२२ जेष्ठ २०८०, सोमबार ०७:५८ बुधवार साप्ताहिक, नयाँबानेश्वर, काठमाण्डौं

मैले कहीँ पनि सीमाबारे यो विकल्प हुन्छ भनेको छैन : प्रधानमन्त्री

२२ जेठ,काठमाडौं । प्रधानमन्त्री पुष्पकमल दाहाल ‘प्रचण्ड’ ले भारतीय प्रधानमन्त्री नरेन्द मोदी नेपाल– भारत सीमा समस्या सुल्झाउन सकारात्मक भएको बताएका छन् ।

आफ्नो भारत भ्रमणबारे संसदलाई जानकारी दिँदै प्रधानमन्त्री प्रचण्डले नेपाल भारतबीच स्थापित कुटनीतिक माध्यमबाट सीमा समस्या सुल्झाउने भारतीय प्रधानमन्त्री मोदी सकारात्मक रहेको बताएका छन् । प्रधानमन्त्री प्रचण्डले भने, सीमा समस्या समाधान गर्न भारतीय प्रधानमन्त्री मोदीलाई मैले गम्भीर ढंगले आग्रह गरको छु । भारतीय प्रधानमन्त्री मोदीले नेपालसँग रहेका सीमालगायत थाती रहेका विवादका विषय समाधान गर्न सकारात्मक रहेको प्रचण्डले संसदमा जानकारी गराए ।

प्रधानमन्त्री प्रचण्डले भने, लामो समयपछि भारतीय प्रधानमन्त्री मोदीबाट सीमासम्बन्धी विषयमा स्पष्ट विचार आएको यो पहिलो र सकारात्मक विषय हो ।

‘कन्फ्युज नहोस् मैले कहीँ पनि सीमाबारे यो विकल्प हुन्छ भनेको छैन’
प्रधानमन्त्री पुष्पकमल दाहाल प्रचण्डले आफूले सीमाबारे कहीँ पनि विकल्प नदिएको बताएका छन् । सोमबार प्रतिनिधिसभा बैठकलाई सम्बोधन गर्दै प्रचण्डले सीमाबारे विकल्प यो हुन्छ भनेर प्रस्तावित नगरेको स्पष्ट पारेका हुन् ।

‘मैले कहीँ पनि विकल्प यो हुन्छ र यसमा जाउँ भनेर प्रस्तावित गरेको छैन । प्रष्ट होस्’, प्रचण्डले भने, ‘कहीँ कोही कन्फुजन नहोस् । हामीले भनेका छौँ कालापानी, लिपुलेक, लिम्पियाधुरा नेपालको भूमिका हो । नेपालको भूमि हो भन्ने कुरा स्थापित कुरा सबैभन्दा ठूलो कुरा हो भन्नेमा म स्पष्ट छु ।

आफूले सोहीअनुसार आफ्नो भूमिका खेलेको पनि प्रचण्डले बताए । उनले सिधा तथ्य भएको कुरालाई नघुमाउन पनि अनुरोध गरे । तुलनात्मक रुपमा भ्रमण सफल मात्रै नभई ऐतिहासिक भएको पनि प्रचण्डले बताए ।