको छ । उनीहरूलाई उपचारार्थ पाँचथर अस्पतालमा ल्याइएको छ ।

घरमा सात जना सुतेकोमा दुई जनाको ज्यान गएको‚ दुई जना घाइते भएको र तीन जना भागेर बच्न सफल भएको जिल्ला प्रहरी कार्यालय पाँचथरका प्रमुख (डीएसपी) हरि खतिवडाले बताएका छन् ।

आगलागीबाट ५० लाख रुपैयाँ बराबरको क्षति भएको प्रहरीको प्रारम्भिक अनुमान छ । आगलागीको कारण अझै खुलेको छैन ।