३० भाद्र २०७८, बुधबार ११:३५ बुधवार साप्ताहिक, नयाँबानेश्वर, काठमाण्डौं

प्रदेश १ मा मन्त्रिपरिषद् विस्तार हुँदै, को-को बन्दैछन् मन्त्री र राज्यमन्त्री ?

३० भदौ, विराटनगर । अल्पमतमा रहेका प्रदेश १ का मुख्यमन्त्री भीम आचार्यले मन्त्रिपरिषद् विस्तारको तयारी गरेका छन् । मुख्यमन्त्री कार्यालय स्रोतका अनुसार बुधबार दुई जना मन्त्री र तीन जना राज्यमन्त्री नियुक्त गर्ने तयारी छ ।

स्रोतका अनुसार तुलसी न्यौपाने र हिरा थापा मन्त्री बन्ने सम्भावना छ । यस्तै ज्ञानेश्वर राजवंशी, अम्बिका थापा र लीलाबल्लभ अधिकारीलाई राज्यमन्त्री बनाउने तयारी छ ।

एमाले सांसद लीलाबल्लभ अधिकारीले साढे ५ बजे प्रदेश प्रमुखको कार्यालयमा बोलाइएको बताए । प्रदेश १ का सामाजिक विकास मन्त्री बलबहादुर साम्सोहाङले मन्त्रिपरिषद् विस्तार आजै हुने बताए ।