३ भाद्र २०७७, बुधबार ०७:३७ बुधवार साप्ताहिक, नयाँबानेश्वर, काठमाण्डौं

प्रहरीको झुलमा फेरी झेल

काठमाडौं । नेपाल प्रहरीले खरिद गरेको झुलमा फेरी पनि झेल भएको छ । गत वर्ष गुणस्तरहीन भनेर आफैंले अस्वीकृत गरेको झुल यस वर्ष गुणस्तरयुक्त भन्दै खरिद गरेर भुक्तानीसमेत दिइसकेको छ ।
प्रहरीले गत वैशाखमा १७ हजार थान झुलका लागि बोलपत्र आह्वान गरेको थियो । तत्पश्चात् सेटिङका आधारमा राजन कडरियाको विभांश ब्याग उद्योगलाई झुल खरिदको जिम्मा दिइएको थियो । अचम्म त के छ भने गत वर्ष उनै कडरियाको त्यही झुल गुणस्रहीन भन्दै अस्वीकृत गरिएको थियो । तर, त्यही झुललाई यसपटक गुणस्तरयुक्त भन्दै खरिद गरिएको छ । प्रबन्ध शाखाका तत्कालीन इन्स्पेक्टर केशव गौतम, आर्थिक प्रशासन महाशाखाका एसएसपी पुरुषोत्तम कँडेल, भण्डारका डीएसपी मदन केसीले सेटिङ मिलाएर गुणस्तरहीन झुल पास गरेर भुक्तानी दिएको स्रोतले बतायो ।