१२ जेष्ठ २०७३, बुधबार ०५:४३ बुधवार साप्ताहिक, नयाँबानेश्वर, काठमाण्डौं

चिप्लिए चित्रबहादुर

काठमाडौं । उपप्रधानमन्त्री तथा सहकारी एवं गरिबी निवारणमन्त्री चित्रबहादुर केसी पटकपटक चिप्लिने गरेका छन् । केही महिनाअघि विवादास्पद सहकारी ऐन ल्याए पनि तीव्र विरोधका कारण मन्त्रिपरिषद्को विधायक समितिमा अड्किएको कुरा बिर्सेका केसीले ऐन–नियम मिचेर राष्ट्रिय सहकारी विकास बोर्डको सहअध्यक्षलाई हटाउन खोज्दा फेरि चिप्लिएका छन् ।
चार वर्षका लागि बोर्डको सहअध्यक्षमा नियुक्त सरोजकुमार शर्मालाई अवधि बााकी हुादै मन्त्री केसीले हटाएका थिए । गएको वैशाख ३१ गते मन्त्रिपरिषद्मा ठाडो प्रस्ताव लिएर सहअध्यक्ष शर्मालाई हटाउने निर्णय पारित गराएका मन्त्री केसीले त्यस ठाउामा प्यूठानका पूर्वजिविस सभापति बोमबहादुर खत्रीलाई नियुक्त गरेका थिए । बोर्डको सहअध्यक्षबाट आफूलाई पदमुक्त गरिएको पत्र गत जेठ ४ गते पाएपछि शर्माले १७ महिना कार्यकाल बााकी छादै आफूलाई हटाएको हुादा पुनर्बहाली हुनुपर्ने भन्दै सर्वोच्चको ढोका ढक्ढक्याएका थिए । सर्वोच्च अदालतले गत जेठ ७ गते अन्तरिम आदेश जारी गर्दै शर्मालाई पुनर्बहाली गर्न र नवनियुक्त सहअध्यक्ष खत्रीलाई काम नगर्न र नगराउन आदेश दिएको छ । तर, अदालतले अन्तरिम आदेश दिए पनि अझै खत्रीले बोर्डमा गएर काम गरिरहेको बताइन्छ ।
मन्त्री केसीले आफूसाग कुनै सल्लाह नै नगरी हटाएकोमा शर्मा पनि चकित परेका थिए । शर्माले मन्त्रीलाई भेटेरै ‘तपाईंलाई कुनै अप्ठ्यारो पर्छ भने म राजीनामा दिन तयार छु’ भनेर पटकपटक भनेका थिए । तर, मन्त्री केसीले हट्नुस् नभने पनि एकाएक मन्त्रिपरिषद्बाटै निर्णय गराएर हटाउादा भने शर्मा चकित परेका हुन् । आफ्नो पदावधि बााकी हुादै हटाएकोमा कानुनले दिएको अधिकार प्रयोग गर्दै आफू अदालत गएको शर्माले बताए ।