25th September 2017, Monday

E-budhabar

होटलमा मन्त्रीको क्वार्टर



 काठमाडौं । स्वयम्भूको भगवान्पाउमा रहेको ‘स्वयम्भू पिस होटेल’मा बिहानबेलुका सुरक्षाकर्मीको आवतजावत बाक्लिएको छ । वरपरका स्थानीयवासी अचम्ममा थिए, होटलभित्र के भएको छ ? किन सुरक्षाकर्मीको दौडधुप छ ? गत शुक्रबार बिहान करिब ७ बजे ‘स्वयम्भू पिस होटेल’ पुग्दा गेटमै सुरक्षाकर्मी खटिएका थिए । केही मिनेटमा एउटा सरकारी गाडी गेटबाट भित्र प्रवेश ग¥यो । गाडी नम्बर थियो, बा१झ १००९ ।
उक्त गाडी थियो गृह राज्यमन्त्री श्याकुमार श्रेष्ठको । उनी अहिले झन्डावाल गाडीसहित होटलम बस्छन् । श्रेष्ठ यसअघि नयाँबजारमा कोठा लिएर बस्दै आएका थिए । सुरुमा त उनले आफू होटलमा बसेको कुरा अस्वीकार गरे, ‘होइन, होइन ।’ होटेलको नाम नै लिएपछि उनले अस्वीकार गर्न सकेनन् । भने, ‘नियमित बस्दै आएको ठाउँ साँघुरो भयो । मन्त्री भएपछि आउनेजाने मान्छे बढी भएकाले गाउँकै दाइको होटेलमा बस्दै आएको हुँ ।’
सरकारले पटकपटक थप गरेर मन्त्रिपरिषद्को संख्या ५० पु¥याएको छ । यसमा राज्यमन्त्रीको संख्या नै २३ जना रहेको छ । जम्बो मन्त्रिमण्डल बनेपछि अहिले राज्यमन्त्रीलाई कार्यकक्ष कहाँ दिने भन्ने समस्या पर्न थालेको छ । मन्त्रीहरूका लागि पुल्चोकमा मन्त्री क्वार्टर भए पनि त्यहाँ सीमित ठाउँ मात्र छ । २३ जना मन्त्री र तीन उपप्रधानमन्त्रीसमेत रहेकाले भएकै मन्त्रीहरूलाई त्यहाँ ठाउँ पुगेको छैन । यस्तो अवस्थामा जुनियर राज्यमन्त्रीहरूले ठाउँ पाउन सक्ने कुरै भएन । पर्याप्त ठाउँ नभएपछि उनी होटलमै कोठा लिएर बस्न थालेका हुन् ।

Leave a Reply

... र यो पनि ...

चक्रपथ

प्रशासकको सहयोगविना मन्त्रीले भ्रष्टाचार गर्न सक्दैन

रणोद्वीप सिंह वा वीर शमशेरको पालाको कुरा श्री ३ लाई मन परेकी एउटी सुसारे थिइन । राणा परम्परामा सुसारे, नानी, मैयाँ साहेब, रानी, महारानीसमेत भनेर विभिन्न श्रेणीमा भित्रिनीहरूलाई- ...
पूरा पढ्नुहोस्

स्रष्टा र सिर्जना

सिर्जना चोरी लाजको पराकाष्ठा

सिर्जनाको चोरी कुनै नौलो विषय रहेन अब । खासगरी, नेपाली गीत–संगीतमा ‘सिर्जना–चोरी’को पहिलादेखिकै निरन्तरता आजपर्यन्त कायम छ । पछिल्लो समय, निर्माणाधीन चलचित्र ‘छक्कापन्जा–२’- ...
पूरा पढ्नुहोस्

नयाँ पुस्तक

कलिला दिमागलाई भूकम्प–जानकारी

२०७२ साल वैशाख १२ गतेको महाभूकम्प नेपाली जनताका मानस पटलबाट अझै मेटिइसकेको छैन । महाभूकम्पको त्रासदीले पछ्याइरहेको छ अझै । महाभूकम्पले थोपरिदिएको पीडा र घाउहरू आजपर्यन्त देख्न- ...
पूरा पढ्नुहोस्

छोटकरीमा