२९ जेष्ठ २०७६, बुधबार ०५:३८ बुधवार साप्ताहिक, नयाँबानेश्वर, काठमाण्डौं

बिमला थिङको ‘परदेशी कान्छा’ सार्वजनिक

काठमाडौं । नवप्रतिभा विमला थिङको दोस्रो सांगीतिक कोसेली ‘परदेशी कान्छा’को भिडियो सार्वजनिक भएको छ ।
हिजो युटुबमार्फत उक्त भिडियो सार्वजनिक भएको हो । मकवानपुर–मनहरीकी स्थायी बासिन्दा थिङ पछिल्लो समय लोकसेलो गीतमा चर्चामा आइरहेकी छन् । गीत गाउनुका साथै आफैं मोडलिङमा समेत सक्रिय विमला विभिन्न स्टेज सोहरूमा समेत पछिल्लोपटक व्यस्त छिन् । हिजो सार्वजनिक भएको उक्त भिडियो केही घन्टामै दसौं हजार दर्शकले हेरिसकेको पाइएको छ । उक्त भिडियोमा अशोक तामाङ, विमला थिङ, अरिन तामाङलगायतको अभिनय रहेको छ । उक्त भिडियोको निर्देशन अजय स्याङ्तानले गरेका हुन् भने संगीत अशोक तामाङले गरेका हुन् । यसअघि उनको उनको ‘ताम्बाकी छोरी’ नामको एल्बम सार्वजनिक भएको थियो ।