२४ असार २०७१, मंगलवार १२:४३ बुधवार साप्ताहिक, नयाँबानेश्वर, काठमाण्डौं

ओलीका प्रतिनिधि गुण्डागर्दीमा उत्रिए

असार २४, काठमाडौं । विचारमा हारिसकेको ओली समूह नेतृत्व चयनको स्वस्थ प्रतिस्पर्धामा पनि हार्ने भएपछि नांगो गुण्डागर्दीमा उत्रिएको छ । यस अघि पनि यस्ता खालका गतिविधिमा संलग्न ओली पक्षका प्रतिनिधि विवेक श्रेष्ठले हिजो राती माधव नेपाल पक्षका प्रतिनिधिमाथि सांघातिक हमला गरेका छन् ।
श्रेष्ठ र गगन डाँगीले राती १२ बजे सुन्धाराको विन्दबासिनी होटल पुगेर कोठा नं २०२ सुतिरहेका दाङका प्रतिनिधि नेटमणी आचार्यमाथि हातपात गरेका थिए । उनीहरुले ‘तँ माधव नेपाललाई भोट हाल्ने हैनस्, यदी नेपालललाई भोट हालिस् भने हात खुट्टा भाचिदिन्छौ’ भनेर धम्क्याएका थिए ।
हिजो राती भएको घटनाबारे आचार्यले आज अध्यक्ष मण्डललाई जानकारी गराएका थिए । अध्यक्ष मण्डले आचार्य र श्रेष्ठ दुवैलाई राखेर घटनावारे जानकारी लिएको थियो । त्यसपछि श्रेष्ठलाई आत्मलोचना गर्न लगाएर आईन्दा त्यस्तो कार्य नगर्न र गरेको पाईएमा महाधिवेशन प्रतिनिधिका साथै पार्टीको संगठित सदस्यता पनि खोज गरिने जानकारी गराएको थियो ।
यसैवीच, ओली समूहले महाधिवेशनस्थलमै प्रतिनिधि किन्ने क्रम शुरु गरेको छ । विश्वस्त स्रोतका अनुसार आज महाधिवशनस्थलको टेन्ट नं १० मा २० हजारका दरले दिने आश्वासन दिदै पाँच–पाँच हजार भने बैना बँडिएको थियो ।