१६ पुष २०७१, बुधबार ११:१२ बुधवार साप्ताहिक, नयाँबानेश्वर, काठमाण्डौं

एमाले पाँचथरमा भण्डारी

फिदिम । नेकपा
(एमाले) पाँचथरको सातौँ जिल्ला अधिवेशनबाट यसअघिका कार्यबाहक अध्यक्ष राजकुमार भण्डारी अध्यक्षमा निर्वाचित हुनुभएको छ । नयाँ नेतृत्वका लागि भएको निर्वाचनको बिहीबार अपराह्न सम्पन्न मतगणनामा भण्डारीले प्रतिद्वन्द्वी पूर्व राष्ट्रिय प्रतिनिधि परिषद् सदस्य कमल जबेगुलाई सात मतको अन्तरले पराजित गर्दै अध्यक्ष निर्वाचित हुनुभएको हो ।
भण्डारी एमाले अध्यक्ष केपी शर्मा ओलीनिकट हुनुहुन्छ भने जबेगु नेता माधवकुमार नेपाल निकट । यस्तै, उपाध्यक्षमा भण्डारी प्यानलकै भूवानीप्रसाद लिङ्देन निर्वाचित हुनुभएको छ । उहाँले निवर्तमान सचिव प्रेमप्रसाद रिजाललाई २५ मतको अन्तरले पराजित गर्नुभएको हो । सचिवमा जबेगु प्यानलका तिवेन्द्रराज चापागाईं निर्वाचित हुनुभएको छ । चापागाईंले भण्डारी प्यानलका विमल सापकोटालाई पराजित गर्नुभएको हो । यस्तै उपसचिवमा जबेगु प्यानलकै धनकुमार फियाक निर्वाचित हुनुभएको छ । लेखा समिति संयोजकमा जबेगुु प्यानलका दिननाथ अधिकारी विजयी हुनुभएको छ ।
– युधिष्ठिरराज आमगाइ